දැන් අපෙන් ඔයාගෙම ලග්න පලාපල

 

අපගේ වෙබ් අඩවියේ තිබෙන 2021 ජූලි මාසයේ ලග්න පලාපල ඉදිරිපත් කල දින සිට Facebook හා WhatsApp මගින් තමතමන් ලග්නය සඳහන්ව පණිවුඩ රාශියක් අප වෙත ලැබෙමින් පවතී. පළමුවෙන්ම අපගේ ලිපියට ඔබලාගේ අවධානය යොමු වීම ගැන සතුට සහ ස්තුතිය.

පලාපල.lk විසින් වෙනත් කිසිදු ජ්‍යොතිෂ ‌වෙබ් අඩවියකින් ඉදිරිපත් නොකරන සේවා රැසක් නොමිලේ ඔබ වෙනුවෙන් ඉදිරිපත්පත් කිරීමට ලැබීම ගැන අපි සතුටු වෙන්නෙමු. පොදු ලග්න පලාපලවලට අමතරව, ඔබේ උපන් තොරතුරු ඇතුලත් කල වහාම ඔබේ ‌ජන්ම පත්‍රය සැකසී අදාල ග්‍රහ තත්ව ඔබට බලා ගත හැකිය. එපමණක් නොව එම තොරතුරු සුරැකිව තබා ගැනීමට ගිණුමක් සාදා ගැනීමටත් හැකියාව ඇත. එම ගිණුම මගින් ඔබට අවශ්‍ය ගණනක ඔබේ පවුලේ සහ හිතවතුන්ගේ ජන්ම පත්‍ර සකසා එදිනෙදා භාවිතයට පහසු වන සේ, ඔබේ පලාපල ඔබටම බලා ගන්න අවස්ථාව සලසා ඇත. මීට වඩා සේවා රැසක් ඔබ වෙනුවෙන් ගෙන ඒමට පලාපල.lk 3වෙනි සංස්කරණය ඔබට තිළිණ කිරීමට දැනටමත් අපි වැඩ කරමින් සිටී.

මෙහි ඉදිරිපත් කර තිබෙන පොදු ලග්න පලාපල අදාල මාසයට තිබෙන ග්‍රහචාරයට අනුව ඒ ඒ ලග්නවලට සැකසූ පොදු ලග්න පලාපල බව කරුණාවෙන් සළකන්න. එමගින් තම තමන්ගේ ලග්නයට හිමි සුභ අසුභ ගැන යම් ප්‍රමාණයක ඉඟියක් ලබා ගැනීමට පුලුවන් නමුත් ඔබටටම අදාලව පලාපල විස්තරයක් බලා ගැනීමට අවශ්‍යනම් ඔබගේම ‌ජන්ම කේන්ද්‍රය භාවිතා කර බැලිය යුතුය. එහිදී දළ කේන්ද්‍රය ඇසුරන් පමණක් නොව, උපන් වේලාව අනුව සැකසූ නිවැරදි භාව කේන්ද්‍රය, ග්‍රහ සංයෝග, සුභ අසුභ ග්‍රහ පිහිටීම්, උපන් නැකත, මහ දසා, අතුරු දසා, විදසා ආදියද සැළකිල්ලට ගෙන ජ්‍යොතිෂයට අනුකූල වූ නිවැරදි අනාවරණයක් කල හැකිය. ඒ සඳහා ඔබේ පවුලේ ජ්‍යොතීර්වේදියාගේ සහාය ඔබට ලබා ගත හැකිය.

ඔබට අවශ්‍යනම් අපෙන්ද, ජ්‍යොතිෂ්‍යානුකූලව නිවැරදි ජන්ම පත්‍ර පරීක්ෂාවක් කර ගත හැකිය. එය මුදල් අය කරන සේවාවක් බව කරුණාවෙන් සළකන්න.

සේවා විස්තරය:

අපගේ සේවාවන් ලබා ගන්නා ඔබට, ඔබේ ජන්ම පත්‍රයට අදාල වටිනා තොරතුරු රැසක් ලබා දේ. ඒ අතර, ඔබ දැන ගැනීමට බලාපොරොත්තු වෙන අධ්‍යාපනය, රැකියාව, විවාහය, දරුවන් සම්බන්ධව ආදි එක් කරුණක දීර්ඝ විමර්ෂණ විස්තරයත් ඔබට ලබා ගත හැකිය. ඒ සමගම නිවැරදිව සැකසූ ඔබේ උපන් කේන්ද්‍රය, මහ දසා සහ අතුරු දසා ආරම්භ වෙන හා ගෙවෙන කාල වකවානුව සහ එම මහ දසා අතුරු දසාවලින් ඔබට සුභ අසුභ ඒවා සළකුණු කර ලැබේ. ඔබේ උපන් නැකතට අනුව සුභ කටයුතුවලදී ඔබට භාවිතා කිරීමට සුදුසු නැකැත්ද ඔබට සුභ දින හා අංක ගැනද විස්තරයක් ලබා දේ. එපමණක් නොව, 22වෙනි දෙර්කාණාධිපති හා 64වෙනි නවාංශකාධිපති ආත්මකාරක ග්‍රහයා සුභ අසුභ මාරක ග්‍රහයන් ගැනද ඒවා පිළිබඳව විස්තරයක්ද ඔබට සපයනු ලැබේ. මිට අමතරව ඔබට අවශ්‍ය තොරතුරු හා සේවාවන් ගැන දුරකථනය සාකච්චා කර ගත හැකිය. මෙම කටයුතු කිරීමේදී ඔබගේ පෞද්ගලිකත්වය සීයට සීයක්ම ආරක්ෂා කිරීමට අපි පියවර ගන්නා අතර ඔබේ අනාගතය යහපත් කර ගැනීමට අපිට හැකි උපරිමය මෙම සේවාව තුලින් ඔබට ලබා ගත හැකිය.

කාලය:

අපිිට ඔබේ ජන්මපත්‍ර පරීක්ෂාවට සති තුනක හා මාසයක පමණ කාලයක් අවශ්‍ය වෙනමුත්, අවශ්‍ය හදිසි දේවල් පිළිබඳව ඔබට දුරකථනය මගින් දැනුවත් විය හැකිය. මුද්‍රිත පිටපත් ඔබේ නිවසටම ලියාපදිංචි තැපැල් මගින් එවනු ලැබේ.

අය කිරීම:

එක් අයෙකුගේ ජන්ම පත්‍ර පරීක්ෂාවකට රුපියල් 1500කි. දෙකකට වැඩි වැඩිනම් එකක් සඳහා රුපියල් 1000කි. විවාහ සම්බන්ධව දෙදෙනාගේම ජන්ම පත්‍ර පරීක්ෂාව සඳහා රුපියල් 2000ක් වන අතර අවශ්‍යනම් පොරොන්දම් විස්තරයක්ද ලබා ගත හැකිය. විවිධ අවශ්‍යතා වෙනුවෙන් නැකැත් සකසා දීමද සිදු කරන අතර විස්තර දුරකථනයෙනි.

‍

මුදල් ගෙවීම:

සම්පත් බැංකුවේ පලාපල.lk ගිණුමට ඔබට මුදල් ගෙවිය හැකිය. විස්තර සඳහා අපගේ වෙබ් අඩවිය බලන්න.

පුද්ගලිකව හමුවීමට:

පහසු දිනයක් වේලාවක් සඳහා අමතන්න.

තව කියවන්න

July 2021 Monthly Horoscopes By Palapala.lk

 

2021 ජූලි මාසයේ ලග්න පලාපල

මේෂ  |  වෘෂභ  |  මිථුන  |   කටක  |  සිංහ  |  කන්‍යා

තුලා  |  වෘශ්චික  |  ධනු  |  මකර  |  කුම්භ  |  මීන

මෙහි ඉදිරිපත් කර තිබෙන පොදු ලග්න පලාපල අදාල මාසයට තිබෙන ග්‍රහචාරයට අනුව ඒ ඒ ලග්නවලට සැකසූ පොදු ලග්න පලාපල බව කරුණාවෙන් සළකන්න. එමගින් තම තමන්ගේ ලග්නයට හිමි සුභ අසුභ ගැන යම් ප්‍රමාණයක ඉඟියක් ලබා ගැනීමට පුලුවන් නමුත් ඔබටටම අදාලව පලාපල විස්තරයක් බලා ගැනීමට අවශ්‍යනම් ඔබගේම ‌ජන්ම කේන්ද්‍රය භාවිතා කර බැලිය යුතුය. එහිදී දළ කේන්ද්‍රය ඇසුරන් පමණක් නොව, උපන් වේලාව අනුව සැකසූ නිවැරදි භාව කේන්ද්‍රය, ග්‍රහ සංයෝග, සුභ අසුභ ග්‍රහ පිහිටීම්, උපන් නැකත, මහ දසා, අතුරු දසා, විදසා ආදියද සැළකිල්ලට ගෙන ජ්‍යොතිෂයට අනුකූල වූ නිවැරදි අනාවරණයක් කල හැකිය. ඒ සඳහා ඔබේ පවුලේ ජ්‍යොතීර්වේදියාගේ සහාය ඔබට ලබා ගත හැකිය.

ඔබට අවශ්‍යනම් අපෙන්ද, ජ්‍යොතිෂ්‍යානුකූලව නිවැරදි ජන්ම පත්‍ර පරීක්ෂාවක් කර ගත හැකිය. එය මුදල් අය කරන සේවාවක් බව කරුණාවෙන් සළකන්න. වැඩි විස්තර සඳහා පහත ලින්ක් ඒකට යන්න.

