.

āļ”āļļāļ§ āļ…⎀⎁්‍āļē ⎀ේāļŊා⎀āļš āˇƒේ⎀ා⎀āļą් ⎃āļš්‍āļģීāļē āļšāļģ āļœැāļąීāļ¸ āˇƒāļŗāˇ„ා āļ”āļļේ āļ´āļŊාāļ´āļŊ āļœිāļĢුāļ¸āļ§ āļ§ොāļ´් āļ…āļ´් āļšāļģāļą āļ¸ුāļ¯āļŊāļ§ āļ¯ෙāļœුāļĢāļēāļš āˇ€āļ§ිāļąාāļšāļ¸āļš්! āļ¸ෙāļ¸ āļ¯ීāļ¸āļąා⎀ ⎃ීāļ¸ිāļ­ āļšාāļŊāļēāļšāļ§ āļ´āļ¸āļĢāļēි.

...

2015 āļ”āļš්āļ­ෝāļļāļģ් āļ”āļļේ āļŊāļœ්āļąāļēāļ§ āļšො⎄ොāļ¸āļ¯?

āļ´āˇ€āļ­ිāļą āļœ්‍āļģ⎄āļ ාāļģāļē āļ…āļąු⎀ 2015 āļ”āļš්āļ­ෝāļļāļģ් āļ¸ා⎃āļē āļŊāļœ්āļą āļģැ⎃āļšāļ§ āˇ€ා⎃ි āļģැ⎃āļš් āļ‹āļ¯ාāļšāļģ āļ¯ෙāļēි. ⎀ි⎁ේ⎂āļēෙāļą්āļ¸ āļĸී⎀ිāļ­āļēේ āļ…āļ¸āļ­āļš āļąො⎀āļą āˇƒි⎄ි⎀āļ§āļą āļ‘āļš් āļšිāļģීāļ¸āļ§ āˇƒāļ¸āļ­් ⎀ෙāļēි. āļ’ āļ…āļąු⎀ āļ¸ෙāļ¸ āˇ€āˇƒāļģේ āļ”āļš්āļ­ෝāļ¸්āļļāļģāļē āļ‘āļš් āļ‘āļš් āļŊāļœ්āļąāļēāļ§ āļļāļŊāļ´ාāļą්āļąේ āļšෙ⎃ේāļ¯ āļēāļą්āļą āļļāļŊāļ¸ු.

āļœුāļģු āļ¸ාāļģු⎀ āļ”āļļේ āļŊāļœ්āļąāļēāļ§ āļšෙ⎃ේāļ¯?

āļģ⎀ි ⎄ිāļ¸ි ⎃ිං⎄ āļģා⎁ිāļē āļœුāļģුāļ§ āļ¸ිāļ­්‍āļģ āļģා⎁ිāļēāļšි. āļ‘āļļැ⎀ිāļą් āļ¸ෙāļ¸ āļœ්‍āļģ⎄ āļ¸ාāļģු⎀ āļļො⎄ෝ āļ¯ෙāļąෙāļšුāļ§ āˇƒුāļļāļĩāļŊ āļœෙāļą āļ¯ීāļ¸āļ§ āˇƒāļ¸āļ­්āļē.

āļąි⎀ැāļģāļ¯ි āļĸ්‍āļēොāļ­ි⎂āļē ⎀ෙāļąු⎀ෙāļą් āļ”āļļේ āļ¯ාāļēāļšāļ­්⎀āļē

āļ¸ෙāļ¸ āļŊිāļ´ිāļē āļšිāļē⎀āļą āļ”āļļ ‍‍ āļĸ්‍āļēොāļ­ි⎂ āļ´āˇ…ිāļļāļŗ āˇ€ි⎁්⎀ා⎃ āļšāļģāļą, āļąොāļšāļģāļą ‍⎄ෝ āļ¸āļ°්‍āļē⎃්āļŽ āļ¸āļ­ āļ¯āļģāļą්āļąāļąෙāļš් ⎀ිāļē ⎄ැāļš. āļ­āˇ€āļ­් ⎃āļ¸āˇ„āļģ ⎀ිāļ§āļš āļ”āļļේ āļĸāļą්āļ¸ āļ´āļ­්‍āļģāļē āļĸ්‍āļēොāļ­ි⎂āļĨāļēෙāļšු āļŊ⎀ා ⎀ිāļœ්‍āļģ⎄ āļšāļģ āļąොāļœāļ­් āļ…āļēෙāļš් ⎀ිāļē ⎄ැāļš. ...

āļ¸ේ āˇ€āˇƒāļģේ ⎃ිāļ¯ු ⎀ෙāļą āˇƒු⎀ි⎁ේ⎂ී āļœ්‍āļģ⎄ āļ¸ාāļģු⎀

āļœ්‍āļģ⎄ āļ¸āļĢ්āļŠāļŊāļēේ āļļāļŊ⎀āļ­්āļ¸ āˇƒුāļˇ āļœ්‍āļģ⎄āļēා ⎀āļą āļļ්‍āļģāˇ„āˇƒ්āļ´āļ­ි ⎄ෙ⎀āļ­් āļœුāļģු āļģ⎀ි ⎄ිāļ¸ි ⎃ිං⎄ āļģා⎁ිāļœāļ­ āˇ€ීāļ¸ āļ¸ේ āˇ€āˇƒāļģේ ⎃ිāļ¯ු ⎀ෙāļą āˇƒු⎀ි⎁ේ⎂ී āļœ්‍āļģ⎄ āļ¸ාāļģු⎀āļēි.

Tuesday, October 6, 2015

2015 āļ”āļš්āļ­ෝāļļāļģ් āļ”āļļේ āļŊāļœ්āļąāļēāļ§ āļšො⎄ොāļ¸āļ¯?

āļ”āļš්āļ­ෝāļļāļģ් āļ¸ා⎃āļēේ āļœ්‍āļģ⎄āļēāļą් āļœāļ¸āļą් āļšāļģāļą්āļąේ āļšිāļąāļ¸් āļģා⎁ි⎀āļŊāļ¯? āļ´āļŊාāļ´āļŊ.lk āļ¸āļœිāļą් āļ”āļļāļ§ āļąිāļģāļ­ුāļģු⎀āļ¸ āˇ€ෙāļąāˇƒ් ⎀ෙāļ¸ිāļą් āļēāļą āˇƒāļĸී⎀ී āļœ්‍āļģ⎄ āļœāļ¸āļą āļąි⎀ා⎃ āļ´ිāļ§ු⎀ේ āļ¯āļšුāļĢු āļ´āˇƒ āļ‰āˇ„⎅ āļ­ිāļļෙāļą āļœ්‍āļģ⎄ āļģා⎁ි āļ āļš්‍āļģāļē āļ¸āļœිāļą් āļ‰āļ¯ිāļģිāļ´āļ­් āļšāļģāļą āļąි⎃ා āļ‘āļē āļ´āˇ„āˇƒු⎀ෙāļą් āļļāļŊාāļœāļ­ āˇ„ැāļšිāļē.

āļ‘āļē āļ…āļąු⎀ āļģ⎀ි , āļļුāļ° āˇƒāˇ„ āļģා⎄ු āļšāļą්‍āļēා āļģා⎁ිāļēේāļ¯, āļšුāļĸ, ⎃ිāļšුāļģු āˇƒāˇ„ āļœුāļģු ⎃ිං⎄ āļģා⎁ිāļēේāļ¯, ⎁āļąි āˇ€ෘ⎁්āļ ිāļš āļģා⎁ිāļēේāļ¯, āļšේāļ­ු āļ¸ීāļą āļģා⎁ිāļēේāļ¯ āļœෝāļ āļģāļē ⎀ෙāļēි. ⎃āļŗු āļ¸ේ⎂āļēෙāļą් āļ´āļ§āļą්āļœෙāļą āļ¯ිāļą āļ¯ෙāļšāˇ„āļ¸ාāļģāļšāļ§ āˇ€āļģāļš් ⎃ෙ⎃ු āļģා⎁ි āļ´ුāļģා āļœāļ¸āļąේ āļēෙāļ¯ෙāļēි. 2015 āļ”āļš්āļ­ෝāļļāļģ් 18 āļ¯ිāļą āļģ⎀ි āļ­ුāļŊා āļģා⎁ි āļœāļ­ āˇ€ෙāļą āļ…āļ­āļģ, ⎀āļš්‍āļģ ⎀āļą āļļුāļ° āļ¸ේ ⎃āļ¸ 11 ⎀ෙāļąිāļ¯ා āļąි⎀ෘāļ­ āļœāļ¸āļąේ āļēෙāļ¯ෙāļ¸ිāļą් āļ¸ේ āļ¸āˇƒ āļ…āˇ€āˇƒාāļąāļēේ āļ‘āļąāļ¸් 30 ⎀ෙāļąිāļ¯ා āļ­ුāļŊා āļģෘ⎁ි āļœāļ­ āˇ€ීāļ¸ āˇ„ැāļģුāļĢුāļšොāļ§ āˇ€ෙāļąāļ­් āļœ්‍āļģ⎄ āļ¸ාāļģු⎀āļš් āļąොāļ¸ැāļ­.

āļ’ āļ…āļąු⎀ āļ¸ෙāļ¸ āļ¸ා⎃āļēේ āļœ්‍āļģ⎄ āļœāļ¸āļą් ⎃āļ¸āļœිāļą් āļ…āļ´ āļ‰āļ¯ිāļģිāļ´āļ­් āļšāļģāļą āļ…āļąාāļœāļ­ āļŊāļœ්āļą āļ´āļŊාāļ´āļŊ ⎃ේ⎀ා⎀ේ āļŊිāļēාāļ´āļ¯ිංāļ ි āļ…āļēāļ§ āļ¸ෙāļ¸ āˇƒිāļēāļŊු āļœ්‍āļģ⎄ āļ¸ාāļģු, āļąැāļšැāļ­්, āļ´ාāļ¯ āˇƒāˇ„ ⎃āļ­ුāļģු āļ¸ිāļ­ුāļģු ⎃āļļāļŗāļ­ා āļ¯ āļļāļŊා āļœāļ­ āˇ„ැāļšිāļēි.

āļ´āˇ€āļ­ිāļą āļœ්‍āļģ⎄ āļ­āļ­්⎀āļēāļą් āļ…āļąු⎀ 2015 āˇ€āˇƒāļģේ āļ”āļš්āļ­ෝāļļāļģ් āļ¸ා⎃āļē āļ‘āļš් āļ‘āļš් āļŊāļœ්āļąāļēāļ§ āļļāļŊāļ´ාāļą්āļąේ āļšෙ⎃ේāļ¯ āļēāļą්āļą āļ¯ැāļą් āļ…āļ´ි āļļāļŊāļ¸ු.

