Sunday, July 5, 2015

මීන ලග්න පලාපල - ජූලි 2015

මීන

ඔබ ගන්නා තීන්දු තීරණ නිවැරදි වීමෙන් ඇති විය හැකි බොහෝ බාහිර කරදරවලින් මිදීමට ඔබට හැකියාව ඇත. කටයුතුවල නිරත වීමේදී උනන්දුව උත්සාහය ඇති බැවින් සාර්ථක අනාගතයට මග පෑදෙයි.

නොයෙක් මාර්ගවලින් මූල්‍ය ප්‍රතිපාදන ලැබෙන අතර අනාගත සුභ සිද්ධිය උදෙසා ඒවා නිසි ආයෝජනයන්ට යොදවනු ඇත. ගෘහ කටයුතු සඳහා මේ අවස්ථාවේ මුදල් වියදම් වීම වළක්වා ගත යුතුය. නැතහොත් මේ මාසය අගදී බොහෝ ආර්ථික අපහසුතා පැන නගිනු ඇත

හදිසි තීරණ සහ කළබලකාරී බව මෙම මස ඔබට රැකියාවේ පවතින එකම බාධාව වේ. ඒ ගැන අවධානයෙන් සිටියහොත් රැකියා ස්ථානයේ කරදර අවම වී රැකි රක්ෂා කටයුතුවල දියුණුවක් දැකිය හැකිය.  ප්‍රධානීන්ගේ අවධානයට යොමු වේ. ස්වයං රැකියා සහ කුඩා ව්‍යාපාරවල තත්වයට සහ දියුණුවට මෙම මාසය අවසානයේ ටිකක් අසුභය. හවුල් ව්‍යාපාරාදිය දියුණුවට පත් වේ.

අධ්‍යාපනයේ යෙදෙන අයට තම කටයුතු සාර්ථකත්වයක් කරා ගෙන යා හැකිය. මාසය අවසානයේ කිසියම් පීඩාකාරී බවක් දැනුනත් උනන්දුව උත්සාහය කිසිසේත් අත නොහැරිය යුතුය. ඉන්පසු කාළය හොඳ අතට හැරෙනු ඇත. මනා කැප කිරීම මගින් තරඟ විභාග ඉලක්කයන් සපුරා ගත හැකිය. උසස් අධ්‍යානයේ සහ වෘත්තීය අධ්‍යාපනයේ නියැලෙන අයට කිසිදු බාධකයක් නැත.

තරුණයන් අතර ප්‍රේම සම්බන්ධතා ගොඩ නැගුනද බාධක ඇත. පවතින සබඳතා කෙළවර වී යා නොදීමට කතාව සහ හැසිරීම පාලනය කර ගත යුතුය. යුගදිවි ගෙවන්නන්ට සුළු ගැටළු පැන නැගුනත් ක්ෂණයෙන් ඒවා සමතයකට පත් වෙන බැවින් කතා බව දිග්ගැසීම වළකා ගත යුතුය. දරුවන් සිටින අය ඔවුනගේ ඉගැනීමේ කටයුතු වෙනුවෙන් වෙනදාට වඩා උනන්දු වනු ඇත.

සෙම් රෝග, වෛරස් රෝගවලට ඉඩ ඇත. ඇති නිසා අපත්‍යකාරක දෙයින් වැළකීම සුදුසුය

ජය වර්ණය රෝස
ජය අංක 2, 3, 5

Pisces monthly horoscope for July 2015

0 comments :

Post a Comment