දැන් අපෙන් ඔයාගෙම ලග්න පලාපල

ඔබට අවශ්‍ය වේලාවක සේවාවන් සක්‍රීය කර ගැනීම සඳහා ඔබේ පලාපල ගිණුමට ටොප් අප් කරන මුදලට දෙගුණයක වටිනාකමක්! මෙම දීමනාව සීමිත කාලයකට පමණයි. වැඩි විස්තර පහත ලින්ක් ඒකෙන් බලන්න.

Double the money - Special Offer

සල්ලි දෙගුණ කරන්න - විශේෂ දීමනාව 

 

තව කියවන්න

මේෂ පොදු ගෝචර ලග්න පලාපල - 2021 ජූලි

 

ග්‍රහස්ථුඨ බැලීම සඳහා ඉහත පිංතූරය මත ක්ලික් කරන්න.

ග්‍රහ මාරු 2021 ජූලි

• සඳු ග්‍රහයා දින 2යි 1/4කින් රාශියෙන් රාශියට ගෝචරය වෙයි. 
• බුධ ග්‍රහයා 2021 ජූලි 7 වෙනිදා පෙ.ව. 11:12 ට මිථුන රාශි ගත වෙයි. 
• රවි ග්‍රහයා 2021 ජූලි 16 වෙනිදා ප.ව. 4:53 ට කටක රාශි ගත වෙයි. 
• සිකුරු ග්‍රහයා 2021 ජූලි 17 වෙනිදා පෙ.ව. 9:26 ට සිංහ රාශි ගත වෙයි. 
• කුජ ග්‍රහයා 2021 ජූලි 20 වෙනිදා ප.ව. 5:55 ට සිංහ රාශි ගත වෙයි. 

මේෂ ලග්න පලාපල

(තර්ක: ලග්නාධිපති කුජ සිකුරු 4 වැන්නේ කේන්ද්‍රගතයි. කුජ නීචයි, සිකුරු සතුරුයි / දික්බලයි. සුභයි. ශනි 10 කේන්ද්‍රගතයි ස්වක්ෂේත්‍රයි. රැකියාව සුභයි. චර රාශි 11 බාධකයි, බුධ රාහු 2 වැන්නේ - තැන්පත් ධනය වියදම් / නිවාස අලංකරණය / යුග දිවි මත ගැටුම් සමථය. ගුරු 11 බාධා මධ්‍යයේ ආර්ථික දියුණුව. රවි 3 කැපී පෙනෙයි.)

පොදු

මාසය ආරම්භයේ සිටම සිතට කළබල ගතියක් දැනේවි. වැඩ රාජකාරි බහුල වීම නිසා ගතට අමතර විඩාවක් දැනේවි. මන්දෝත්සාහී වීම නිසා කලට වේලාවට වැඩ නිමා කිරීමේ නොහැකියාවෙන් සිතට අසහනයක් ගෙන දේවි. ඒම තත්වය පළමු සති දෙකෙන් පසුව යහපත් අතට හැරී ශක්තිමත් බවක් හා උනන්දුව උත්සාහය වැඩි වී ඇසුරු කරන්නන් අතරත් කැපී පෙනෙයි. මේ තත්වය තේරුම් ගෙන මාසයේ මුල සිටම ආයාසයෙන් කටයුතුවල නිරත වූවොත් ඔබට මුලු මාසය පුරාවටම ප්‍රයෝජනවත් ලෙස හා සතුටින් කල් ගෙවීමට හැකියාව ලැබේ.

ධනය

අදායම් තත්වය හොඳයි. තැන්පත් ධනය වියදම් වුවත් නාස්ති නොවේ. අවශ්‍ය දේවල් සඳහා වියදම් කරයි. දුර බැහැර ගමන්වලින් ලාභ ප්‍රයෝජන ලැබේ. විදේශ ගතවීම්වලටද වාසනාව ඇත. කතාවෙහි දක්ෂ ගුරුවරුන්ට, නීතිඥයට, බෝකර්වරුවරුන්ට සහ ව්‍යාපාරිකයන්ටත් මෙය ආදායම් ගලා එන කාලයකි. හවුල් ව්‍යාපාරවලින් ආදායම් සහ ලාභ ලැබේ. 

රැකියාව

රැකියාවල නියුතු අයට මහන්සිය නිසා කරදර ගැටලු ඇතිවේ. අමතර වැඩ හා නිදි මැරීම ආදිය නිසා වෙහෙස දැනේ. ඒහෙත් ඒ්වායින් ප්‍රථිපල තිබේ. ව්‍යාපාර හා ස්වයං රැකියාවන්හි නියුතු අයටද තම මහන්සියේ තරමට ප්‍රථිපල සහ ආදායම් ලැබේ. උනන්දුවෙන් කරන වගා කටයුතු, ගොඩනැගිලි දුව්‍ය හෝ භූමිය ආශ්‍රිත කරන කටයුතු සහ ව්‍යාපාරවලට මෙය ලාභ ප්‍රයෝජන ලැබිය හැකි හොඳ ග්‍රහචාරයකි. හවුල් ව්‍යාපාර කරන අයට කටයුතු සාර්ථකව දියුණුව කරා ලෙන යා හැකිය.

අධ්‍යාපනය

අධ්‍යපනය කටයුතුවලට ගැටලු බාධා ඇති නොවේ. වෙනත් බාහිර දේවලිිින් මිදී ඉගෙනුම ලබන අයට මෙය හොඳ කාලයකි. අධ්‍යාපනයේ නියුතු දරුවන් සිටින දෙමාපියන්ගේගේද අරමුණු ඉටුවේ. දරුවන් බාහිර ක්‍රියාකාරකම්වලද නිරත වේ. 

ගෘහ ජීවිතය

තරුණ තරුණියන්ට යහපත් ප්‍රේම සම්බන්ධතා ගොඩ නැගෙන, ප්‍රේම සම්බන්ධතා සහ විවාහ අපේක්ෂකයන්ට ඒ්වා ස්ථිර වීමට සුභ කාලයකි. විවාහක අයගේ අතර ආදරය සමගිය වර්ධනය වෙන හා ගෘහ ජීවිතය යහපත් වන පිංවත් දරුවන් ලබන ඉතා හොඳ කාලයකි. මොවුනොවුන් අතර කිසියම් මතභේද ඇති වුවත් ඒ්වා දුර දිග නොයවා සමගියෙන් විසීමට පවතින ග්‍රහචාරයේ අනුබලය ලැබේ. ගේ දොර නවීකරනයට, හා වතු පිටි අලංකරණයට වැඩි කාලයක් ගත කරමින් සතුටු වීමටද හැකියාව ඇත.

සෞඛ්‍යය

ඇස් ආබාධ, ස්නායු ආබාධ ඇති විය හැකිය. එම ආබාධ හා නිධන්ගත රෝග දැනටමත් තිබෙන අයට ලබා දී ඇති වෛද්‍ය උපදෙස් අනුගමනය කිරීමෙන් ඒ්වා උත්සන්න නොවේ.

තව කියවන්න

වෘෂභ පොදු ගෝචර ලග්න පලාපල - 2021 ජූලි

 

ග්‍රහස්ථුඨ බැලීම සඳහා ඉහත පිංතූරය මත ක්ලික් කරන්න.

ග්‍රහ මාරු 2021 ජූලි

• සඳු ග්‍රහයා දින 2යි 1/4කින් රාශියෙන් රාශියට ගෝචරය වෙයි. 
• බුධ ග්‍රහයා 2021 ජූලි 7 වෙනිදා පෙ.ව. 11:12 ට මිථුන රාශි ගත වෙයි. 
• රවි ග්‍රහයා 2021 ජූලි 16 වෙනිදා ප.ව. 4:53 ට කටක රාශි ගත වෙයි. 
• සිකුරු ග්‍රහයා 2021 ජූලි 17 වෙනිදා පෙ.ව. 9:26 ට සිංහ රාශි ගත වෙයි. 
• කුජ ග්‍රහයා 2021 ජූලි 20 වෙනිදා ප.ව. 5:55 ට සිංහ රාශි ගත වෙයි. 

වෘෂභ ලග්න පලාපල

(තර්ක: ලග්නාධිපති සිකුරු සමග කුජ 3 වැන්නේ. කුජ නීචයි, සිකුරු සතුරුයි. සුභයි. බුධ රාහු ලග්නයේ - හොඳයි. ගුරු 10 කේන්ද්‍රගතයි ආදායම් දියුණුව. රවි 2 තැන්පත් ධනය. ශනි 9 ස්වක්ෂේත්‍රයි. තිර රාශි 9 බාධකයි.)

පොදු

මාසය ආරම්භයේ සිටම සිතට යම් සහනයක් දැනේවි. වැඩ රාජකාරි බහුල වුවත් විඩාවක් නොමැතිව ඒ්වායෙහි නිරත වීමට හැකියාව ඇති වේ.  පළමු සති දෙකෙන් පසුව තත්වය තව තවත් යහපත් අතට හැරී ශක්තිමත් බවක් හා උනන්දුව උත්සාහය වැඩි වී ඇසුරු කරන්නන් අතරත් කැපී පෙනෙයි. මේ තත්වය තේරුම් ගෙන තම කටයුතුවල නිරත වූවොත් ඔබට සතුටින් කල් ගෙවීමට හැකියාව ලැබේ. දේශපාලන සහ සමාජ කටයුතුවල නිරත අයට සහ රජයේ උසස් තනතුරු හොබවන අයගේ කීම් සමාජය පිළි ගන්නා කාළයකි. ඒහෙත් චරිතය හා පෞර්ශත්වය පිරිසිදුව තබා ගැනීමට නිබඳව උනන්දු විය යුතුය.