āļ¸ේ⎂

āļœෙāļ¯āļģāļ¯ොāļģ āļšāļ§āļēුāļ­ු āļš්‍āļģāļ¸āˇ€āļ­්⎀ āļ´āˇ€āļ­්⎀ාāļœෙāļą āļēෑāļ¸āļ§ āļšැāļ´ āˇ€ෙāļēි. āļģැāļšිāļēා⎀ේ ⎀ැāļŠāļšāļ§āļēුāļ­ු āļļ⎄ුāļŊ āļ­āļ­්⎀āļēāļš්. ⎃ුāļ¯ු⎃ුāļšāļ¸් āļ¸āļ­ āļ‹āˇƒāˇƒ් ⎄ෝ ⎀āļģāļ´්‍āļģ⎃ාāļ¯ āˇƒāˇ„ිāļ­ āļģැāļšිāļēා⎀āļąāļ§ āˇƒāˇ„ āˇƒාāļģ්āļŽāļš āļ…āļ°්‍āļēාāļ´āļąāļēāļš්. āļ‹āļ¯āļģාāļļාāļ° āˇƒāˇ„ āļ…āļ¸්āļŊ āļ´ිāļ­්āļ­ ‍āļģෝāļœ āļ…⎀āļ¯ාāļąāļ¸āļš් ........  āˇ€ැāļŠිāļ¯ුāļģ āļšිāļē⎀āļą්āļą

⎀ෘ⎂āļˇ

āļļුāļ¯්āļ°ිāļ¸āļ­් ⎀āļļ āˇƒāˇ„ āļ‹āļ­්⎃ා⎄āļē ⎃āļ¸āļœිāļą් āļ­āļ¸ āļšāļ§āļēුāļ­ු ⎃ාāļģ්āļŽāļšāˇ€āļ§ āļēා ⎄ැāļšි āļœ්‍āļģ⎄ āļ­āļ­්⎀āļēāļš්. āļ¸ංāļœāļŊ āļēෝāļĸāļąා āļ‰āļ¯ිāļģිāļ´āļ­් ⎀ේ. āļ…āļˇිāļēෝāļœ āļĸāļē āļœැāļąීāļ¸āļ§ āˇƒāļ¸āļ­් ⎀ෙāļēි. ⎀ිāļ¯ේ⎁ āļģැāļšිāļēා ⎄ෝ āļąāˇ€ āļģැāļšිāļēා. ⎄ි⎃ේ āˇƒāˇ„ āļ‡āˇƒ් āļģෝāļœ āļ…⎀āļ¯ාāļąāļ¸āļš් .......  āˇ€ැāļŠිāļ¯ුāļģ āļšිāļē⎀āļą්āļą

āļ¸ිāļŽුāļą

āļ†āļģāļ¸්āļˇ āļšāļģāļą āļŊāļ¯ āļšāļ§āļēුāļ­්āļ­āļš් āļ…āļ­āļģāļ¸āļœ āļąāˇ€āļ­ා āļ¯ැāļ¸ේ. ⎀ිāļ¯ේ⎁āļœāļ­ āļ¸ිāļ­ුāļģෙāļšුāļœේ ⎄ෝ āļĨාāļ­ිāļēෙāļšුāļœේ āļ‹āļ´āļšාāļģ āļŊැāļļේ. āļģැāļšිāļēා⎀ේ āļ‹āļ¯ා⎃ීāļą āļļ⎀ āˇƒāˇ„ āļ¸ාāļąāˇƒිāļš āļąො⎃āļą්⎃ුāļą්āļ­ා⎀āļē. āļģāļš්āļ­āˇ€ාāļ­ āļģෝāļœ āļ‹āļ­්⎃āļą්āļą āˇ€ේ. ........  āˇ€ැāļŠිāļ¯ුāļģ āļšිāļē⎀āļą්āļą

āļšāļ§āļš

āļ†āļģ්āļŽිāļš āˇ€ා⎃ි ⎃ු⎀ි⎁ේ⎂ී āļĸāļēāļœ්‍āļģ⎄āļĢ. āļ‹āļ­්⎃ා⎄āļē āļšැāļ´āļšිāļģීāļ¸ āļąොāļ…āļŠු⎀ āļ‡āļ­ි ⎀ී āļ†āļģ්āļŽිāļšāļē ⎁āļš්āļ­ිāļ¸āļ­්⎀ āļ­ැāļą්āļ´āļ­් āļ°āļąāļē ⎀āļģ්āļ°āļąāļēāļ§ āˇ„ිāļ­āļšāļģ āļ­āļ­්⎀āļēāļš්. āļģැāļšිāļēා⎀ ⎃ැ⎄ැāļŊ්āļŊු⎀ෙāļą් āˇƒāˇ„ āļ´්‍āļģāļļෝāļ°āļēෙāļą්. āļļාāļ°āļš āļ¸ැāļ¯ āļ…āļ°්‍āļēාāļ´āļąāļē ⎃ාāļģ්āļŽāļšāļ­්⎀āļēāļ§.........  āˇ€ැāļŠිāļ¯ුāļģ āļšිāļē⎀āļą්āļą

⎃ිං⎄

āļļāļŊාāļ´ොāļģොāļ­්āļ­ු āļģැ⎃āļš් āļ‰āļ§ුāļšāļģ āļœැāļąීāļ¸āļ§ āļˇාāļœ්‍āļē āļŊැāļļේ. āļ†āļģ්āļŽිāļš āˇ€ා⎃ි āļģැ⎃āļš් āļ…āļ­්āļ´āļ­් āļšāļģ āļœāļąී. āļ…āļ°āļēාāļ´āļą āļšāļ§āļēුāļ­ු ⎀ෙāļąු⎀ෙāļą් ⎀ෙ⎄ෙ⎃ේ. ⎀්‍āļēාāļ´ාāļģ ⎃ාāļģ්āļŽāļš āļŊෙ⎃ āļ´āļ¯ිāļģිāļēāļ§ āļ”āˇƒāˇ€ා āļ­ැāļļීāļ¸āļ§ āļ¯āļš්⎂ ⎀ේ. āļ´ෙāļĢ⎄āļŊු āļ†āˇ්‍āļģිāļ­ āļģෝāļœ āļ¸āļ­ු ⎀ේ........  āˇ€ැāļŠිāļ¯ුāļģ āļšිāļē⎀āļą්āļą

āļšāļą්‍āļēා

āļ†āļ¯ාāļēāļ¸් āļ­āļ­්⎀āļē āˇƒāˇ„ ⎀ිāļ¯ේ⎁ ⎃āļ¸්āļļāļą්āļ° āļšāļ§āļēුāļ­ු ⎃ාāļģ්āļŽāļš āˇ€ේ. ⎀ි⎀ිāļ° āļ…āļˇිāļēෝāļœ āļļාāļ°āļš āˇ„āļ¸ු⎀ේ ⎀ු⎀āļ­් āļļො⎄ෝ āļšāļ§āļēුāļ­ු āļ‰āļ§ුāļšāļģ āļœāļąී. āļģැāļšිāļēා⎀ේ āļ´ැ⎀āļ­ි āļļාāļ°ාāļšාāļģී āļ­āļ­්⎀āļēāļą් āļ´āˇ„⎀ āļēāļēි. āļąāˇ€ āļģැāļšිāļēා ⎃āļŗāˇ„ාāļ¯ āˇƒිāļ­ āļēොāļ¸ු ⎀ේ. .........  āˇ€ැāļŠිāļ¯ුāļģ āļšිāļē⎀āļą්āļą

āļ­ුāļŊා

āļšāļŊ්āļ´āļąාāļšාāļģී⎀ āļ…⎀āļ°ාāļąāļ¸් āļšāļ§āļēුāļ­ු⎀āļŊිāļą් āļ¸āļœāˇ„ැāļģීāļ¸ āļąු⎀āļĢāļ§ āˇ„ුāļģුāļē. āļļාāļ°āļš āļ…āļˇිāļēෝāļœ āļ¸ැāļŠ āļļො⎄ෝ āļšāļ§āļēුāļ­ු ⎃āļ´āļŊ ⎀ේ. ⎄āļ¯ි⎃ි āļ°āļą āļŊාāļˇ, āļˇූāļ¸ි āļŊාāļˇ āˇƒāˇ„ āˇ€āˇƒ්āļ­ු āļŊාāļˇ āˇ„ිāļ¸ිāļē. ⎄āļ¯ි⎃ි āļ…āļąāļ­ුāļģු āˇƒāˇ„ āļ…āļ´āļ­්‍āļēāļšාāļģāļš āļ¯ෑ ⎀āļŊි⎀āļą් āļ¸āļœāˇ„āļģිāļą්āļą. ........  āˇ€ැāļŠිāļ¯ුāļģ āļšිāļē⎀āļą්āļą

⎀ෘ⎁්āļ ිāļš

⎁ුāļˇāļ´āļŊ āļ…āļ°ිāļšāˇ€ āļ…āļ­්āļ´āļ­් āļšāļģ āļ­ැāļąීāļ¸āļ§ āļˇාāļœ්‍āļē āļ‡āļ­. āļœෙāļ¯āļģāļ¯ොāļģ ⎃ාāļ¸āļē āļ´āˇ€āļ­්⎀ා āļœāļąී. ⎀ිāļ¯ේ⎁ ⎃āļ¸්āļļāļą්āļ° āļšāļ§āļēුāļ­ු⎀āļŊāļ§ āļēොāļ¸ු⎀ීāļ¸āļ§ āˇ„ෝ āļ’⎀ා āļ¯ිāļēුāļĢු⎀āļ§ āļ¸āļœ āļ´ෑāļ¯ේ. āļģැāļšිāļēා⎀ේ ⎄ෝ ⎀්‍āļēාāļ´ාāļģāļēේ āļšැāļ´ී āļ´ෙāļąෙāļą āļ¯ිāļēුāļĢු⎀āļš් āļ…āļ­්āļšāļģ āļœāļąී..........  āˇ€ැāļŠිāļ¯ුāļģ āļšිāļē⎀āļą්āļą

āļ°āļąු

āļļāļŊාāļ´ොāļģොāļ­්āļ­ු āļģැ⎃āļš් āļ‰āļ§ුāļšāļģ āļœැāļąීāļ¸āļ§ āļˇාāļœ්‍āļē. āļļුāļ¯්āļ°ිāļ¸āļ­් ⎃āļ¸ාāļĸ āļ‡āˇƒුāļģ, āļ‡āˇƒුāļģු āļšāļģāļą්āļąāļą්āļœෙāļą් āļ´ැ⎃⎃ුāļ¸්. āļģැāļšිāļēා⎀ේ ⎀āļģ්āļ°āļąāļēāļš් āˇƒāˇ„ ⎃ොāļŗුāļģු āļ¸ාāļąāˇƒිāļšāļ­්⎀āļēāļš්. āļąāˇ€ ⎀ි⎂āļē āļ°ාāļģා⎀āļą් āļœැāļšුāļģිāļą් āļ‰āļœෙāļą āļœැāļąීāļ¸āļ§ āˇƒුāļ¯ු⎃ු āļšාāļŊāļēāļšි........  āˇ€ැāļŠිāļ¯ුāļģ āļšිāļē⎀āļą්āļą

āļ¸āļšāļģ

āļ­āļ¸ āļšāļ§āļēුāļ­ු ⎃ාāļģ්āļŽāļš āļšāļģ āļœැāļąීāļ¸āļ§ āļšැāļ´āˇ€ීāļ¸ āļ‹āļąāļą්āļ¯ු⎀ āˇƒāˇ„ āļ‹āļ­්⎃ා⎄āļē āļąොāļ¸āļ¯āˇ€ āļ…⎀ැ⎃ිāļē. āļ´āˇ€ුāļŊේ āļĨාāļ­ීāļą් āļ…āļ­āļģ ⎃ු⎄āļ¯āļ­ා⎀āļē āļ´āˇ…ුāļ¯ු⎀ීāļ¸āļ§. āļģැāļšිāļēා⎀ේ ⎃්āļŽාāļą āļ¸ාāļģු⎀ීāļ¸්. āļ…āļ°්‍āļēාāļ´āļą āˇƒāļĩāļŊāļ­්⎀āļē. āļŊේ āļ¯ූ⎂්‍āļē āļģෝāļœ āļ‡āļ­ි ⎀ේ..........  āˇ€ැāļŠිāļ¯ුāļģ āļšිāļē⎀āļą්āļą