ධනය

රැකියාවලින් සහ ව්‍යාපාරවලින් ලැබෙන අදායම් තත්වය හොඳයි. තැන්පත් ධනයක් ඇති කර ගැනීමටත් පුලුවන් කාලයකි.  කතාවෙහි දක්ෂකම මෙන්ම යහපත් චරිතයක් හා පෞර්ශත්වයක් ගොඩ නගා ගෙන තිබෙන ගුරුවරුන්ට මෙය ආදායම් ගලා එන කාලයකි. හවුල් ව්‍යාපාරවලින් ආදායම් සහ ලාභ ලැබේ. 

රැකියාව

රැකියාවල නියුතු අයට උසස් වීම් හා වගකීම් පැවරෙනවා. ව්‍යාපාර හා ස්වයං රැකියාවන්හි නියුතු අයටද ප්‍රථිපල සහ ආදායම් ලැබේ. හවුල් ව්‍යාපාර කරන අයට කටයුතු සාර්ථකව දියුණුව කරා ලෙන යා හැකිය. ප්‍රකාශන අංශයේ ව්‍යාපාර කරන අය ජනප්‍රිය වීමට සහ දියුණුවට පත් වෙන සුභ ග්‍රහචාරයකි. ඒහෙත් වගා කටයුතුවල නියැලෙන අයට විවිධ බාහිර ගැටලු නිසා ඒ්වා නිසියාකාරව කිරීමට නොහැකි වීමෙන් අලාභ හා වගා පාලු වීමට ඉඩ තිබෙන නිසා ඒ්වා පිළිබඳව වැඩි උනන්දුවක් දැක්විය යුතුයි. ගුරු රාහු මහ දසා අතුරු දසා ගත කරන අයට රැකියාවේ අපහසුතා අස්ථාන ‌චෝදනා රැකියා වෙනස් වීම් ආදී ගැටලු ඇති වීමට පුලුවන් නිසා ඒ්වාට හේතු වන දේවලින් වැළකීම යහපත්.  

අධ්‍යාපනය

අධ්‍යාපනය ලබන වයසේ පසුවන අයට හොඳයි. ඉගෙන ගන්නා වයසේ දරුවන් සිටින දෙමාපියන්ගේගේද අරමුණු ඉටුවේ. විශේෂයෙන්ම ග්‍රථ කටයුතුවල නිරතවන අයට මෙතෙක් අත පසු වෙමින් තිබූ අත් පිටපත් ප්‍රකාශනය කිරීමට උනන්දු වුවහොත් ඒ කටයුතු සාර්ථක කර ගැනීමට පුලුවන් කම ලැබෙනවා.

ගෘහ ජීවිතය

විරුද්ධ පාර්ශවයන් කෙරෙහි වැඩි අවධානයක් යොමු වෙන කාලයකි. තරුණ තරුණියන්ට යහපත් ප්‍රේම සම්බන්ධතා ගොඩ නැගෙන, ප්‍රේම සම්බන්ධතා සහ විවාහ අපේක්ෂකයන්ට ඒ්වා ස්ථිර වීමට සුභ කාලයකි. විවාහක අයගේ අතර ආදරය සමගිය වර්ධනය වෙන හා ගෘහ ජීවිතය යහපත්. දරුවන් බලාපොරොත්තුව  සිටින විවාහකයන්ට මෙය හොඳ කාලයකි. ගේ දොර නවීකරණයට හා අලංකරණයට වැඩි කාලයක් ගත කරමින් සතුටු වීමටද හැකියාව ඇත.

සෞඛ්‍යය

පීනස හා සෙම් රෝගවලට පහසුවෙන් ගොදුරු විය හැකිය. ඇදුම හතිය පපුව ආශ්‍රිත රෝග තිබෙන අය අනිවාර්යයෙන්ම වෛද්‍ය ප්‍රතිකාර ගත යුතුය.

තව කියවන්න

මිථුන පොදු ගෝචර ලග්න පලාපල - 2021 ජූලි

 

ග්‍රහස්ථුඨ බැලීම සඳහා ඉහත පිංතූරය මත ක්ලික් කරන්න.

ග්‍රහ මාරු 2021 ජූලි

• සඳු ග්‍රහයා දින 2යි 1/4කින් රාශියෙන් රාශියට ගෝචරය වෙයි. 
• බුධ ග්‍රහයා 2021 ජූලි 7 වෙනිදා පෙ.ව. 11:12 ට මිථුන රාශි ගත වෙයි. 
• රවි ග්‍රහයා 2021 ජූලි 16 වෙනිදා ප.ව. 4:53 ට කටක රාශි ගත වෙයි. 
• සිකුරු ග්‍රහයා 2021 ජූලි 17 වෙනිදා පෙ.ව. 9:26 ට සිංහ රාශි ගත වෙයි. 
• කුජ ග්‍රහයා 2021 ජූලි 20 වෙනිදා ප.ව. 5:55 ට සිංහ රාශි ගත වෙයි. 

මිථුන ලග්න පලාපල

(තර්ක: ලග්නාධිපති බුධ රාහු සමග 12 වැන්නේ - අසුභයි. කුජ සමග සිකුරු 2 වැන්නේ -  අසුභයි. කුජ නීචයි, සිකුරු සතුරුයි. ශනි 8 - අසුභයි. රැකියාව සුභයි. ගුරු 9 - සුභයි. රවි 1. මිථුන උභය රාශි 7 බාධකයි)

පොදු

මාසය ආරම්භයේ මානසික අසහනය හිතේ නොසන්සුන්තාවය නිසා පීඩාවට පත් වේ. මාසයේ අවසාන සතිය වන තෙක් මේ තත්වය පවතින නිසා සිත සන්සුන් වන අභ්‍යාසවල නිරත වීම යහපත්. විටින් විට ඇතිවන විවිධ කරදර බාධක නිසා සිත කළබලයට පත් වීම උත්සාහයෙන් මග හරවා ගන්න. කළකිරීම් හා බාධක හමුවේ ක්ෂණික තීරණ මෙන්ම දැඩි තීරණ ගැනීමද නුසුදුසුයි. සෙනසුරු මහ දසා අතුරු දසා ගත කරන අයට තත්වය තව දුරටත් බලවත් වන නිසා ආගමික වතාවත්වල නිරත වීමෙන් හිතට සහනයක් ගන්න.

ධනය

විවිධ ආකාරයේ වංචනිකයන්ට හසු වීමට තිබෙන ඉඩ කඩ වැඩි නිසා යම් මුදලක් වියදම් කරන්නේනම් බොහොම සැළකිල්ක් දැක්විය යුතු කාලයකි. මේවායින් බේරීමට එවන් වියදම් කල් දැමීම ඉතාම හොඳ ක්‍රමයති. නැතිහොත් තැන්පත් ධනයක් තිබේනම් එය වියදම් වීමට සහ නිකරුනේ නාස්ති වීමට ඉඩ තිබේ. ව්‍යාපාරික අවශ්‍යතාවයන් සඳහා මුදල් ආයෝනයට නුසුදුසුය.

රැකියාව

රැකියා ස්ථානවල කරදර ප්‍රශ්න සහ රහස් සතුරු කරදර ඇති විය හැකි නිසා ළඟින් සිටින අය කෙරෙහිද වැඩි අවධානයකින් පසු විය යුතු කාලයකි. මන්දෝත්සාහී ගතිය වැඩ අධික වීම කළකිරීම් නිදි මැරීම ආදී නොයෙකුත් ගැටලු ඇති වීමට බොහෝ ඉඩක් පවතින ග්‍රහචාරයක් බව සිතට ගන්න. අනවශ්‍ය වගකීම් භාර ගැනීමෙන් වළකින්න. තමන්ට පැවරී ඇති කාර්යයන් පමණක් කෙසේ හෝ උනන්දුවෙන් උත්සාහයෙන් නිවැරදිව කරන්න. දුර බැහැර ගමන්වලින් ලාභ තිබෙන කාලයක් නිසා ඇවිදිමින් හා දුර බැහැර භාණ්ඩ බෙදා හරින ව්‍යාපාරිකයන්ගේ කටයුතු සාර්ථක වේ.  විදේශ රැකියාවන් බලාපොරොත්තු වන අය ඒ ගැන උනන්දුවීමට මෙය හොඳ කාලයක් වුවත් එක්වරම මුදල් ගෙවීම්වවලින් වළකින්න.  විදේශ ගතවීම්වලටද වාසනාව ඇත.  විදේශ රැකියාවල නියුතු අයගේ තත්වය යහපත් වේ.

අධ්‍යාපනය

අධ්‍යාපනයට බාධා ඇති කරන ග්‍රහචාරයක් බව සිතෙහි තබා ගෙන ඒ වෙනුවෙන් වැඩි පුර වෙහෙස වෙන්න. අධ්‍යාපනයේ නියුතු දරුවන් සිටින දෙමාපියන් දරුවන් කෙරේ වැඩි සැළකිල්ලක් දැක්විය යුතු කාලයකි. දරුවන්ගේ අධ්‍යාපන කටයුතු කෙරෙහි වැඩි අවධානයෙන් සිටිය යුතුය. ඒනමුත් දරුවන්ට නීති පැනවීම හෝ දඬුවම් දීම් නොකළ යුතුය.