āļšුāļ¸්āļˇ

āļ¸ාāļąāˇƒිāļš āļ…āˇƒāˇ„āļąāļē āˇƒāˇ„ āļąො⎃āļą්⎃ුāļą්āļ­ා⎀āļē āļšāļ§āļēුāļ­ු āļ…⎀ුāļŊ් ⎀ීāļ¸. āļœෙāļ¯āļģāļ¯ොāļģ āļšāļ§āļēුāļ­ු āļē⎄āļ´āļ­්āļē. āˇ€ිāļ¯ේ⎁ āļģැāļšිāļēා āļļāļŊාāļ´ොāļģොāļ­්āļ­ු āļ‰āļ§ු ⎀ේ. ⎀ිāļ¯ේ⎁ āļ…āļ°්‍āļēාāļ´āļą āˇƒāˇ„ ⎀ෘāļ­්āļ­ීāļē āļ…āļ°්‍āļēාāļ´āļąāļē āļ‰āˇ„⎅āļ§. āļ‡āˇƒ් ⎄ි⎃් āļ¸ුāļ› āļģෝāļœ ........  āˇ€ැāļŠිāļ¯ුāļģ āļšිāļē⎀āļą්āļą

āļ¸ීāļą

āļąි⎀ැāļģāļ¯ි āļ­ීāļą්āļ¯ු āļ­ීāļģāļĢ āˇƒāˇ„ āļ‹āļąāļą්āļ¯ු⎀ āļ‹āļ­්⎃ා⎄āļē āļ‡āļ­ි āļļැ⎀ිāļą් āļļāļŊාāļ´ොāļģොāļ­්āļ­ු āļģැ⎃āļš් ⎃ාāļģ්āļŽāļš āļšāļģ āļœāļąිāļēි. ⎀්‍āļēාāļ´ාāļģ āˇƒāˇ„ āļģැāļšිāļēා āļ¯ිāļēුāļĢු⎀āļ§ āļ´ාāļģිāļˇෝāļœිāļš āļ´්‍āļģāļĸා⎀āļœේ āˇƒāˇ„ āļģැāļšිāļēා āļ´්‍āļģāļ°ාāļąීāļą්āļœේ āļ´්‍āļģ⎃ං⎁ා⎀. āļ…āļ°්‍āļēාāļ´āļą āļšāļ§āļēුāļ­ු ⎃ාāļģ්āļŽāļšāļē.........  āˇ€ැāļŠිāļ¯ුāļģ āļšිāļē⎀āļą්āļą


āļ¸ීāļą āļŊāļœ්āļą āļ´āļŊාāļ´āļŊ - āļ”āļš්āļ­ෝāļļāļģ් 2015

āļ¸ීāļą

āļąි⎀ැāļģāļ¯ි āļ­ීāļą්āļ¯ු āļ­ීāļģāļĢ āˇƒāˇ„ āļ‹āļąāļą්āļ¯ු⎀ āļ‹āļ­්⎃ා⎄āļē āļ‡āļ­ි āļļැ⎀ිāļą් āļļāļŊාāļ´ොāļģොāļ­්āļ­ු āļģැ⎃āļš් ⎃ාāļģ්āļŽāļš āļšāļģ āļœāļąිāļēි. ⎀්‍āļēාāļ´ාāļģ āˇƒāˇ„ āļģැāļšිāļēා āļ¯ිāļēුāļĢු⎀āļ§ āļ´ාāļģිāļˇෝāļœිāļš āļ´්‍āļģāļĸා⎀āļœේ āˇƒāˇ„ āļģැāļšිāļēා āļ´්‍āļģāļ°ාāļąීāļą්āļœේ āļ´්‍āļģ⎃ං⎁ා⎀. āļ…āļ°්‍āļēාāļ´āļą āļšāļ§āļēුāļ­ු ⎃ාāļģ්āļŽāļšāļē.


āļ¸ීāļą āļŊāļœ්āļą āˇ„ිāļ¸ිāļēāļą්āļœේ āļ”āļš්āļ­ෝāļļāļģ් āļ¸āˇƒ āļœ්‍āļģ⎄āļ ාāļģāļē āļ…āļąු⎀ āļļāļŊාāļ´ොāļģොāļ­්āļ­ු āļģැ⎃āļš් āļ‰āļ§ුāļšāļģ āļœැāļąීāļ¸āļ§ āļŊැāļļෙāļą āļļ⎀ āļšි⎀ ⎄ැāļšිāļē. āļēෝāļœāļšාāļģāļš āļšුāļĸ āˇƒāˇ„ āļŊāļœ්āļąාāļ°ිāļ´āļ­ි āļœුāļģු āļˇාāļ°āļš āˇƒ්āļŽාāļąāļē ⎀āļą āˇ„āļē⎀ැāļą්āļąේāļ­් ⎀ු⎀āļ­් ⎃ිං⎄ āļģැ⎃ෙ⎄ි ⎀ීāļ¸ āļ¸āļœිāļą් āļļාāļ°āļš āļ¸ෙāļą්āļ¸ āˇƒāļ­ුāļģāļą් āļĸāļē āļœැāļąීāļ¸āļ§ āˇ„ේāļ­ු ⎀ේ. āļ¸ේ āļ…āļąු⎀ āļ¸ීāļą  āļŊāļœ්āļą āˇ„ිāļ¸ිāļēāļą්āļ§ āļ¸ෙāāļ¸ා⎃āļēේāļ¯ීāļ­් āļ­āļ¸ āļœෙāļ¯āļģ āļ¯ොāļģ āļšāļ§āļēුāļ­ු ⎃ාāļ¸āļšාāļ¸ී⎀ ⎃ු⎄āļ¯āˇ€ āļ‹āļ¯āˇ€් āļ‹āļ´āļšාāļģැāļ­ි⎀ āˇƒāˇ„ āļ´āļģිāļ­්‍āļēාāļœāˇීāļŊී⎀ āļēුāļ­ුāļšāļ¸් āļŊෙ⎃  āļ‰āļ§ු āļšිāļģීāļ¸āļ§ āļ…āˇ€āˇƒ්āļŽා⎀ āļŊැāļļෙāļąු āļ‡āļ­.  āļ‹āˇƒāˇƒ් āļļුāļ¯්āļ°ිāļ¸āļ­් ⎃āļ¸ාāļĸ āļ‡āˇƒුāļģ āˇƒāˇ„ āļ‡āˇƒුāļģු āļšāļģāļą්āļąāļą් āļ…āļ­āļģ āļšැāļ´ී āļ´ෙāļąෙāļą āļ­āļ­්⎀āļēāļš් āļ‡āļ­. ⎀ි⎀ා⎄ āļ…āļ´ේāļš්⎂āļšāļēāļą්āļ§ āļē⎄āļ´āļ­් āļ¸ංāļœāļŊ āļēෝāļĸāļąා, ⎀ි⎀ා⎄āļšāļēāļą් āļ…āļ­āļģ āļ´්‍āļģීāļ­ිāļ¸āļ­් āļēුāļœāļ¯ි⎀ි ⎃ැāļ´āļ­ āˇƒāˇ„ āļ¯āļģු⎀āļą් āļ…āļ´ේāļš්⎂ා āļšāļģāļą āļ…āļēāļ§ āļē⎄āļ´āļ­් āļ¯āļģු⎀āļą් āļŊැāļļීāļ¸ේ āļˇාāļœ්‍āļē āļ¯ āļ‡āļ­. 

āļģැāļšිāļēා ⎃්āļŽාāļąāļē ⎀ූ āļ¯āˇƒāˇ€ැāļą්āļą āˇƒāˇ„ āļąāˇ€ ⎀ැāļą්āļąේ āļ‹āļ´āļģිāļ¸ āļœ්‍āļģ⎄ ⎁āļš්āļ­ිāļē āļ‡āļ­ි āļļැ⎀ිāļą් āļģැāļšිāļēා āˇƒāˇ„ ⎀්‍āļēාāļ´ාāļģ ⎃āļ¸්āļļāļą්āļ° āˇƒිāļē⎅ු āļšāļ§āļēුāļ­ු āļ‰āļ­ා ⎃ාāļģ්āļŽāļš āļŊෙ⎃ ⎃ිāļ¯ු⎀āļą āļļ⎀ āļ´ැāˇ€āˇƒිāļē āļēුāļ­ුāļē. āļģැāļšිāļēා āļ´්‍āļģāļ°ාāļąීāļą්āļœේ āļ´්‍āļģ⎁ං⎃ා⎀ āļ¸ෙāļą්āļ¸ āˇ€්‍āļēාāļ´ාāļģ⎀āļŊ āļĸāļąāļ´්‍āļģිāļēāļ­්⎀āļēāļ¯ āļ‡āļ­ි ⎀ේ. āļąāˇ€ āļģැāļšිāļēා āˇƒāˇ„ ⎀ිāļ¯ේ⎁ āļģැāļšිāļēා āļ…āļ´ේāļš්⎂āļšāļēāļą්āļ§ āļ‘āļ¸ āļ…āˇ€āˇƒ්āļŽා⎀āļą් āļŊැāļļෙāļą āļļ⎀āļ­් āļ­āļ¸ āļ¯āļš්⎂āļ­ා āˇƒāˇ„ ⎃ුāļ¯ු⎃ුāļšāļ¸්⎀āļŊāļ§ āˇ„ිāļ¸ි ⎀ි⎄ේ⎂ ⎀ැāļ§ුāļ´් āˇƒāˇ„ ⎀āļģāļ´්‍āļģ⎃ාāļ¯ āļ¯ āˇ„ිāļ¸ිāļē.

āļ´ා⎃āļŊ් āļ…āļ°්‍āļēාāļ´āļąāļē, āļ‹āˇƒāˇƒ් āļ…āļ°්‍āļēාāļ´āļąāļē āˇƒāˇ„ ⎀ෘāļ­්āļ­ීāļē āļ…āļ°්‍āļēාāļ´āļąāļē āļēāļą āˇƒිāļēāļŊුāļ¸ āļ…ං⎁⎀āļŊāļ¯ී āļ¯āļš්⎂āļ­ා āļ´ෙāļą්⎀ීāļ¸āļ§ āļ°āļąු āļŊāļœ්āļą āˇ„ිāļ¸ිāļēāļą්āļ§ āļ…āˇ€āˇƒ්āļŽා⎀ āļŊැāļļෙāļąු āļ‡āļ­. āļ­āļģāļŸ āˇ€ිāļˇාāļœාāļ¯ීāļē ⎄ොāļŗිāļą් ⎃āļ¸āļ­්⎀ීāļ¸āļ§ āļ¸ෙāļą්āļ¸,  āļœැāļšුāļģු ⎀ි⎂āļēāļēāļą් āļļුāļ¯්āļ°ිāļ¸āļ­්⎀ āļ‰āļœෙāļąීāļ¸āļ§āļ­්, āļ­āļ¸ āļ¯ැāļąුāļ¸ āˇƒāˇ„ āļšුāˇƒāˇ…āļ­ා āļ‘⎅ීāļ¯ැāļš්⎀ීāļ¸āļ§āļ­් ⎀ාāļģ්āļŽාāļœāļ­ āļĸāļēāļœ්‍āļģ⎄āļĢ āļ…āļ­්āļ´āļ­් āļšāļģ āļœැāļąීāļ¸āļ§āļ­්, āˇ€ිāļ¯ෙ⎃් āļ…āļ°්‍āļēාāļ´āļąāļēāļ­්  āļ¸ෙāļē ⎃ුāļ¯ු⎃ු āļšාāļŊāļēāļšි.  

āļŒāˇ‚්āļĢ āˇƒāˇ„ිāļ­ āļŊේ āļ¯ූ⎂්‍āļē ⎀ීāļ¸් āˇƒāˇ„ිāļ­ ‍āļģෝāļœāˇ€āļŊāļ§ āļ¸ු⎄ුāļĢ āļ¯ීāļ¸āļ§ āļ‰āļŠ āļ­ිāļļෙāļą āļļැ⎀ිāļą් āļ‰āļą් āļ¸ිāļ¯ීāļ¸āļ§ āļšāļ§āļēුāļ­ු āļšිāļģීāļ¸ āˇƒුāļ¯ු⎃ුāļē.

āļĸāļē āļ…ංāļš - 2, 7
⎁ුāļˇ āļ¯ිāļą -  āˇƒāļŗුāļ¯ා, āļļāļ¯ාāļ¯ා
⎁ුāļˇ āˇ€āļģ්āļĢ - āļģෝ⎃, āļŊා āļąිāļŊ්

āļšුāļ¸්āļˇ āļŊāļœ්āļą āļ´āļŊාāļ´āļŊ - āļ”āļš්āļ­ෝāļļāļģ් 2015

āļšුāļ¸්āļˇ

āļ¸ාāļąāˇƒිāļš āļ…āˇƒāˇ„āļąāļē āˇƒāˇ„ āļąො⎃āļą්⎃ුāļą්āļ­ා⎀āļē āļšāļ§āļēුāļ­ු āļ…⎀ුāļŊ් ⎀ීāļ¸. āļœෙāļ¯āļģāļ¯ොāļģ āļšāļ§āļēුāļ­ු āļē⎄āļ´āļ­්āļē. āˇ€ිāļ¯ේ⎁ āļģැāļšිāļēා āļļāļŊාāļ´ොāļģොāļ­්āļ­ු āļ‰āļ§ු ⎀ේ. ⎀ිāļ¯ේ⎁ āļ…āļ°්‍āļēාāļ´āļą āˇƒāˇ„ ⎀ෘāļ­්āļ­ීāļē āļ…āļ°්‍āļēාāļ´āļąāļē āļ‰āˇ„⎅āļ§. āļ‡āˇƒ් ⎄ි⎃් āļ¸ුāļ› āļģෝāļœ. 


āļšුāļ¸්āļˇ āļŊāļœ්āļą āˇ„ිāļ¸ිāļēāļą්āļœේ āļ”āļš්āļ­ෝāļļāļģ් āļ¸āˇƒ āļœ්‍āļģ⎄āļ ාāļģāļē āļ…āļąු⎀ āļ¸ි⎁්‍āļģ āļĩāļŊ āļŊැāļļෙāļą āļļ⎀ āļšි⎀ ⎄ැāļšිāļē.  āļēෝāļœāļšාāļģāļš āˇƒිāļšුāļģු āˇƒāˇ„ ⎁ුāļˇ āļœ්‍āļģ⎄āļēෙāļšු ⎀āļą āļšුāļĸ ⎄āļ­්⎀ැāļą්āļąේ āļœෝāļ āļģāļē ⎀ීāļ¸ āļœෙāļ¯āļģ āļ¯ොāļģ āˇƒāˇ„ āļ´āˇ€ුāļŊේ ⎃āļ­ුāļ§ āˇƒāļ¸ාāļ¯ාāļąāļē āļģැāļš āļœැāļąීāļ¸āļ§ āˇ„ේāļ­ු ⎀ේ. āļąāļ¸ුāļ­් āļšි⎃ිāļēāļ¸් āļ¸ාāļąāˇƒිāļš āļ…āˇƒāˇ„āļąāļē āˇƒāˇ„ āļąො⎃āļą්⎃ුāļą්āļ­ා⎀āļē ⎀ිāļ§ිāļą් ⎀ිāļ§ āļ¸āļ­ු ⎀ෙāļą āļ…āļ­āļģ āļ‘āļ¸āļœිāļą් āļšāļ§āļēුāļ­ු āļ…⎀ුāļŊ් ⎀ීāļ¸āļ§ āļ´ුāļŊු⎀āļą. āļ‘āļļැ⎀ිāļą් āļ‘⎀āļą් ⎀ිāļ§ෙāļš āļ¸āļąāˇƒ ⎃āļą්⎃ුāļą් āļšāļģ āļœැāļąීāļ¸ āˇƒāˇ„ āļ†āļœāļ¸ āļ¯āˇ„āļ¸āļ§ āļēොāļ¸ු ⎀ීāļ¸ āļļෙ⎄ෙ⎀ිāļą් āˇƒāˇ„āļąāļ¯ාāļēāļš āˇ€ෙāļēි. āļšුāļ¸්āļˇ āļŊāļœ්āļą āˇ„ිāļ¸ි āļ­āļģ්āļĢ āļ­āļģුāļĢිāļēāļą්āļ§ āļē⎄āļ´āļ­් āļ¸ංāļœāļŊ āļēෝāļœ āļ‹āļ¯ා ⎀ෙāļą āļ´āļģි⎃āļģāļēāļš් āļ‡āļ­.  āļē⎄āļ´āļ­් āļēුāļœ āļ¯ි⎀ිāļēāļšāļ§ āļ…⎀ැ⎃ි ⎃ුāļ¯ු⎃ු āļ…āļąාāļœāļ­ āˇƒāˇ„āļšāļģු⎀āļą් ⎄āļŗුāļąාāļœැāļąීāļ¸āļ§ āļ…āˇ€āˇƒ්āļŽා⎀ ⎃ැāˇ…āˇƒේ. āļœāļ¸āļą් āļļිāļ¸āļą් ⎄ේāļ­ු⎀ෙāļą් ⎀ිāļēāļ¯āļ¸් āļ…āļ°ිāļš āˇ€ෙāļąු āļ‡āļ­.

āļģැāļšිāļēා āˇƒāˇ„ ⎀්‍āļēාāļ´ාāļģ⎀āļŊ ⎀ෙāļąāļ¯ාāļ§ āˇ€āļŠා ⎀ෙ⎄ෙ⎃ āļ¸āˇ„āļą්⎃ිāļēෙāļą් āļšāļ§āļēුāļ­ු āļšිāļģීāļ¸āļ§ āˇƒුāļ¯ු ⎀ේ. āļģැāļšිāļēා āˇƒāˇ„ ⎀්‍āļēාāļ´ාāļģ āļšāļ§āļēුāļ­ු āļšāļģāļą āļšුāļ¸්āļˇ āļŊāļœ්āļą āˇ„ිāļ¸ිāļēāļą්āļ§ āˇ€āļœāļšීāļ¸් āļģැ⎃āļš් āļ´ැ⎀āļģෙāļą āļšාāļŊāļēāļšි. ⎀ෙāļąāļ¯ාāļ§ āˇ€āļŠා āļœāļ­ āˇƒිāļ­ āļ¯ෙāļšāļ¸ āˇ€ෙ⎄ෙ⎃āļ§ āļ´āļ­්⎀ීāļ¸ āļ­ුāļŊ āļšි⎃ිāļēāļ¸් āļ…āˇƒāˇ„āļąāļšාāļģී āļ­āļ­්⎀āļēāļš්āļ¯ āļ¸āļ­ු ⎀ිāļē ⎄ැāļšිāļē. āļē⎄āļ´āļ­් āļ…āļēුāļģිāļą් āļšāļģāļœෙāļą āļœිāļēāļ¯ෑ āļēāļ¸් āļēāļ¸් ⎀ිāļ¯ිāļēේ āļ…⎀ුāļŊ් āˇƒāˇ„āļœāļ­ āļ­āļ­්⎀āļēāļ­් āļ‡āļ­ි ⎀ේ. āļ”āļļ ⎀ි⎃ිāļą් āļœāļą්āļąා āļ­ීāļą්āļ¯ු āļ­ීāļģāļĢ āļœැāļ§āļŊු āˇƒāˇ„āļœāļ­ āļ­āļ­්⎀āļēāļš් āļąිāļģ්āļ¸ාāļĢāļē ⎀ිāļē ⎄ැāļšි āļąි⎃ා ⎄ැāļ¸āˇ€ිāļ§āļ¸ āļšāļŊ්āļ´āļąාāļšාāļģී ⎀ිāļē āļēුāļ­ුāļē. āļ¯ැāļąāļ§ āˇ€ිāļ¯ේ⎁ ⎃āļ¸්āļļāļą්āļ° āļģැāļšිāļēා⎀āļŊ āļąිāļēුāļ­ු āļ…āļēāļœේ āļŊාāļˇාං⎁ āļ‰āˇ„⎅ āļēāļą āļ…āļ­āļģ āļ’ āˇ€ෙāļąු⎀ෙāļą් āļ…⎀⎁්‍āļē āļ´්‍āļģāļ ාāļģāļĢāļē āļē⎄āļ´āļ­් āļŊෙ⎃ āļ‰āļļේāļ¸ āļ¸ෙāļą් ⎃ිāļ¯ු ⎀ේ.

āļ…āļ°්‍āļēාāļ´āļąāļē ⎃āļ¸්āļļāļą්āļ°āļēෙāļą් āļ¯āļš්⎀āļą āļ‹āļąāļą්āļ¯ු⎀ āļ‹āļ­්⎃ා⎄āļē āļ¸āļ­ āļ­āļ¸ āļļāļŊාāļ´ොāļģොāļ­්āļ­ු ⎀ූ āļ‰āļŊāļš්āļš āļšāļģා āļēෑāļ¸āļ§ āļ…āˇ€āˇƒ්āļŽා⎀ āļ‡āļ­. ⎀ි⎀ිāļ° āļ´ොāļ­්āļ´āļ­් āļ‡āˇƒුāļģු āļšිāļģීāļ¸ෙāļą් āļļො⎄ෝ āļ¯ැāļąුāļ¸ āļŊāļļා āļœāļą්āļąා āļšාāļŊāļēāļšි. āļ­āļģāļŸ āˇ€ිāļˇාāļœාāļ¯ීāļēāļ§ āļēෑāļ¸āļ§ āļ´්‍āļģāļŽāāļļුāļ¯්āļ°ිāļ¸āļ­ුāļą්āļœේ āˇƒāˇ„āļēෝāļœāļēෙāļą් āˇƒāˇ„ āļšාāļģුāļĢිāļš āļœුāļģු āļ‹āļ´āļ¯ේ⎁āļēāļą් āļ¸āļœිāļą් āļ”āļļේ āļĸāļēāļœ්‍āļģ⎄āļĢ āļ­āˇ„⎀ුāļģු āļšāļģ āļœāļ­ āˇ„ැāļšිāļē. 

āļ¯āļą්āļ­, ⎀ිāļ¯ුāļģුāļ¸āˇƒ් āˇƒāˇ„ āļ āļģ්ā āļģෝāāļ‹āļ­්⎃āļą්āļą āˇ€ිāļē ⎄ැāļšි āļļැ⎀ිāļą් āļšāļŊ්āļ´āļąාāļšාāļģී⎀ āļ‰āļą් āļ¸ිāļ¯ීāļ¸āļ§ āļšāļ§āļēුāļ­ු āļšිāļģීāļ¸ āˇƒුāļ¯ු⎃ුāļē.  āļ‹āļ´āļ­ේāļ¯ී ⎃āļŗු ⎃ිāļ§ිāļą āļ­ැāļą āļ…āļąු⎀ āļ¸ෙāļ¸ āļ´්‍āļģāļŽිāļ´āļŊ āļ…āļŠු⎀ැāļŠි ⎀āļą āļļ⎀ ⎃ැ⎅āļšිāļē āļēුāļ­ුāļē.

āļĸāļē āļ…ංāļš - 3, 7
⎁ුāļˇ āļ¯ිāļą -  āļļ්‍āļģāˇ„āˇƒ්āļ´āļ­ිāļą්āļ¯ා, ⎃ිāļšුāļģාāļ¯ා
⎁ුāļˇ āˇ€āļģ්āļĢ - āļąිāļŊ් , ⎃ුāļ¯ු

āļ¸āļšāļģ āļŊāļœ්āļą āļ´āļŊාāļ´āļŊ - āļ”āļš්āļ­ෝāļļāļģ් 2015

āļ¸āļšāļģ

āļ­āļ¸ āļšāļ§āļēුāļ­ු ⎃ාāļģ්āļŽāļš āļšāļģ āļœැāļąීāļ¸āļ§ āļšැāļ´āˇ€ීāļ¸ āļ‹āļąāļą්āļ¯ු⎀ āˇƒāˇ„ āļ‹āļ­්⎃ා⎄āļē āļąොāļ¸āļ¯āˇ€ āļ…⎀ැ⎃ිāļē. āļ´āˇ€ුāļŊේ āļĨාāļ­ීāļą් āļ…āļ­āļģ ⎃ු⎄āļ¯āļ­ා⎀āļē āļ´āˇ…ුāļ¯ු⎀ීāļ¸āļ§. āļģැāļšිāļēා⎀ේ ⎃්āļŽාāļą āļ¸ාāļģු⎀ීāļ¸්. āļ…āļ°්‍āļēාāļ´āļą āˇƒāļĩāļŊāļ­්⎀āļē. āļŊේ āļ¯ූ⎂්‍āļē āļģෝāļœ āļ‡āļ­ි ⎀ේ.