ගෘහ ජීවිතය

දැනටමත් ප්‍රේම සම්බන්ධතා නොමැති තරුණ තරුණියන් ඒ ගැන සිතන එක කල් දැමිය යුතු කාලයකි. ප්‍රේම සබඳතා ඇති අය අතර විස්වාසය පලුදු වීමට හා ඒවා නතර කිරීමට හේතු ඇති විය හැකි කාලයකි. විවාහ කටයුතු සඳහා බාධාවීම් සහ කල් ගතවීම් ඇතිවේ. කොහොමටවත් විවාහ පිළිබඳ තීරණ ගැනීමට මේ කාලය සුදුසු නැත.    විවාහකයන් අතරද ප්‍රශ්න කරදර ඇතිවිය හැකි කාලයක් නිසා බොහොම ඉවසීමෙන් ක්‍රියා කල යුතුය. සිත් රිදවීම් ඇති වුන වහාම කිසිම වචනයක් ප්‍රකාශ නොකර නිශ්ශබ්දව සිටීම හොඳම විසඳුමකි. පදිංචිය වෙනසක් බලාපොරොත්තුව සිටි අයගේ බලාපොරොත්තු ඉටු වේ. සිකුරුගේ මහ දසා අතුරු දසා ගත කරන අයට යම් සහනයක් ඇති වුවත් සෙනසුරුගේ මහ දසා අතුරු දසා විදසා ගත කරන අයට අපල ගෙන දේ. උලතේදී සෙනසුරු සුභ ස්ථානයක හෝ සිකුරුගේ හෝ ගුරුගේ දෘෂ්ඨි ලදොත් මේ අපල තත්වය බිඳේ.

සෞඛ්‍යය

ඇස් ආබාධ, සෙම් අමාරු, හිසේ අමාරු ඇති විය හැකිය. උදරයේ කැක්කුම් සහ පහසුවෙන් සොයා ගත නොහැකි අසනීප තත්වයන්ද ඇති විය හැකි නීසා ආහාර පාන ගැනීමේදී විශේෂ අවධානයක් යොමු කල යුතුයි.

තව කියවන්න

කටක පොදු ගෝචර ලග්න පලාපල - 2021 ජූලි

 

ග්‍රහස්ථුඨ බැලීම සඳහා ඉහත පිංතූරය මත ක්ලික් කරන්න.

ග්‍රහ මාරු 2021 ජූලි

• සඳු ග්‍රහයා දින 2යි 1/4කින් රාශියෙන් රාශියට ගෝචරය වෙයි. 
• බුධ ග්‍රහයා 2021 ජූලි 7 වෙනිදා පෙ.ව. 11:12 ට මිථුන රාශි ගත වෙයි. 
• රවි ග්‍රහයා 2021 ජූලි 16 වෙනිදා ප.ව. 4:53 ට කටක රාශි ගත වෙයි. 
• සිකුරු ග්‍රහයා 2021 ජූලි 17 වෙනිදා පෙ.ව. 9:26 ට සිංහ රාශි ගත වෙයි. 
• කුජ ග්‍රහයා 2021 ජූලි 20 වෙනිදා ප.ව. 5:55 ට සිංහ රාශි ගත වෙයි. 

කටක ලග්න පලාපල

(තර්ක: කුජ සිකුරු සංයෝගය ලග්නයේ. යෝගකාරක කුජ නීචයි -, සිකුරු සතුරුයි -. චර රාශි 11 බාධකයි, බුධ රාහු 11 වැන්නේ සංයෝගය - ආර්ථික දියුණුවට සැළසුම්. 7 ශනි දිග්බලයි - හවුල්, විවාහ ශක්තිමත්. ගු 8 සතුරු/අසනීම/පුණ්‍ය, ආර්ථික බාධා. රවි 12 වියදම් )

පොදු

මාසය ආරම්භයේ තිබෙන ග්‍රහචාරය අනුව පවතින මානසික නොසන්සුන්තාවය, උද්වේගකාරී සිතුවිලි සහ ක්ෂණික කෝපය නිසා ඇසුරු කරන්නන් සමග විවිධ මත භේද ඇති වීමට වැඩි ඉඩක් තිබේ. මාසයේ මුල් සති දෙක බොහොම කල්පනාවෙන් සහ ඉවසීමෙන් යුතුව කටයුතු කිරීමට තරයේ සිතට ගන්න. මාසයේ අවසාන සතිය වන තෙක් මේ තත්වය පවතින නිසා සිත සන්සුන් වන අභ්‍යාසවල නිරත වීම යහපත්. සෙනසුරු මහ දසා අතුරු දසා විදසා ගත කරන අයට තත්වය තව දුරටත් බලවත් වන නිසා ආගමික වතාවත්වල නිරත වීමෙන් හිතට සහනයක් ලැබේ. මාසයේ අවසාන සති දෙක තුල ඇති වන ග්‍රහ මාරු වීම් නිසා ඉහත කී තත්වයන් සමනය වෙනු ඇත.

ධනය

මාසයේ මුල් සති දෙක තුල තැන්පත් ධනයට හානි වන අනවශ්‍ය වියදම් යෙදිය හැකි නිසා අරපරිස්සමෙන් අවශ්‍ය දේට පමණක් මුුදල් වියදම් කරන්න. මාසයේ අවසාන සති දෙක තුල ධනස්ථානාධිපති වැයස්ථානයෙන් මිදී ලග්නයට ගෝචරය වීම නිසා  ලැබෙන ආදායම් සකසුරුවම් කර ගැනීමට හැකි වේ. 

රැකියාව

රැකියාවන්හි නියුතු අයගේ තත්වය යහපත් වන අතර අන්‍යයන්ගේ ගෞරවාදරයට පාත්‍ර වේ. උනන්දුවෙන් උත්සාහයෙන් කල්පනාවෙන් වැඩ කළොත් උසස්වීම් සඳහා ඉහළ නිළධාරීන්ගේ සහ ස්වාමියන්ගේ අවධානයට ලක් වෙන ග්‍රහචාරයක් පවතී. ව්‍යාපාර හා ස්වයං රැකියාවල නියුතු අයට ඒ්වායේ වර්ධනයට අවශ්‍ය සැළසුම් සකස් කිරීමට හොඳ කාලයකි. එමගින් ඔබ බලාපොරොත්තු වූ පරිදිම අනාගත දියුණුවක් හා ලාභයක් සාක්ෂාත් කර ගත හැකිවේ. වගා කටයුතුවල නිරත අය‌ට යහපත්ය. විදේශ රැකියාවල නියුතු අයටද තම රැකියාවේ තත්වය ඉහත කී ආකාරයටම වර්ධනය වේ. විදේශ ගතවීම්වලටද වාසනාව ඇත.  විදේශ රැකියාවල නියුතු අයගේ තත්වය යහපත් වේ.

අධ්‍යාපනය

අධ්‍යාපන කටයුතුවලට තරමක් බාධාකාරී තත්වයක් උදා වී ඇති නිසා ඒ් සඳහා විශේෂ අවධානයක් සහ උනන්දුවක් ඇති කර ගත යුතුයි. අධ්‍යාපනය ලබන දරුවන් සිටින දෙමව්පියන්ට ඒ් ගැන විශේෂ අවධානයක් යොමු කල යුතුය. දරුවන්ට දිරි දීම් සහ ඇගයීම් කල යුතු අතර කිසි විටෙකත් ඔවුන්ගේ වැරදි අඩුපාඩු  විවේචනය නොකිරීමෙන් දරුවන්ගේ මුරන්ඩු කම පාලනය කර ගත හැකිය.

ගෘහ ජීවිතය

විරුද්ධ පාර්ශවයන් කෙරෙහි ඇල්ම බැල්ම ඇති වීමටත්, සීමාවන් නොමැති පෙම් සබඳතාවයන් සඳහා සිත යොමු වේ. පවතින යහපත් පෙම් සබඳතාවයන් බිඳීමට ඉඩ කිබේ. විශේෂයෙන්ම චරිතයට හානි වන නොගැලපෙන සම්බන්ධතාවයන් නිසා සහකරුවන් හා සහකාරියන් අතරත් අනවශ්‍ය ගැටලු ඇති වීමටත් පුලුුුුවන්. ඒ් නිසා යුග දිවිය ගත කරන අයට එම තත්වයන් ඉවසීමෙන් මුහුණ දෙමින් හා දුර දිග බලා අනවශ්‍ය දේවල් මග හැර ගැනීමෙන් පවුලේ ප්‍රීතිය සමගිය ආරක්ෂා කර ගැනීමට උනන්දු වෙන්න. ඒ් සඳහා අවශ්‍ය ශක්තිය ද මෙම ග්‍රහචාරය මගින්ම ලබා දී ඇත. මාසයේ අවසාන සති දෙක ප්‍රේම සබඳතා මෙන්ම යුග දිවියේ සතූට සමාදානය ද වර්ධනය වෙන සහ තහවුරු වෙන සුභවාදී ග්‍රහචාරයක් නිර්මාණය වෙනු ඇත. පවුලේ සමගිය වර්ධනය වෙනවා වගේම ගේ දොර අලංකරණයට වැඩි නැඹුරුවත් දක්වනු ඇත.