āļ¸āļšāļģ āļŊāļœ්āļą āˇ„ිāļ¸ිāļēāļą්āļœේ āļ”āļš්āļ­ෝāļļāļģ් āļ¸āˇƒ āļœ්‍āļģ⎄āļ ාāļģāļē āļ…āļąු⎀ āļļāļŊාāļ´ොāļģොāļ­්āļ­ු āļ‰āļ§ුāļšāļģ āļœැāļąීāļ¸āļ§ āļ­āļģāļ¸āļš් ⎀ෙ⎄ෙ⎃ ⎀ිāļē āļēුāļ­ු āļļ⎀ āļšි⎀ ⎄ැāļšිāļē. āļ¸ෙāļ¸ āļœ්‍āļģ⎄āļ ාāļģāļē āļ…āļąු⎀ āļēෝāļœāļšාāļģāļš āˇƒිāļšුāļģු āļ…āļ§āˇ€ැāļą්āļąේ ⎀ිāļ¸ āļ¸āļšāļģ āļŊāļœ්āļą āˇ„ිāļ¸ිāļēāļą්āļ§ āļļāļŊ⎀āļ­් āļ…⎀ා⎃ිāļēāļšි. āļŊāļœ්āļąාāļ°ිāļ´āļ­ි ⎁āļąි ⎃āļ­ුāļģු ⎃්āļŽාāļąāļœāļ­āļē ⎀ු⎀āļ­් āļ…āļē⎃්āļŽාāļąāļēේ ⎃ිāļ§ීāļ¸ āļēෝāļœ්‍āļēāļē ⎀ේ. āļˇාāļœ්‍āļē⎃්āļŽාāļąාāļ°ිāļ´āļ­ි āļļුāļ° āļąāˇ€āˇ€ැāļą්āļąේāļ­් āˇƒ්⎀āļ‹āļ ්āļ  āˇ€āļą āļœෝāļ āļģāļē āļē⎄āļ´āļ­ි. āļ¸ේ āļ…āļąු⎀ āļ¸āļšāļģ āļŊāļœ්āļą āˇ„ිāļ¸ිāļēāļą්āļ§ āļ¸ෙāļ¸ āļ¸ා⎃āļēේāļ¯ීāļ­් āļ­āļ¸ āļœෙāļ¯āļģ āļ¯ොāļģ āļšāļ§āļēුāļ­ු⎀āļŊ ⎃ාāļ¸āļē ⎃āļ¸ාāļ¯ාāļąāļē āļ´āˇ€āļ­්⎀ා āļœැāļąීāļ¸ āˇ€ෙāļąු⎀ෙāļą් āļ‹āļąāļą්āļ¯ු ⎀ිāļē āļēුāļ­ුāļē. āļ´āˇ€ුāļŊේ āļĨාāļ­ීāļą් āļ…āļ­āļģ ⎃ු⎄āļ¯āļ­ා⎀āļē āļģැāļš āļœැāļąීāļ¸āļ§ āļ¸āˇ„āļ­් āļ´āļģි⎁්‍āļģāļ¸āļēāļš් āļ¯ැāļģීāļ¸ෙāļą් āļ´āˇƒු ⎄ැāļšි ⎀āļąු āļ‡āļ­. āļ­āļģුāļĢ āļ­āļģුāļĢිāļēāļą්āļ§ āļ¸ංāļœāļŊ āļēෝāļĸāļąා āļ¸ෙāļą්āļ¸ āļē⎄āļ´āļ­් āļ…āļąාāļœāļ­ āˇƒāˇ„āļšāļģු ⎄ෝ āˇƒāˇ„āļšාāļģිāļēāļš āˇƒොāļēා āļœැāļąීāļ¸ේ ⎀ා⎃āļąා⎀ āļ‡āļ­.

āļģැāļšිāļēා āļšāļ§āļēුāļ­ු ⎀ෙāļąු⎀ෙāļą් ⎀ෙāļąāļ¯ාāļ§ āˇ€āļŠා ⎀ෙ⎄ෙ⎃ āļ¸āˇ„āļą්⎃ි ⎀ිāļē āļēුāļ­ු āļ…āļ­āļģ āļļො⎄ෝ⎀ිāļ§ āļ¸ාāļąāˇƒිāļš āˇƒāˇ„āļąāļē āļ…⎀āļ¸ āˇ€āļąු āļ‡āļ­. āļģැāļšිāļēා⎀ේ ⎃්āļŽාāļą āļ¸ාāļģු āļ…āļ´ේāļš්⎂ා āļšāļŊ āļ…āļēāļ§ āļ­āļ¸ āļ…āļ¯āˇ„āˇƒ් āļ¸ුāļ¯ුāļą්āļ´āļ­් āļšāļģ āļœැāļąීāļ¸āļ§ āˇ„ැāļšි ⎀ේ. ⎀්‍āļēාāļ´ාāļģ ⎀ෙāļąු⎀ෙāļą් ⎀ෙ⎄ෙ⎃ීāļ¸āļ§ āˇƒිāļ¯ු⎀ෙāļą āļąāļ¸ුāļ­් āļ¸āļšāļģ āļŊāļœ්āļą āˇ„āļ¸ිāļēāļą්āļ§ āļ­āļ¸ āˇ€්‍āļēාāļ´ාāļģ āļąāˇ€ āļ¸ා⎀āļ­āļš් āļšāļģා āļœෙāļą āļēාāļ¸āļ§ āˇ„ැāļšි⎀ේ. āļ´ො⎅ො⎀ āļ†āˇ්‍āļģිāļ­ āˇ€්‍āļēාāļ´ාāļģ āļšāļģāļą āļ¸āļšāļģ āļŊāļœ්āļą āˇ„ිāļ¸ිāļēāļą්āļœේ ⎀āļēාāļ´ාāļģ āļļො⎄ෝ āļ¯ිāļēුāļąු ⎀āļą āļ…āļ­āļģ ⎀ි⎁ේ⎂ āļŊාāļˇ āļŊැāļļීāļ¸්āļ¯ āļļāļŊාāļ´ොāļģොāļ­්āļ­ු ⎀ිāļē ⎄ැāļšිāļē.

āļ…āļ°්‍āļēාāļ´āļąāļē āļšāļ§āļēුāļ­ු āļ­ුāļŊිāļą් āļ­āļ¸āļą්āļœේ āļ…āļąාāļœāļ­ āļ‰āļŊāļš්āļš āˇƒāļ´ුāļģාāļœāļ­ āˇ„ැāļšි ⎀āļą āˇƒේ āļšāļ§āļēුāļ­ු āļšිāļģිāļ¸āļ§ āļ‰āļŠ āˇƒැāˇ…āˇƒේ. āļąāˇ€ ⎀ි⎂āļē āļ°ාāļģා⎀āļą් āļšෙāļģේ ⎃ිāļ­් āļ‡āļ¯ී āļēāļēි. āļ´āļģිāļœāļĢāļš, āļ‰ංāļĸිāļąේāļģු, āļąāˇ€ āļ­ාāļš්⎂āļĢිāļš āˇƒāˇ„ āļ‹āˇƒāˇƒ් āļšāˇ…āļ¸āļĢාāļšාāļģ āļ…āļ°්‍āļēාāļ´āļą āˇ„āļ¯ාāļģāļą āļ…āļēāļœේ āļ¯āļš්⎂āļ­ා āļ‰āˇƒ්āļ¸āļ­ු ⎀ේ.

āļŊේ āļ¯ූ⎂්‍āļē ⎀ීāļ¸් āˇƒāˇ„ āļ´āļ´ු⎀ේ ⎃ෙāļ¸්āļœāļ­ි āˇƒāˇ„ිāļ­ ‍āļģෝāļœāˇ€āļŊāļ§ āļ¸ු⎄ුāļĢ āļ¯ීāļ¸āļ§ āļ‰āļŠ āļ­ිāļļෙāļą āļļැ⎀ිāļą් āļ‰āļą් āļ¸ිāļ¯ීāļ¸āļ§ āļšāļ§āļēුāļ­ු āļšිāļģීāļ¸ āˇƒුāļ¯ු⎃ුāļē.

āļĸāļē āļ…ංāļš - 4, 8
⎁ුāļˇ āļ¯ිāļą -  āˇƒāļŗුāļ¯ා, āļļāļ¯ාāļ¯ා
⎁ුāļˇ āˇ€āļģ්āļĢ - āļąිāļŊ්, āļ¯ුāļšුāļģු, 

Monday, October 5, 2015

āļ°āļąු āļŊāļœ්āļą āļ´āļŊාāļ´āļŊ - āļ”āļš්āļ­ෝāļļāļģ් 2015

āļ°āļąු

āļļāļŊාāļ´ොāļģොāļ­්āļ­ු āļģැ⎃āļš් āļ‰āļ§ුāļšāļģ āļœැāļąීāļ¸āļ§ āļˇාāļœ්‍āļē. āļļුāļ¯්āļ°ිāļ¸āļ­් ⎃āļ¸ාāļĸ āļ‡āˇƒුāļģ, āļ‡āˇƒුāļģු āļšāļģāļą්āļąāļą්āļœෙāļą් āļ´ැ⎃⎃ුāļ¸්. āļģැāļšිāļēා⎀ේ ⎀āļģ්āļ°āļąāļēāļš් āˇƒāˇ„ ⎃ොāļŗුāļģු āļ¸ාāļąāˇƒිāļšāļ­්⎀āļēāļš්. āļąāˇ€ ⎀ි⎂āļē āļ°ාāļģා⎀āļą් āļœැāļšුāļģිāļą් āļ‰āļœෙāļą āļœැāļąීāļ¸āļ§ āˇƒුāļ¯ු⎃ු āļšාāļŊāļēāļšි.


āļ°āļąු āļŊāļœ්āļą āˇ„ිāļ¸ිāļēāļą්āļœේ āļ”āļš්āļ­ෝāļļāļģ් āļ¸āˇƒ āļœ්‍āļģ⎄āļ ාāļģāļē āļ…āļąු⎀ āļļāļŊාāļ´ොāļģොāļ­්āļ­ු āļģැ⎃āļš් āļ‰āļ§ුāļšāļģ āļœැāļąීāļ¸āļ§ āļŊැāļļෙāļą āļļ⎀ āļšි⎀ ⎄ැāļšිāļē. āļ´්‍āļģāļ°ාāļą āļēෝāļœāļšාāļģāļšāļēāļą් ⎀āļą āļģ⎀ි āˇƒāˇ„ āļļුāļ° āļģැāļšිāļēා⎃්āļŽාāļąāļē ⎀ූ āļ¯āˇ„⎀ැāļą්āļąේāļ­්, āļŊāļœ්āļąාāļ°ිāļ´āļ­ි āļœුāļģු āļˇාāļœ්‍āļē⎃්āļŽාāļąāļē ⎀āļą āļąāˇ€āˇ€ැāļą්āļąේāļ­් āļœෝāļ āļģāļē ⎀ීāļ¸ āļ¸ෙāļēāļ§ āˇ„ේāļ­ු⎀āļēි. āļ¸ේ āļ…āļąු⎀ āļ°āļąු āļŊāļœ්āļą āˇ„ිāļ¸ිāļēāļą්āļ§ āļ¸ෙāļ¸ āļ¸ා⎃āļēේāļ¯ීāļ­් āļ­āļ¸ āļœෙāļ¯āļģ āļ¯ොāļģ āļšāļ§āļēුāļ­ු ⎃ාāļ¸āļšාāļ¸ී⎀ ⎃ු⎄āļ¯āˇ€ āļ‹āļ¯āˇ€් āļ‹āļ´āļšාāļģැāļ­ි⎀ āˇƒāˇ„ āļ´āļģිāļ­්‍āļēාāļœāˇීāļŊී⎀ āļēුāļ­ුāļšāļ¸් āļŊෙ⎃  āļ‰āļ§ු āļšිāļģීāļ¸āļ§ āļ…āˇ€āˇƒ්āļŽා⎀ āļŊැāļļෙāļąු āļ‡āļ­.  āļ‹āˇƒāˇƒ් āļļුāļ¯්āļ°ිāļ¸āļ­් ⎃āļ¸ාāļĸ āļ‡āˇƒුāļģ āˇƒāˇ„ āļ‡āˇƒුāļģු āļšāļģāļą්āļąāļą් āļ…āļ­āļģ āļšැāļ´ී āļ´ෙāļąෙāļą āļ­āļ­්⎀āļēāļš් āļ‡āļ­. ⎀ි⎀ා⎄ āļ…āļ´ේāļš්⎂āļšāļēāļą්āļ§ āļē⎄āļ´āļ­් āļ¸ංāļœāļŊ āļēෝāļĸāļąා, ⎀ි⎀ා⎄āļšāļēāļą් āļ…āļ­āļģ āļ´්‍āļģීāļ­ිāļ¸āļ­් āļēුāļœāļ¯ි⎀ි ⎃ැāļ´āļ­ āˇƒāˇ„ āļ¯āļģු⎀āļą් āļ…āļ´ේāļš්⎂ා āļšāļģāļą āļ…āļēāļ§ āļē⎄āļ´āļ­් āļ¯āļģු⎀āļą් āļŊැāļļීāļ¸ේ āļˇාāļœ්‍āļē āļ¯ āļ‡āļ­. 

āļģැāļšිāļēා ⎃්āļŽාāļąāļē ⎀ූ āļ¯āˇƒāˇ€ැāļą්āļą āˇƒāˇ„ āļąāˇ€ ⎀ැāļą්āļąේ āļ‹āļ´āļģිāļ¸ āļœ්‍āļģ⎄ ⎁āļš්āļ­ිāļē āļ‡āļ­ි āļļැ⎀ිāļą් āļģැāļšිāļēා āˇƒāˇ„ ⎀්‍āļēාāļ´ාāļģ ⎃āļ¸්āļļāļą්āļ° āˇƒිāļē⎅ු āļšāļ§āļēුāļ­ු āļ‰āļ­ා ⎃ාāļģ්āļŽāļš āļŊෙ⎃ ⎃ිāļ¯ු⎀āļą āļļ⎀ āļ´ැāˇ€āˇƒිāļē āļēුāļ­ුāļē. āļģැāļšිāļēා āļ´්‍āļģāļ°ාāļąීāļą්āļœේ āļ´්‍āļģ⎁ං⎃ා⎀ āļ¸ෙāļą්āļ¸ āˇ€්‍āļēාāļ´ාāļģ⎀āļŊ āļĸāļąāļ´්‍āļģිāļēāļ­්⎀āļēāļ¯ āļ‡āļ­ි ⎀ේ. āļąāˇ€ āļģැāļšිāļēා āˇƒāˇ„ ⎀ිāļ¯ේ⎁ āļģැāļšිāļēා āļ…āļ´ේāļš්⎂āļšāļēāļą්āļ§ āļ‘āļ¸ āļ…āˇ€āˇƒ්āļŽා⎀āļą් āļŊැāļļෙāļą āļļ⎀āļ­් āļ­āļ¸ āļ¯āļš්⎂āļ­ා āˇƒāˇ„ ⎃ුāļ¯ු⎃ුāļšāļ¸්⎀āļŊāļ§ āˇ„ිāļ¸ි ⎀ි⎄ේ⎂ ⎀ැāļ§ුāļ´් āˇƒāˇ„ ⎀āļģāļ´්‍āļģ⎃ාāļ¯ āļ¯ āˇ„ිāļ¸ිāļē.

āļ´ා⎃āļŊ් āļ…āļ°්‍āļēාāļ´āļąāļē, āļ‹āˇƒāˇƒ් āļ…āļ°්‍āļēාāļ´āļąāļē āˇƒāˇ„ ⎀ෘāļ­්āļ­ීāļē āļ…āļ°්‍āļēාāļ´āļąāļē āļēāļą āˇƒිāļēāļŊුāļ¸ āļ…ං⎁⎀āļŊāļ¯ී āļ¯āļš්⎂āļ­ා āļ´ෙāļą්⎀ීāļ¸āļ§ āļ°āļąු āļŊāļœ්āļą āˇ„ිāļ¸ිāļēāļą්āļ§ āļ…āˇ€āˇƒ්āļŽා⎀ āļŊැāļļෙāļąු āļ‡āļ­. āļ­āļģāļŸ āˇ€ිāļˇාāļœාāļ¯ීāļē ⎄ොāļŗිāļą් ⎃āļ¸āļ­්⎀ීāļ¸āļ§ āļ¸ෙāļą්āļ¸,  āļœැāļšුāļģු ⎀ි⎂āļēāļēāļą් āļļුāļ¯්āļ°ිāļ¸āļ­්⎀ āļ‰āļœෙāļąීāļ¸āļ§āļ­්, āļ­āļ¸ āļ¯ැāļąුāļ¸ āˇƒāˇ„ āļšුāˇƒāˇ…āļ­ා āļ‘⎅ීāļ¯ැāļš්⎀ීāļ¸āļ§āļ­් ⎀ාāļģ්āļŽාāļœāļ­ āļĸāļēāļœ්‍āļģ⎄āļĢ āļ…āļ­්āļ´āļ­් āļšāļģ āļœැāļąීāļ¸āļ§āļ­්, āˇ€ිāļ¯ෙ⎃් āļ…āļ°්‍āļēාāļ´āļąāļēāļ­්  āļ¸ෙāļē ⎃ුāļ¯ු⎃ු āļšාāļŊāļēāļšි.  

āļ´ාāļ¯āˇ€āļŊ āļ†āļļාāļ°, āļŊේ āļ¯ූ⎂්‍āļē ⎀ීāļ¸් āˇƒāˇ„ āļ´āļ´ු⎀ේ ⎃ෙāļ¸්āļœāļ­ි āˇƒāˇ„ිāļ­ ‍āļģෝāļœāˇ€āļŊāļ§ āļ¸ු⎄ුāļĢ āļ¯ීāļ¸āļ§ āļ‰āļŠ āļ­ිāļļෙāļą āļļැ⎀ිāļą් āļ‰āļą් āļ¸ිāļ¯ීāļ¸āļ§ āļšāļ§āļēුāļ­ු āļšිāļģීāļ¸ āˇƒුāļ¯ු⎃ුāļē.

āļĸāļē āļ…ංāļš - 5, 9
⎁ුāļˇ āļ¯ිāļą -  āˇƒāļŗුāļ¯ා, āļļ්‍āļģāˇ„āˇƒ්āļ´āļ­ිāļą්āļ¯ා
⎁ුāļˇ āˇ€āļģ්āļĢ - āļšāˇ„, āļģāļą්⎀āļą්, āļąිāļŊ්

Saturday, October 3, 2015

⎀ෘ⎁්āļ ිāļš āļŊāļœ්āļą āļ´āļŊාāļ´āļŊ - āļ”āļš්āļ­ෝāļļāļģ් 2015

⎀ෘ⎁්āļ ිāļš

⎁ුāļˇāļ´āļŊ āļ…āļ°ිāļšāˇ€ āļ…āļ­්āļ´āļ­් āļšāļģ āļ­ැāļąීāļ¸āļ§ āļˇාāļœ්‍āļē āļ‡āļ­. āļœෙāļ¯āļģāļ¯ොāļģ ⎃ාāļ¸āļē āļ´āˇ€āļ­්⎀ා āļœāļąී. ⎀ිāļ¯ේ⎁ ⎃āļ¸්āļļāļą්āļ° āļšāļ§āļēුāļ­ු⎀āļŊāļ§ āļēොāļ¸ු⎀ීāļ¸āļ§ āˇ„ෝ āļ’⎀ා āļ¯ිāļēුāļĢු⎀āļ§ āļ¸āļœ āļ´ෑāļ¯ේ. āļģැāļšිāļēා⎀ේ ⎄ෝ ⎀්‍āļēාāļ´ාāļģāļēේ āļšැāļ´ී āļ´ෙāļąෙāļą āļ¯ිāļēුāļĢු⎀āļš් āļ…āļ­්āļšāļģ āļœāļąී.


⎀ෘ⎁්āļ ිāļš āļŊāļœ්āļą āˇ„ිāļ¸ිāļēāļą්āļœේ āļ”āļš්āļ­ෝāļļāļģ් āļ¸āˇƒ āļœ්‍āļģ⎄āļ ාāļģāļē āļ…āļąු⎀ ⎁ුāļˇ āļĩāļŊ āļģැ⎃āļš් āļŊැāļļෙāļą āļļ⎀ āļšි⎀ ⎄ැāļšිāļē.  āļ´්‍āļģāļ°ාāļą āļēෝāļœāļšාāļģāļš āļœුāļģු āˇƒāˇ„ ⎃āļŗු āļšේāļą්āļ¯්‍āļģ⎃්āļŽාāļąāˇ€āļŊāļ¯, ⎁ුāļˇ āļœ්‍āļģ⎄āļēෙāļšු ⎀āļą āļģ⎀ි āļ…āļē⎃්āļŽාāļąāļē ⎀ූ āļ‘āļšො⎅ො⎃්⎀ැāļą්āļąේ āļœෝāļ āļģāļē ⎀ීāļ¸ āļ¸āļœිāļą් ⎃ාāļģ්āļŽāļš āļ´්‍āļģāļŽිāļ´āļŊ āļŊැāļļෙāļąු āļ‡āļ­. āļ…āļē⎃්āļŽාāļąාāļ°ිāļ´āļ­ි āļļුāļ° āˇƒ්⎀ āļ‹āļ ්āļ āˇ€ āļ…āļē⎃්āļŽාāļąāļēේāļ¸ āˇƒිāļ§ිāļą āļ…āļ­āļģ āļ°āļąāˇƒ්āļŽාāļąාāļ°ිāļ´āļ­ි āļœුāļģු āļģැāļšිāļēා⎃්āļŽාāļąāļēේ ⎃ැāļģි⎃āļģāļēි. ⎃āļŗු ⎀ෘ⎂āļˇāļēේ āļ‹āļ ්āļ āˇ€ āļ¸ා⎃āļē āļ†āļģāļ¸්āļˇ āˇ€āļą āļ…āļ­āļģ āļœෙāļ¯āļģāļ¯ොāļģ āļšāļ§āļēුāļ­ු āļ´āˇ€ුāļŊේ ⎃āļ¸āļœිāļē āˇƒāˇ„ āļ¯ිāļēුāļĢු⎀āļ§ āļ‘āļē ⎁ුāļˇ āļŊāļšුāļĢāļšි. ⎀ි⎀ා⎄ ⎀ීāļ¸āļ§ āļļāļŊාāļ´ොāļģොāļ­්āļ­ු ⎀āļą āļ­āļģුāļĢ āļšāļģුāļĢිāļēāļą්āļ§ āļē⎄āļ´āļ­් āļ¸ංāļœāļŊ āļēෝāļĸāļąා āļ¸ෙāļą්āļ¸ āļ‹āļģුāļ¸ āļ¯ේāļ´āļŊ āˇ€āˇƒ්āļ­ු⎀ ⎄ිāļ¸ි āˇƒāˇ„āļšāļģු⎀ෙāļšු āˇƒāˇ„āļšාāļģිāļēෙāļšු āļŊැāļļීāļ¸ේ āļˇාāļœ්‍āļē ⎄ිāļ¸ිāļē. āļ¸ෙāļē ⎀ෘ⎁්āļ ිāļš āļŊāļœ්āļą āˇ„ිāļ¸ිāļēāļą්āļ§ āļ…āļ°ිāļš āˇුāļˇāļĩāļŊ āˇƒāˇ„ිāļ­ āļœ්‍āļģ⎄ āļœāļ¸āļąāļšි. 