සෞඛ්‍යය

ශරීර සෞඛ්‍යය යහපත්ය.  එනමුදු නිධන්ගත රෝග තිබෙන අය නිසි වෛද්‍ය ප්‍රථිකාර අනුගමනය කිරීමෙන් නියමාකාරයෙන් ශරීර සෞඛ්‍යය රැක ගත හැකිය.

තව කියවන්න

සිංහ පොදු ගෝචර ලග්න පලාපල - 2021 ජූලි

 

ග්‍රහස්ථුඨ බැලීම සඳහා ඉහත පිංතූරය මත ක්ලික් කරන්න.

ග්‍රහ මාරු 2021 ජූලි

• සඳු ග්‍රහයා දින 2යි 1/4කින් රාශියෙන් රාශියට ගෝචරය වෙයි. 
• බුධ ග්‍රහයා 2021 ජූලි 7 වෙනිදා පෙ.ව. 11:12 ට මිථුන රාශි ගත වෙයි. 
• රවි ග්‍රහයා 2021 ජූලි 16 වෙනිදා ප.ව. 4:53 ට කටක රාශි ගත වෙයි. 
• සිකුරු ග්‍රහයා 2021 ජූලි 17 වෙනිදා පෙ.ව. 9:26 ට සිංහ රාශි ගත වෙයි. 
• කුජ ග්‍රහයා 2021 ජූලි 20 වෙනිදා ප.ව. 5:55 ට සිංහ රාශි ගත වෙයි. 

සිංහ ලග්න පලාපල

(තර්ක: ප්‍රධාන යෝකාරක කුජ 12 - දියුණුවට බාධා. රාහු 10 වැන්නේ - රැකියා ගැටලු, පියාට අපලයි. කේතු 4 මව, දේපල - දුර්වලයි. සිංහය තිර රාශියක් නිසා 9 බාධකයි. ගුරු 7 කේන්ද්‍රගතයි - හවුල් ව්‍යාපාර, විවාහ මත ‌භේද - ආත්ම ගරුත්වය රැකේ. ලග්නාධිපති 11 බලවත් දෝෂ භංග යෝගයකි.)

පොදු

ජූලි මාසයේ ග්‍රහචාරය අනුව විවිධ මානසික නොසන්සුන්තාවය, උද්වේගකාරී සිතුවිලි නිසා දුරදිග නොබලා ක්ෂණික තීරණ ගැනීමට පෙළඹේ. මෙය අනිවාර්යයෙන්ම පාලනය කර ගත යුතු තත්වයකි. සිතට ඇතිවන කළකිරීම් හා උදාසීන ගති මෙන්ම ගතට දැනෙන ශාරීරික අපහසුතාවයන් උනන්දුව උත්සාහය මත මග හැර ගත හැකිය.  මේ අනුව මාසයේ මුල් සති දෙක තුන බොහොම කල්පනාවෙන් සහ ඉවසීමෙන් යුතුව කටයුතු කිරීමෙන් තත්වය සමනය වනු ඇත.

ධනය

මාසයේ මුල් සතියෙන් පසුව රැකියා ව්‍යාපාරවලින් හොඳ ආදායම් සහ තැන්පත් ධනය වර්ධනය කර ගැනීමට ‌වාසනාවන්ත ග්‍රහචාරයක් උදාවේ. විශේෂයෙන්ම ජන්ම කේන්දරයේ බුධ ශක්තිමත් අයට මෙන්ම බුධ මහ දසා, අතුරු දශා ගත කරන අයට සහ විදේශ රැකියාවන්හි නියුතු අයට වඩාත් ශුභපල ගෙන දේ. සෙසු අයට උනන්දුව හා උත්සාහය මත කිසියම් වූ හොඳ ආර්ථික තත්වයක් උදාකර ගැනීමට හැකි වේ. මව් පාර්ශවයෙන් උරුම දේපල සම්බන්ධ ගැටලු ඇති අය කාලයට ඉඩ දීම නුවණට හුරුය. නැතහොත් ඒවා උත්සන්න වීමෙන් නඩු හබවලටද පැටලීමට වුවද සිදුවේ. ඒ වගේම ඉඩම් දේපල යාන වාහන මිලදී ගැනීමට බලාපොරොත්තු වන අය එම අදහස කල් දැමීම සුදුසුය. දේපල යාන වාහන මිලදී ගැනීමෙන් මෙම කාලයේ පාඩු සිදු වෙන අතර, මෙය තමන් සතු දේපල විකීණීමෙන් ලාභ ලැබිය හැකි කාලයකි.

රැකියාව

මාසයේ පළමු සතියේ රැකියා, ව්‍යාපාර හා ස්වයං රැකියාවල නියුතු අයට බාධක සහ පාඩු ඇතිවේ. එහෙත් දුර බැහැර සිට රැකියාවල නියුතු සහ ව්‍යාපාර කරන අයට යම් සහනයක් ඇත. විදේශ රැකියා බලාපොරොත්තු වන අයට බාධා ඇති කාලයක් නිසා ඒ් වෙනුවෙන් මුදල් යෙදවීමෙන් වළකින්න. මාසයේ මුල් සතියෙන් පසුව රැකියා ව්‍යාපාරවලින් හොඳ ආදායම් සහ තැන්පත් ධනය වර්ධනය කර ගැනීමට ‌වාසනාවන්ත ග්‍රහචාරයක් උදාවේ. විශේෂයෙන්ම ජන්ම කේන්දරයේ බුධ ශක්තිමත් අයට මෙන්ම බුධ මහ දසා, අතුරු දශා ගත කරන අයට සහ විදේශ රැකියාවන්හි නියුතු අයට වඩාත් ශුභපල ගෙන දේ. සෙසු අයට උනන්දුව හා උත්සාහය මත කිසියම් වූ හොඳ ආර්ථික තත්වයක් උදාකර ගැනීමට හැකි වේ.

අධ්‍යාපනය

මාසයේ අවසාන සතිය දක්වා අධ්‍යාපන කටයුතුවලට තරමක් බාධාකාරී තත්වයක් උදා වී ඇති නිසා ඒ් සඳහා විශේෂ අවධානයක් සහ උනන්දුවක් ඇති කර ගත යුතුයි. අධ්‍යාපනය ලබන දරුවන් සිටින දෙමව්පියන්ට ඒ් ගැන විශේෂ අවධානයක් යොමු කල යුතුය

ගෘහ ජීවිතය

මෙය ඔබේ මවට සහ පියාට තරමක් අපලදායක කාලයකි. මෙය ඔබගේ ග්‍රහචාරය අනුව සිදු වන දෙයක් නොවේ. එය ඔබගේ ග්‍රහචාරයෙන් පෙන්නුම් කරන දෙයකි. ප්‍රේම සබඳතා සහ විවාහ ස්ථිර කර ගැනීම් සඳහා ගැටලු මතු වෙන මතභේදාත්මක කාලයකි.  යුග දිවි ගෙවන අය පවුලේ සමගිය ආරක්ෂා කර ගැනීමට උනන්දු විය යුතුය. තත්වය සමනය වන තෙක් ඉවසිය යුතු සහ ආගමික අංශයට නැඹුරු විය යුතු කාලයකි.

සෞඛ්‍යය

ශරීර සෞඛ්‍යය බාධා ඇති විය හැකිය.  නිධන්ගත රෝග තිබෙන අය නිසි වෛද්‍ය ප්‍රථිකාර නියමාකාරයෙන් අනුගමනය කර ගත යුතුය.

තව කියවන්න

කන්‍යා පොදු ගෝචර ලග්න පලාපල - 2021 ජූලි

 

ග්‍රහස්ථුඨ බැලීම සඳහා ඉහත පිංතූරය මත ක්ලික් කරන්න.

ග්‍රහ මාරු 2021 ජූලි

• සඳු ග්‍රහයා දින 2යි 1/4කින් රාශියෙන් රාශියට ගෝචරය වෙයි. 
• බුධ ග්‍රහයා 2021 ජූලි 7 වෙනිදා පෙ.ව. 11:12 ට මිථුන රාශි ගත වෙයි. 
• රවි ග්‍රහයා 2021 ජූලි 16 වෙනිදා ප.ව. 4:53 ට කටක රාශි ගත වෙයි. 
• සිකුරු ග්‍රහයා 2021 ජූලි 17 වෙනිදා පෙ.ව. 9:26 ට සිංහ රාශි ගත වෙයි. 
• කුජ ග්‍රහයා 2021 ජූලි 20 වෙනිදා ප.ව. 5:55 ට සිංහ රාශි ගත වෙයි. 

කන්‍යා ලග්න පලාපල

(තර්ක: ලග්නාධිපති බුධ රාහු සමග 9 - බාධා. සිකුරු සමග කුජ 11 වැන්නේ. කුජ නීචයි, සිකුරු සතුරුයි. සුභයි. ගුරු 6 අසුභයි ආදායම් දියුණුව. රවි 10 සුභයි. ශනි 5 ස්වක්ෂේත්‍රයි. කන්‍යා උභය රාශියක් 7 බාධකයි.)