āļģැāļšිāļēා ⎃්āļŽාāļąāļē ⎄ිāļ­āļšāļģ āļ´āļģි⎃āļģāļēāļšි. āļ­āļ¸ āļ‹āļąāļą්āļ¯ු⎀ āļ‹āļ­්⎃ා⎄āļē āļąිāļ­ැāļ­ිāļą්āļ¸ āļ‡āļ­ි ⎀ී āļ´්‍āļģāļ°ාāļąීāļą්āļœේ āļœෞāļģ⎀ාāļ¯āļģāļēāļ§ āļ´āļ­්⎀ී ⎀ි⎀ිāļ° āˇ€āļģāļ´්‍āļģ⎃ාāļ¯ āˇƒāˇ„ āļ´ැ⎃⎃ුāļ¸් āļŊැāļļීāļ¸āļ§ āļąිāļēāļ¸ිāļ­āļē. ⎀්‍āļēාāļ´ාāļģ āļš්⎂ේāļ­්‍āļģෙāļē් āļēෙāļ¯ී ⎃ිāļ§ිāļą āˇ€ෘ⎁්āļ ිāļš āļŊāļœ්āļą āˇ„ිāļ¸ිāļēāļą් āļ­āļ¸ āˇ€්‍āļēාāļ´ාāļģ āļšැāļ´āļšිāļģීāļ¸ෙāļą් āļēුāļ­ු⎀ āļš්‍āļģāļ¸āˇ€āļ­්⎀ āļ´āˇ€āļ­්⎀ා āļœෙāļą āļēෑāļ¸āļ­් ⎄ොāļŗ āļ†āļ¯ාāļēāļ¸් āļŊැāļļීāļ¸āļ­් āļ´ෙāļą්āļąුāļ¸් āļšෙāļģේ. āļ­ැāļą්āļ´āļ­් āļ°āļąāļēේ ⎀āļģ්āļ°āļąāļēāļš් āļ¯ැāļšිāļē ⎄ැāļšි āļ…āļ­āļģ āļ…āļ­්‍āļēා⎀⎁්‍āļē āļ¯ේ⎀āļŊ් āļ‹āļ¯ෙ⎃ා āˇƒāˇ„ āļąāˇ€ āļ†āļēෝāļĸāļą āļšෙāļģෙ⎄ි ⎃ිāļ­ āļēොāļ¸ු āļšāļģāļąු āļ‡āļ­.

āļ…āļ°්‍āļēාāļ´āļąāļē āļ´ි⎅ිāļļāļŗāˇ€ āļ­āļ¸ āļšāļ§āļēුāļ­ු ⎃ැāˇ…āˇƒුāļ¸් āļšිāļģීāļ¸ේāļ¯ී āļļො⎄ෝ⎀ිāļ§ āļšāļŊāļļāļŊāļšාāļģී āļļ⎀āļš් āļ´ෙāļą්āļąුāļ¸් āļšāļģāļą āļ…āļ­āļģ āļ‘āļē āļąි⎃ිāļēාāļšාāļģ⎀ āļšāļģāļ­ොāļ­් āļ…āļ°්‍āļēාāļ´āļąāļēේāļ¯ āˇ„ොāļŗ āļ´ිāļ¸්āļ¸āļš් āļ´ැāļąීāļ¸āļ§ āˇ„ැāļšි ⎀āļą āļœ්‍āļģ⎄ āļļāļŊāļēāļš් āļ‡āļ­.  āļąāļ¸ුāļ­් āļ­ීāļģāļĢ āļœැāļąීāļ¸ේāļ¯ී āļēāļ¸් āļ¯ුāļģ්⎀āļŊāļ­ා āļ‡āļ­ි⎀āļą āļļැ⎀ිāļą් āļąි⎀ැāļģāļ¯ි āļ­ීāļģāļĢ āļœැāļąීāļ¸āļ­් āļļුāļ¯්āļ°ිāļ¸āļ­් āˇƒāˇ„ āļšාāļģුāļĢිāļš āļœුāļģු⎀āļģුāļą්āļœේ āļ¸āļœ āļ´ෙāļą්⎀ීāļ¸ āˇƒāˇ„ āļ…⎀⎀ාāļ¯ āļ´ි⎅ිāļ´ැāļ¯ීāļ¸ āļ¸āļœිāļą් āļœැāļ§āļŊු āļ…⎀āļ¸ āļšāļģāļœැāļąීāļ¸āļ§ āˇ„ැāļšි ⎀ේ.

āļ‹āļ¯āļģාāļļාāļ° āˇƒāˇ„ ⎃ෙāļ¸් ‍āļģෝāļœāˇ€āļŊāļ§ āļ¸ු⎄ුāļĢ āļ¯ීāļ¸āļ§ āļ‰āļŠ āļ­ිāļļෙāļą āļļැ⎀ිāļą් āļ‰āļą් āļ¸ිāļ¯ීāļ¸āļ§ āļšāļ§āļēුāļ­ු āļšිāļģීāļ¸ āˇƒුāļ¯ු⎃ුāļē.

āļĸāļē āļ…ංāļš - 5, 7
⎁ුāļˇ āļ¯ිāļą -  āˇƒිāļšුāļģාāļ¯ා, āļļāļ¯ාāļ¯ා
⎁ුāļˇ āˇ€āļģ්āļĢ - āļąිāļŊ්, āļšāˇ„

āļ­ුāļŊා āļŊāļœ්āļą āļ´āļŊාāļ´āļŊ - āļ”āļš්āļ­ෝāļļāļģ් 2015

āļ­ුāļŊා

āļšāļŊ්āļ´āļąාāļšාāļģී⎀ āļ…⎀āļ°ාāļąāļ¸් āļšāļ§āļēුāļ­ු⎀āļŊිāļą් āļ¸āļœāˇ„ැāļģීāļ¸ āļąු⎀āļĢāļ§ āˇ„ුāļģුāļē. āļļාāļ°āļš āļ…āļˇිāļēෝāļœ āļ¸ැāļŠ āļļො⎄ෝ āļšāļ§āļēුāļ­ු ⎃āļ´āļŊ ⎀ේ. ⎄āļ¯ි⎃ි āļ°āļą āļŊාāļˇ, āļˇූāļ¸ි āļŊාāļˇ āˇƒāˇ„ āˇ€āˇƒ්āļ­ු āļŊාāļˇ āˇ„ිāļ¸ිāļē. ⎄āļ¯ි⎃ි āļ…āļąāļ­ුāļģු āˇƒāˇ„ āļ…āļ´āļ­්‍āļēāļšාāļģāļš āļ¯ෑ ⎀āļŊි⎀āļą් āļ¸āļœāˇ„āļģිāļą්āļą.

āļ­ුāļŊා āļŊāļœ්āļą āˇ„ිāļ¸ිāļēāļą්āļœේ āļ”āļš්āļ­ෝāļļāļģ් āļ¸āˇƒ āļœ්‍āļģ⎄āļ ාāļģāļē āļ…āļąු⎀ āļ‹āļ­්⎃ා⎄āļēෙāļą් ⎁ුāļˇ āļĩāļŊ āļąෙ⎅ාāļœāļ­ āļēුāļ­ු āļļ⎀ āļšි⎀ ⎄ැāļšිāļē.  āļēෝāļœāļšාāļģāļš āˇāļąි ⎀ෘ⎁්āļ ිāļšāļēේ ⎃āļ­ුāļģු āļģැ⎃āļš āˇ€ු⎀āļ­් āļ°āļąāˇƒ්āļŽාāļąāļē ⎀ූ āļ¯ෙ⎀ැāļą්āļąේ ⎃ිāļ§ීāļ¸āļ­්, āļŊāļœ්āļąාāļ°ිāļ´āļ­ි ⎃ිāļšුāļģු ⎃ිං⎄āļēේ āˇƒāļ­ුāļģු āļģැ⎃āļš āˇ€ු⎀āļ­් āļ…āļē⎃්āļŽාāļąāļēේ ⎃ිāļ§ීāļ¸āļ­්, āļ…āļ­ි⎁āļē ⎁ුāļˇ āļœ්‍āļģ⎄āļēෙāļšු ⎀āļą āļļුāļ° āˇ€ැāļē⎃්āļŽාāļąāļē ⎀ූ āļ¯ො⎅ො⎃්⎀ැāļą්āļąේ ⎃ිāļ§ීāļ¸āļ­් āļ¸ීāļ§ āļ´්‍āļģāļ°ාāļą āˇ„ේāļ­ු āļšාāļģāļĢා ⎀ේ.  āļ­āļ¸ āˇ€ැāļŠ āļšāļ§āļēුāļ­ු ⎃āļ¸්āļļāļą්āļ°āˇ€ āļ…āˇƒ්āļŽා⎀āļģ āļļ⎀āļš් āļ¯āļš්āļąāļ§ āļŊැāļļෙāļą āļ¸ුāļ­් āļ‹āļąāļą්āļ¯ු⎀ āļ‹āļ­්⎃ා⎄āļē āļ¸āļ­ āļēāļ¸් ⎃ාāļģ්āļŽāļšāļ­්⎀āļēāļš් āļ…āļ­්āļšāļģ āļœැāļąීāļ¸ේ āļ…āˇ€āˇƒ්āļŽා⎀ āļ‡āļ­. āļ°āļąāļšාāļģāļš āļœුāļģු āļ…āļē⎃්āļŽාāļąāļœāļ­āˇ€ ⎁āļš්āļ­ිāļ¸āļ­් āļšුāļĸ āˇƒāˇ„ āļŊāļœ්āļąාāļ°ිāļ´āļ­ිāļœේ āļ…āļąිāļēāļ¸් āļ‹āļ¯āˇ€්⎀ෙāļą් āļ†āļ¯ාāļēāļ¸් āļ¸ාāļģ්āļœ āļŊāļļා āļœāļ­ āˇ„ැāļšිāļē.  āļēෝāļœāļšාāļģāļš āˇāļąි āļ°āļąāˇƒ්āļŽාāļąāļēේ āļļැ⎀ිāļą් ⎄āļ¯ි⎃ි āļ°āļą āļŊාāļˇāļ¯ āļ´ෙāļą්āļąුāļ¸් āļšෙāļģේ. ⎀ිāļ¯ේ⎁āļœāļ­ āˇ€ීāļ¸āļ§ āˇƒිāļ­ු⎀ේ āļąāļ¸් āļ’ āˇƒāļŗāˇ„ා āļ…⎀āļšා⎁ āļ‡āļ­. āļ…⎀āļ°ාāļąāļ¸් āļšāļ§āļēුāļ­ු⎀āļŊිāļą් ⎀ි⎀ිāļ° āļ¯ු⎂්āļšāļģāļ­ා āļ´ැāļą āļąāļœිāļą āļļැ⎀ිāļą් āļ’⎀ාāļēිāļą් āļˆāļ­් ⎀ීāļ¸āļ§ āļąිāļ­āļģ ⎃ි⎄ි āļ­āļļා āļœāļ­ āļēුāļ­ු⎀ āļ‡āļ­. āˇ€ි⎀ා⎄ා āļ…āļ´ේāļš්⎂āļšāļēāļą්āļœේ āļ…āļģāļ¸ුāļĢු āļ¸ුāļ¯ුāļą්āļ´āļ­් ⎀ේ. 