පොදු

මාසය පුරාම සතියෙන් සතිය මානසික තත්වය වෙනස් වීම්වලට භාජනය වෙන නමුදු සියලු තත්වයන් හමුවේ නොසැලී බුද්ධිය මෙහෙයවා වැඩ රාජකාරිවල නිරත වෙන අයට සිතට යම් සහනයක් දැනේවි. වැඩ රාජකාරි බහුල වුවත් විඩාවක් නොමැතිව ඒ්වායෙහි නිරත වීමට හැකියාව ඇති වේ.  පළමු සති දෙකෙන් පසුව තත්වය තව තවත් යහපත් අතට හැරී ශක්තිමත් බවක් හා උනන්දුව උත්සාහය වැඩි වේ. දේශපාලන සහ සමාජ කටයුතුවල නිරත අයට සහ රජයේ උසස් තනතුරු හොබවන අයට වගකීම් දැරීමට සිදු වේ. අවසාන සතියේදී නම් දරුණු වචන හැසිරීම් පාලනය කර ගැනීම ඉතාමත් වැදගත්.

ධනය

පළමු සති දෙකේ ආදායම් බාධා වුවත් පසු සති දෙකේ ආදායම් වර්ධනයක් බලාපොරොත්තු විය හැකිය. රජයට සම්බන්ධ ව්‍යාපාරවලින් හොඳ ආදායම් සහ තැන්පත් ධනයක් ඇති කර ගැනීමටත් පුලුවන් කාලයකි.  හවුල් ව්‍යාපාරවලින් ආදායම් සහ ලාභ අවම හෝ පාඩු සිදු වේ. 

රැකියාව

පළමු සති දෙකේ පසු රාජ්‍ය අංශයේ රැකියාවල නියුතු අයට උසස් වීම් හා වගකීම් පැවරෙයි. නව රජයේ රැකියා බලාපොරොත්තු වන අයට ඒ සඳහා අයදුම්පත් යොමු කිරීමට හොඳ කාලයකි. විදේශ ගත වීම් සාර්ථකයි. විදේශ රැකියාවල නියුතු අයට හොඳයි. මුල් සති දෙක බාධා ගෙන දෙන මුත් රජයට සේවා සපයන ව්‍යාපාරවල යෙදී සිටින සහ රජයේ කොන්ත්‍රාත් කරන අයගේ කටයුතු සාර්ථකව දියුණුව සහ අදායම් තත්වය හොඳයි. එහෙත් ස්වයං රැකියාවන්හි නියුතු අයට සහ හවුල් ව්‍යාපාර කරන අයට කටයුතු සාර්ථකව දියුණුව කරා ගෙන යාමට මහත් ප්‍රයත්නයක් දැරිය යුතුය. පළමු සති දෙකේ පසු බුද්ධිය මෙයෙවා කරන ව්‍යාපාර කරන අය ජනප්‍රිය වීමට සහ දියුණුවට පත් වෙන සුභ ග්‍රහචාරයකි. වගා කටයුතුවලට අලාභ හා පාඩු වීමට ඉඩ තිබෙන නිසා ඒ්වා පිළිබඳව වැඩි උනන්දුවක් දැක්විය යුතුයි. ගුරු කේතු මහ දසා අතුරු දසා ගත කරන අයට රැකියාවේ අපහසුතා අස්ථාන ‌චෝදනා රැකියා වෙනස් වීම් ආදී ගැටලු ඇති වීමට පුලුවන් නිසා ඒ්වාට හේතු වන දේවලින් වැළකීම යහපත්.  

අධ්‍යාපනය

අනවශ්‍ය දේවල නිරත නොවී අධ්‍යාපනය ලබන අය මහන්සියෙන් කැප වීමෙන් ඉගෙන ගත යුතුය. පරිගණක අන්තර්ජාල සහ තාක්ෂණික මෙවලම් ඇසුරෙන් ඉගෙන ගන්නා අයට මෙන්ම ඒවැනි විෂයන් හදාරණ අයට හොඳයි. දරුවන් නොමගට යෑමට ඉඩ ඇති නිසා දෙමාපියන් ඔවුන් ගැන අනිවාර්යෙන්ම වැඩි අවධානයක් දැරිය යුතුයි. විශේෂයෙන්ම ජංගම දුරකථන හා අන්තර්ජාල ඇසුරු කරන දරුවන් කරන දේවල් පිළිබඳව විමසිලිමත් විය යුතුය.  

ගෘහ ජීවිතය

මාසයේ මුල් සති දෙක පෙම්වතුන්ට සතුට ගෙන දෙන අතර අවසන් සති දෙක දුක් කරදර ගෙන දීමට ඇති හැකියාව ඇති බව කල්පපනාවට ගන්න. විවාහ ස්ථිර කර ගැනීම්ද ඒසේමය.  අවසන් සති දෙක අසුභ බැවින්  විවාහයට වැඩිහිටියන්ගෙන් යහපත් ප්‍රතිචාර නොලබන සහ බාධා ඇති වේ. විශේෂයෙන්ම නොගැලපෙන සම්බන්ධ ඇති විය හැකි අතර වැඩිහිටියන්ට ඒවා පිළිබඳව අව‌භෝධ වීම මීට හේතුවයි. මුල් සති දෙක තුල වංචනිකයන්ටද හසුවිය හැකි නිසා කල්පනාකාරී වන්න.  සහෝදරයන්ට අපල සහෝදරයන්ගෙනුත් අපල කරදර සිදුවිය හැකිය. ගෙදර වාසය එපා වීමට තරම් කරුණු යෙදිය හැකි නිසා ප්‍රශ්න හමුවේ ඉක්මන් තීරණ නොගෙන ඉවසීම සුදුසු වේ. ස්ථිර හා චංචල දේපල ගැටලු ඇති විය හැකි අතර ණය හෝ ලීසිං වාරික හිර වේ. මෙම මාසයේ ණය නොවන්න. දේපල සම්බන්ධ ගැටලු ඇති විය හැකි අතර මෙම ග්‍රහචාරය මවට සහ මාමාවරුන්ට අපල ගෙන දෙන්නකි.

සෞඛ්‍යය

ආතරයිටීස් සහ කොලෙස්ටිරෝල් තත්වයන් ඇති අය සහ තරබාරුව අය ප්‍රවේශම් විය යුතුය. තෙල් බැදුම් අගුණයි පපුවේ අමාරු ඇති වීමට ඉඩ ඇති අතර දැනටමත් තිබෙන අයට ඒවා උත්සන්න වීමටත් පුලුවනි. නිසි වෛද්‍ය ප්‍රතිකාර ගත යුතුය. කේතු මහ දසා අතුරු දසා විදසා ගත කරන අය පරිස්සම් විය යුතුය. උපතේදී ගුරු පාප කර්තරී වී සිටීමද මෙවන් අසනීප උත්සන්න වීමට හේතු වේ.

තව කියවන්න

තුලා පොදු ගෝචර ලග්න පලාපල - 2021 ජූලි

 

ග්‍රහස්ථුඨ බැලීම සඳහා ඉහත පිංතූරය මත ක්ලික් කරන්න.

ග්‍රහ මාරු 2021 ජූලි

• සඳු ග්‍රහයා දින 2යි 1/4කින් රාශියෙන් රාශියට ගෝචරය වෙයි. 
• බුධ ග්‍රහයා 2021 ජූලි 7 වෙනිදා පෙ.ව. 11:12 ට මිථුන රාශි ගත වෙයි. 
• රවි ග්‍රහයා 2021 ජූලි 16 වෙනිදා ප.ව. 4:53 ට කටක රාශි ගත වෙයි. 
• සිකුරු ග්‍රහයා 2021 ජූලි 17 වෙනිදා පෙ.ව. 9:26 ට සිංහ රාශි ගත වෙයි. 
• කුජ ග්‍රහයා 2021 ජූලි 20 වෙනිදා ප.ව. 5:55 ට සිංහ රාශි ගත වෙයි. 

තුලා ලග්න පලාපල

(තර්ක: ලග්නාධිපති සිකුරු කුජ  සමග සංයෝගය 10 - රැකියා දියුණුව හා ආදායම්. යෝගකාරක ශනි 4 ස්වක්ෂේත්‍රයි සස යෝගය උදා කර ඇත - දියුණුව, දේපල ලාභ. ගුරු 5 ත්‍රිකෝණ බලයෙනි - අධ්‍යාපනය හා දරු සම්පත්. රවි 9 - උත්සාහය. රාහු 8 කේතු 2 - නොසිතූ ධනය.)

පොදු

මාසය ආරම්භයේ තිබෙන ග්‍රහචාරය අනුව පවතින මානසික තෘප්තිය අවසාන සති දෙක තුල නොමැති වීම ගැන හිත කලබල කර ගැනීමෙන් වළකින්න. යහපත් ධෛර්යය සහ ශක්තිය මත මාසය පුරාවටම සතුටින් සිටිය හැක.  මාසයේ මුල් සති දෙක අතර ඇසුරට ලැබෙන හිතවතුන් මාසය පුරාවටම සහ මතුවටත් ආරක්ෂා කර ගැනීමට සිතට ගන්න. මෙම මාසය තුලා ලග්න හිමි ඔබට උත්සාහයේ තරමටම ප්‍රථිපල ලබා ගත හැකි කාලයකි.

ධනය

මාසයේ මුල් සති දෙක තුල සහ අග සති දෙක තුල ආදායම් තත්වයේ පැහැදිලි වෙනසක් ඇති වෙන නිසා අනවශ්‍ය වියදම් පාලනය කරමින් අවශ්‍ය දේට පමණක් වියදම් කරන්න. ඒවිට  ලැබෙන ආදායම් සකසුරුවම් කර ගැනීමට සහ ආදායම් වියදම් සමබර කර ගත හැකි වේ. ‌යාන වාහන ලාභ දේපල ලාභ ඇති වන කාලයකි.  කිසියම් දේපලක් නොමැති තුලා ලග්න හිමියන්ට ඒ් ගැන වැඩි අවධානයක් යොමු කිරීමට මෙය හොඳ කාලයකි. මව් පියන්ගෙන් හිතවතුන්ගෙන් උදව් උපකාර ලැබේ. සුදුසුකම් තිබේ නම් නිවාස දේපල මිලදී ගැනීම සඳහා බැංකුවෙන් ණය මුදලක් ඉල්ලුම් කිරීමට වුවත් මෙය සුදුසු කාලයක් බව ඉඳුරාම කිව හැකිය.

රැකියාව

මාසයේ පළමු සති දෙක තුල රැකියාවන්හි නියුතු අයට වැඩි මහන්සියක් නොමැතිව සතුටෙන් රැකියාවේ නිරත වීමට අවස්ථාව ලැබේ. රැකියා උසස්වීම් තනතුරු අපේක්ෂා කල අයගේ අරමුණු ඉටුවීමද සතුටට හේතු වෙයි. ව්‍යාපාර හා ස්වයං රැකියාවල නියුතු අයට ද වාසිදායක තත්වයක් අපේක්ෂා කල හැකිය. ඇසුරු කරන්නන් අතර හොඳ හිත දිනා ගනී. මාසයේ අවසාන සති දෙක තුල ඇති වන ග්‍රහ මාරු වීම් නිසා ඉහත කී තත්වයන් වෙනස් වීමට නියමිතයි. රැකියා සහ ව්‍යාපාර ‌ක්ෂේත්‍රයේ අවුල් වියවුල් ඇති වේ. තත්වය පාලනය කිරීමට ඒ් සඳහා වැඩි උත්සාහයක්දැරීමට සිදු වේ.

අධ්‍යාපනය

අධ්‍යාපන කටයුතුවලට කරන අයට යහපත් මානසිකත්වයක් ඇති වේ. උසස් අධ්‍යාපනයේ නිරත අයටද විභාග සහ සම්මුඛ පරීක්ෂණවලින් ජය හිමිවේ. අධ්‍යාපනය ලබන වයසේ දරුවන් සිටින දෙමව්පියන්ට තම දරුවන්ගේ දක්ෂතා නිසා ආඩම්බර විය හැකිය. 

ගෘහ ජීවිතය

යහපත් පෙම් සබඳතාවයන් ඇති වීමට පුලුවන්. විවාහ ගිවිස ගැනීමට සුදුසු අය දෙපාර්ශවයටම හමු වේ. යුග දිවිය ගත කරන අයට පවුලේ ප්‍රීතිය සමගිය ආරක්ෂා කර ගැනීමට හැකිවේ. දරුවන් බලාපොරොත්තු වන අයට පිංවත් දරුවන් ලැබේ. ගෙදර දොර බාහිර අලංකරණයට හිතයොමු වේ.

සෞඛ්‍යය

ශරීර සෞඛ්‍යය යහපත්ය.  මෙතෙක් පැවති රෝග තත්වයන්ගෙන් මිදීම නිසා සිතට සහනය ගෙන දේ. එහෙත් දැනටමත් ප්‍රතිකාර ගන්නා යම් රෝගී තත්වයක් වේ නම් ඒවාට වෛද්‍ය උපදෙස් හා ප්‍රතිකාර අවශ්‍ය වේ.

විශේෂ

පවතින ග්‍රහචාරය අනුව මෙම මාසය තුලා ලග්න හිමියන්ට සුභ නිසා වැඩි යමක් කීමට අවශ්‍ය නොවේ. සෙනසුරු හා සිකුරු මහ දසා අතුරු දසා විදසා ගත කරන අයගේ සුභ පල තවත් වැඩි වෙන අතර, ගුරු හෝ රාහු මහ දසා අතුරු දසා විදසා ගත කරන අයට තරමක් අශුභ පල දීමට හේතු වේ.

තව කියවන්න

වෘශ්චික පොදු ගෝචර ලග්න පලාපල - 2021 ජූලි

 

ග්‍රහස්ථුඨ බැලීම සඳහා ඉහත පිංතූරය මත ක්ලික් කරන්න.

ග්‍රහ මාරු 2021 ජූලි

• සඳු ග්‍රහයා දින 2යි 1/4කින් රාශියෙන් රාශියට ගෝචරය වෙයි. 
• බුධ ග්‍රහයා 2021 ජූලි 7 වෙනිදා පෙ.ව. 11:12 ට මිථුන රාශි ගත වෙයි. 
• රවි ග්‍රහයා 2021 ජූලි 16 වෙනිදා ප.ව. 4:53 ට කටක රාශි ගත වෙයි. 
• සිකුරු ග්‍රහයා 2021 ජූලි 17 වෙනිදා පෙ.ව. 9:26 ට සිංහ රාශි ගත වෙයි. 
• කුජ ග්‍රහයා 2021 ජූලි 20 වෙනිදා ප.ව. 5:55 ට සිංහ රාශි ගත වෙයි. 

වෘශ්චික ලග්න පලාපල

(තර්ක: ලග්නාධිපති කුජ සමග සිකුරු 9 වැන්නේ -  බාධා. කුජ නීචයි, සිකුරු සතුරුයි. බුධ රාහු සමග 7 වැන්නේ - සුභ අසුභ.  ශනි 3 - ස්වක්ෂේත්‍රයි-කුසලතා.  ගුරු 4 - සුභයි. රවි 8 - අසුබයි. බුධ සහ ගුරු කේන්ද්‍රගතයි - බලවත්. වෘශ්චික තිර රාශි 9 බාධකයි)

පොදු

බැලූ බැල්මට ඔබගේ ‌මේ මාසයේ ග්‍රහචාරය ‌බලවත් බව පෙනුනත් ඇත්තෙන්ම මෙම මාසය ඔබට මිශ්‍රපලයි. බාධක රැසක් සහ ජයග්‍රහණ රැසක් බුක්ති විඳීමට ලැබේ. මාසයේ මැද වන තුරු පවතින බාධා මාසයේ අග දෙසතියේ ඉවත් වේ. ආරම්භයේ මානසික අසහනය හිතේ නොසන්සුන්තාවය නිසා පීඩාවට පත් වේ. මාසයේ අවසාන සති දෙක වන විට මේ තත්වය පහව ගොස් කරන කියන කටයුතු සපල වීම නිසා සිතේ සතුට ඇතිවේ. රාහු කේතු සහ සෙනසුරු මහ දසා අතුරු දසා ගත කරන අයට අයහපත් තත්වය බලවත් වන නිසා ආගමික වතාවත්වල නිරත වීමෙන් හිතට සහනයක් ලැබේ.

ධනය

ආදායම සහ ධනය රැස් කිරීමේ වාසනාවනම් තිබෙන්නේ මාසයේ පළමු දෙසතිය තුලය. මේ කාලය තුල තැන්පත් ධනයත් තිබේනම් එය හානි නොවේ. ඉන් පසුව ආදායම් තත්වය යහපත්ය. අවසාන සති දෙකද බලවත් ආර්ථික දුෂ්කරතා ඇති නොවන නිසා සකසුරුවම් ලෙස ලැබෙන ආදායම් පරිහරනය කරන්නේ නම් තැන්පත් ධනය වර්ධනය කර ගත හැකිය.

රැකියාව

මාසයේ මුල් දෙසතිය රැකියා හා ව්‍යාපාර ස්ථානවල කරදර ප්‍රශ්න සහ රහස් සතුරු කරදර ඇති විය හැකි නිසා ඉවසීමෙන් සහ වැඩි උනන්දුවකින් රැකියා හා ව්‍යාපාරවල නියෙලෙන්න.  ඉන් පසුව ලබන සුභ කාලය රැකියා හා ව්‍යාපාරවල දියුණුවක් දක්නට ලැබේ. උනන්දුව උත්සාහය කැපකිරීම උපරිමයෙන්ම කළහොත් ඉදිරියේදී ගෙවන්නට සිදුවන අයහපත් කාලයේ හිත හදා ගත හැකිය. උපතේදී රාහු බලවත්ව සිටින අයට විදේශ රැකියා සඳහා උනන්දු අයට යහපත් වේ. ඒසේම විදේශ වෙළඳපොල ඉලක්ක කරමින් සේවා සපයන හා භාන්ඩ අලෙවි කරන තරුණ ව්‍යවසායකයන්ගේ ඉලක්ක සපුරා ගැනීමට හැකිවේ. එපමණක් නොව විදේශයන්හි සේවය කරන වෘශ්චික ලග්න හිමියන්ටත් සුභයි. මොනතරම් දුෂ්කර භාධක මධ්‍යයේ වුවද ඔවුනට හොඳ ආදායමක් ලැබේ.

අධ්‍යාපනය

අධ්‍යාපනයට බාධා ඇති නොවන ග්‍රහචාරයක් බව සිතෙහි තබා ගෙන ඒ වෙනුවෙන් වැඩි පුර කැප කිරීම් කළහොත් අනාගතයේදී ජයග්‍රහණ රැසක් භුක්ති විඳිය හැක. ඔබේ කැප කිරීම් ගැන දෙමව්පියන්ද ආඩම්බරයට සහ සතුටට පත් වේ. අධ්‍යාපනයේ නියුතු දරුවන් සිටින දෙමාපියන්ටද තම දරුවන් කෙරේ සතුටු විය හැකි කාලයකි. 

ගෘහ ජීවිතය

ඔබගේ මව වෙනුවෙන් ඔබට වියදම් කිරීමට ඇති හැකියාව නිසා  සතුටට පත්වේ. ඒසේම ඔබගේ අනාගතයට සහ සියලු කටයුතු සාර්ථකත්වයට එතුමියගේ ආශීර්වාදය ලැබේ. යුග දිවි ගත කරන අයගේ තත්වයනම් ටිකක් යහපත් නොවේ. සහකරුවන් සහකාරියන් අතර සුලු මත ගැටුම් ඇති වේ. ඒවාට ඉවසීමෙන් මුහුන ‌දීමෙන් සුහදතාවයන් පලුදුනොවී සිටිය හැකිය. නිශ්චල සහ චංචල දේපල ලැබීම් සහ නිවාස නවිකරණයට හා අලංකරණයට මෙම කාලය හොඳයි. ප්‍රේම සබඳතා බාධා ඇති වීමට විවාහ කටයුතු සඳහා බාධාවීම් සහ කල් ගතවීම් ඇතිවේ. උපතේදී රාහු බලවත්ව සිටින හා සෙනසුරු සුභ ස්ථානයක හෝ සිකුරුගේ හෝ ගුරුගේ දෘෂ්ඨි ලදොත් මේ අපල තත්වය බිඳේ.

සෞඛ්‍යය

තදබල සෞඛ්‍යය ගැටලු ඇති නොවන අතර නිදන්ගත රෝග ඇති අය සුපුරුදු ලෙස ඖෂධ සහ වෛද්‍ය උපදෙස් අනුගමනය කල යුතුය.

තව කියවන්න

ධනු පොදු ගෝචර ලග්න පලාපල - 2021 ජූලි

 

ග්‍රහස්ථුඨ බැලීම සඳහා ඉහත පිංතූරය මත ක්ලික් කරන්න.

ග්‍රහ මාරු 2021 ජූලි

• සඳු ග්‍රහයා දින 2යි 1/4කින් රාශියෙන් රාශියට ගෝචරය වෙයි. 
• බුධ ග්‍රහයා 2021 ජූලි 7 වෙනිදා පෙ.ව. 11:12 ට මිථුන රාශි ගත වෙයි. 
• රවි ග්‍රහයා 2021 ජූලි 16 වෙනිදා ප.ව. 4:53 ට කටක රාශි ගත වෙයි. 
• සිකුරු ග්‍රහයා 2021 ජූලි 17 වෙනිදා පෙ.ව. 9:26 ට සිංහ රාශි ගත වෙයි. 
• කුජ ග්‍රහයා 2021 ජූලි 20 වෙනිදා ප.ව. 5:55 ට සිංහ රාශි ගත වෙයි. 

ධනු ලග්න පලාපල

(තර්ක: ලග්නාධිපති ගුරු 3 වැන්නේ - පියාට අපලයි. කුජ සිකුරු සංයෝගය 8 වැන්නේ කුජ නීචයි -, සිකුරු සතුරුයි - හදිසි අනතුරු කරදර බාධක.  ධනු උභය රාශියක් නිසා 7 බාධකයි. රවිට 7 බාධකයි - චිත්ත ශක්තිය පිරිහේ. බුධ රාහු - සතුරු ස්ථානය වූ 6 වැන්නේ සංයෝගය - අසනීප නොපෙනෙන සතුරු බලවේග. ශනි 2 ලග්න ඒරාෂ්ඨක - විවිධ කරදර)

පොදු

මාසය ආරම්භයේ තිබෙන ග්‍රහචාරය අනුව පවතින මානසික නොසන්සුන්තාවය, උද්වේගකාරී සිතුවිලි සහ ක්ෂණික කෝපය මතු වීමට ඉඩ තිබෙන නිසා ඉවසීමෙන් හා බුද්ධිමත්ව කටයුතු කිරීමට තරයේ සිතට ගතයුතු කාලයක්. ඒ වගේම මානසික හා සෞඛ්‍ය තත්වය පිරිහීමටත් පුලුවන්. චරිතයට හානි හා නීතිමය ගැටලු පැන නැගීමට ඉඩ තිබෙන බැවින් ඒ ගැන කල්පනාකාරීව එවැනි තත්වයන්ගෙන් මග හැරීම නුවණය හුරුයි. පියාට අපලයි. පියාගේ කරදර සහ අසනීප තත්වයන් උත්සන්න වන කාලයක්. මාසයේ අවසානය වන විට පහත කිිියන අශුභකාරී තත්වයන් බොහෝ දුරට සමනය වෙනු ඇත. 

ධනය

තැන්පත් ධනයට හානි වන අනවශ්‍ය වියදම් යෙදිය හැකි නිසා අරපරිස්සමෙන් අවශ්‍ය දේට පමණක් මුුුුුදල් වියදම් කරන්න. මාසයේ ලැබෙන ආදායම සකසුරුවම් කර ගැනීමට උනන්දු වෙන්න. මාසයේ අවසාන සතියෙන් පසුව ධනය ලැබීම් පිළිබඳව තරමක් බලාපොරොත්තු තැබීමට හැකි වේවි.

රැකියාව

රැකියාවන්හි නියුතු අයට විවිධ දුෂ්කරතා මධ්‍යයේ කටයුතු කිරීමට සිදු වේ. තිබෙන රැකියාව ආරක්ෂා කර ගැනීමට ඉහළ නිළධාරීන්ගේ සහ ස්වාමියන්ගේ අවධානයට ලක් වෙන පරිදි උනන්දුවෙන් උත්සාහයෙන් කල්පනාවෙන් වැඩ කරන්න. නොපෙනෙන සතුරු කරදරවලින් ආරක්ෂා වීමට ඉහළ අයගේ අවධානය දිනා ගන්න. ව්‍යාපාර හා ස්වයං රැකියාවල නියුතු අයටද ඉහත සඳහන් තත්වයන් සමාන වන අතර ගැටලු සහ පිළියම්ද සමානය. වගා කටයුතුවල නිරත අය‌ට යහපත්ය. විදේශ රැකියාවල නියුතු අයටද තම රැකියාවේ තත්වය රැක ගැනීමටත් ආදායම් වර්ධනය කර ගැනීමටත් හැකියාවක් පවතී.  

අධ්‍යාපනය

අධ්‍යාපන කටයුතුවලට තරමක් විශේෂ වෙනසක් නොමැතිව කර ගෙන යෑමට පුලුවන්. පොදුවේ ඇති වන මානසික තත්වය අවභෝධ කර කරමින් සහ උනන්දුවෙන් කල යුතුයි. අධ්‍යාපනය ලබන දරුවන් සිටින දෙමව්පියන් තමන්ගේ මානසික ස්වභාවයන් දරුවන්ගේ අධ්‍යාපනික කටයුතුවලට බලපෑමක් නොවන ලෙස දරා ගත යුතුය.

ගෘහ ජීවිතය

ප්‍රේම සම්බන්ධතා බිඳ වැටෙන්න වැඩි ඉඩ කඩක් තිබෙන මාසයක්. විවාහ අපේක්ෂාවෙන් සිටින අයට ඒද කටයුතුවලට බාධාවන් ඇති වීමටත් විවාහ කටයුතු ප්‍රමාද වීමටත් පුලුවන්. සහකරුවන් හා සහකාරියන් අතර අනවශ්‍ය ගැටලු  ඇති වීමටත් ඉඩ ඇති නිසා යුග දිවි ගත කරන අය දුර දිග බලා කටයුතු කිරීමට තරයේ සිතට ගන්න. එසේම ඇසුරු කරන්නන් අතර හා ව්‍යාපාර සහකරුවන් සමග මතභේද ඇති වීමටත් ඉඩ ඇති කාලයක් නිසා ඒ් පිළිබඳව වැඩි අවධානයක් යොමු කරන්න.    

විදෙස් ගමන් සහ දුර බැහැර ගමන්වලදී හදිසි අනතුරුවලට මුහුණ පෑමට වැඩි ඉඩක් තිබෙන නිසා මේ කාලයේ එවන් කිසිදු ගමනක් යොදා ගැනීමෙන් වළකින්න. අත්‍යාවශ්‍ය ගමන් බිමන් වුවත් යන විට ඉතා කල්පනාකාරී විමට වග බලා ගන්න.   

සෞඛ්‍යය

ශරීර සෞඛ්‍යයට තරමක අයහපත් කාලයක්.  ලේ කෝප වීම්, උදරාබාධ සහ කොන්දේ අමාරු ඇති විය හැකි නිසා ඒ ගැන ගල්පනාකාරී වෙන්න. යම් අසනීපයක් ඇති වූ වහාම ගොඩ වෙදකම් නොකර හැකි ඉක්මනින් වෛද්‍ය ප්‍රථිකාර ලබා ගන්න. වෛද්‍ය උපදෙස් නිසි පරිදි අනුගමනය කිරීමෙන් නියමාකාරයෙන් ශරීර සෞඛ්‍යය රැක ගත හැකිය.

තව කියවන්න