āļģැāļšිāļēා āˇƒāˇ„ ⎀්‍āļēාāļ´ාāļģ⎀āļŊ ⎀ෙāļąāļ¯ාāļ§ āˇ€āļŠා ⎀ෙ⎄ෙ⎃ āļ¸āˇ„āļą්⎃ිāļēෙāļą් āļšāļ§āļēුāļ­ු āļšිāļģීāļ¸āļ§ āˇƒුāļ¯ු ⎀ේ. āļē⎄āļ´āļ­් āļ…āļēුāļģිāļą් āļšāļģāļœෙāļą āļœිāļēāļ¯ෑ āļēāļ¸් āļēāļ¸් āļ…āļēāļœේ āļ…āļēුāļ­ු āļļāļŊāļ´ෑāļ¸් āļ¸āļ°්‍āļēāļēේ āļ…⎀ුāļŊ් āˇƒāˇ„āļœāļ­ āļ­āļ­්⎀āļēāļ­් āļ‡āļ­ි ⎀ේ. āļ”āļļ ⎀ි⎃ිāļą් āļœāļą්āļąා āļ­ීāļą්āļ¯ු āļ­ීāļģāļĢ āļœැāļ§āļŊු āˇƒāˇ„āļœāļ­ āļ­āļ­්⎀āļēāļš් āļąිāļģ්āļ¸ාāļĢāļē ⎀ිāļē ⎄ැāļšි āļąි⎃ා ⎄ැāļ¸āˇ€ිāļ§āļ¸ āļšāļŊ්āļ´āļąාāļšාāļģී ⎀ිāļē āļēුāļ­ුāļē. āļ¯ැāļąāļ§ āˇ€ිāļ¯ේ⎁ ⎃āļ¸්āļļāļą්āļ° āļģැāļšිāļēා⎀āļŊ āļąිāļēුāļ­ු āļ…āļēāļœේ āļŊාāļˇාං⎁ āļ‰āˇ„⎅ āļēāļą āļ…āļ­āļģ āļ’ āˇ€ෙāļąු⎀ෙāļą් āļ…⎀⎁්‍āļē āļ´්‍āļģāļ ාāļģāļĢāļē āļē⎄āļ´āļ­් āļŊෙ⎃ āļ‰āļļේāļ¸ āļ¸ෙāļą් ⎃ිāļ¯ු ⎀ේ.

āļ…āļ°්‍āļēාāļ´āļąāļē ⎃āļ¸්āļļāļą්āļ°āļēෙāļą් āļ¯āļš්⎀āļą āļ‹āļąāļą්āļ¯ු⎀ āļ‹āļ­්⎃ා⎄āļē āļ¸āļ­ āļ­āļ¸ āļļāļŊාāļ´ොāļģොāļ­්āļ­ු ⎀ූ āļ‰āļŊāļš්āļš āļšāļģා āļēෑāļ¸āļ§ āļ…āˇ€āˇƒ්āļŽා⎀ āļ‡āļ­. ⎀ි⎀ිāļ° āļ´ොāļ­්āļ´āļ­් āļ‡āˇƒුāļģු āļšිāļģීāļ¸ෙāļą් āļļො⎄ෝ āļ¯ැāļąුāļ¸ āļŊāļļා āļœāļą්āļąා āļšාāļŊāļēāļšි. āļ­āļģāļŸ āˇ€ිāļˇාāļœාāļ¯ීāļēāļ§ āļēෑāļ¸āļ§ āļ´්‍āļģāļŽāāļļුāļ¯්āļ°ිāļ¸āļ­ුāļą්āļœේ āˇƒāˇ„āļēෝāļœāļēෙāļą් āˇƒāˇ„ āļšාāļģුāļĢිāļš āļœුāļģු āļ‹āļ´āļ¯ේ⎁āļēāļą් āļ¸āļœිāļą් āļ”āļļේ āļĸāļēāļœ්‍āļģ⎄āļĢ āļ­āˇ„⎀ුāļģු āļšāļģ āļœāļ­ āˇ„ැāļšිāļē. 

āļ¯āļą්āļ­, ⎀ිāļ¯ුāļģුāļ¸āˇƒ් āˇƒāˇ„ āļ āļģ්ā āļģෝāāļ‹āļ­්⎃āļą්āļą āˇ€ිāļē ⎄ැāļšි āļ…āļ­āļģ ⎄āļ¯ි⎃ි āļ…āļąāļ­ුāļģු⎀āļŊāļ§ āļ¸ු⎄ුāļĢ āļ¯ීāļ¸āļ§ āļ‰āļŠ āļ­ිāļļෙāļą āļļැ⎀ිāļą් āļšāļŊ්āļ´āļąාāļšාāļģී⎀ āļ‰āļą් āļ¸ිāļ¯ීāļ¸āļ§ āļšāļ§āļēුāļ­ු āļšිāļģීāļ¸ āˇƒුāļ¯ු⎃ුāļē.  āļ‹āļ´āļ­ේāļ¯ී ⎃āļŗු ⎃ිāļ§ිāļą āļ­ැāļą āļ…āļąු⎀ āļ¸ෙāļ¸ āļ´්‍āļģāļŽිāļ´āļŊ āļ…āļŠු⎀ැāļŠි ⎀āļą āļļ⎀ ⎃ැ⎅āļšිāļē āļēුāļ­ුāļē.

āļĸāļē āļ…ංāļš - 3, 7
⎁ුāļˇ āļ¯ිāļą -  āļļ්‍āļģāˇ„āˇƒ්āļ´āļ­ිāļą්āļ¯ා, ⎃ිāļšුāļģාāļ¯ා
⎁ුāļˇ āˇ€āļģ්āļĢ - āļģāļ­ු, āļšāˇ„

āļšāļą්‍āļēා āļŊāļœ්āļą āļ´āļŊාāļ´āļŊ - āļ”āļš්āļ­ෝāļļāļģ් 2015

āļšāļą්‍āļēා

āļ†āļ¯ාāļēāļ¸් āļ­āļ­්⎀āļē, ⎀ිāļ¯ේ⎁ ⎃āļ¸්āļļāļą්āļ° āļšāļ§āļēුāļ­ු ⎃ාāļģ්āļŽāļš āˇ€ේ. ⎀ි⎀ිāļ° āļ…āļˇිāļēෝāļœ āļļාāļ°āļš āˇ„āļ¸ු⎀ේ ⎀ු⎀āļ­් āļļො⎄ෝ āļšāļ§āļēුāļ­ු āļ‰āļ§ුāļšāļģ āļœāļąී. āļģැāļšිāļēා⎀ේ āļ´ැ⎀āļ­ි āļļාāļ°ාāļšාāļģී āļ­āļ­්⎀āļēāļą් āļ´āˇ„⎀ āļēāļēි. āļąāˇ€ āļģැāļšිāļēා ⎃āļŗāˇ„ාāļ¯ āˇƒිāļ­ āļēොāļ¸ු ⎀ේ.

āļšāļą්‍āļēා āļŊāļœ්āļą āˇ„ිāļ¸ිāļēāļą්āļœේ āļ”āļš්āļ­ෝāļļāļģ් āļ¸āˇƒ āļœ්‍āļģ⎄āļ ාāļģāļē āļ…āļąු⎀ āļļාāļ°āļš āļ…⎀⎄ිāļģāļ­ා āļ¸āļ°්‍āļēāļēේ ⎀ු⎀āļ¯ āˇƒාāļģ්āļŽāļšāļ­්⎀āļēāļš් āļšāļģා āļ´ිāļēāļ¸ං āļšිāļģීāļ¸āļ§ āļˇාāļœ්‍āļē āļŊැāļļෙāļą āļļ⎀ āļšි⎀ ⎄ැāļšිāļē.  āļ´්‍āļģāļ°ාāļą āļēෝāļœāļšාāļģāļšāļēāļą් ⎀ූ āļļුāļ° āˇƒāˇ„ ⎃ිāļšුāļģු āļŊāļœ්āļąāļēේāļ­් āˇƒāˇ„ āļ¯ො⎅ො⎃ේ⎀ැāļą්āļąේāļ­් ⎀ීāļ¸ āļ¸ෙāļēāļ§ āˇ„ේāļ­ු⎀āļēි. āļąි⎀ෙ⎃ āļ­ුāļŊ ⎃ාāļ¸āļē ⎃āļ¸āļœිāļē āļ´āˇ€āļ­්⎀ා āļœැāļąීāļ¸āļ§ āļ­āļģāļ¸āļš් āļ‹āļąāļą්āļ¯ු ⎀ීāļ¸් āˇƒāˇ„ āļšැāļ´āļšිāļģීāļ¸් āļšිāļģීāļ¸āļ§ āˇƒිāļ¯ු⎀ āļ‡āļ­. āļ´āˇ€ුāļŊේ āļĨාāļ­ිāļēෙāļšුāļœෙāļą් ⎀ි⎁ේ⎂ āļ‹āļ´āļšාāļģāļēāļš් āļļāļŊාāļ´ොāļģොāļ­්āļ­ු ⎀ෙāļą්āļąේ āļąāļ¸් āļ‘āļē āļ‰āļ§ු āļšāļģ āļœැāļąීāļ¸āļ§ āļ¸ෙāļē ⎃ුāļ¯ු⎃ු ⎀ාāļ­ා⎀āļģāļĢāļēāļšි. ⎀ිāļ¯ෙ⎃්āļœāļ­ āļ…āļēෙāļšුāļœේ āļ‹āļ¯āˇ€් āļ‹āļ´āļšාāļģāļ¯ āˇ„ිāļ¸ි⎀āļą āļ…āļ­āļģ ⎀ිāļ¯ෙ⎃් āļœāļ¸āļą් āļļāļŊාāļ´ොāļģොāļ­්āļ­ු āļ…āļēāļ§ āļ­āļ¸ āļ…āļ¯āˇ„āˇƒ් āļ¸ුāļ¯ුāļą් āļ´āļ¸ුāļąු⎀ා āļœැāļąීāļ¸āļ§ āļ‹āļąāļą්āļ¯ු ⎀ීāļ¸ āļ¸āļœිāļą් āļŠāļ§ āļ…āˇ€āˇƒ්āļŽා⎀ ⎃ැāļŊ ⎃ේ. ⎀ි⎀ා⎄ ⎀ීāļ¸āļ§ āļ…āļ¯āˇ„āˇƒ් āļšāļģāļą āļ­āļģුāļĢ āļ­āļģුāļĢිāļēāļą්āļœේ āļ¸ංāļœāļŊ āļšāļ§āļēුāļ­ු ⎃ාāļģ්āļŽāļš āˇ€āļą āļ…āļ­āļģ āļ”⎀ුāļąāļ§ āˇƒුāļ¯ු⎃ු āļ¸ංāļœāļŊ āļēෝāļĸāļąා āˇƒāˇ„ āļ­āļ¸ āļ…āļ¯āˇ„āˇƒ් ⎄ා āļœැ⎅āļ´ෙāļą āˇƒāˇ„āļšāļģු⎀ෙāļšු āļŊැāļļෙāļą āļē⎄āļ´āļ­් āļšාāļŊāļēāļšි. āļąāļ¸ුāļ­් āļļො⎄ෝ āļ¯ේ ⎃āļŗāˇ„ා āļ‰āļš්āļ¸āļą් āļ­ීāļģāļĢ⎀āļŊāļ§ āļ‘⎅ැāļšිāļēāļ­් āļ¸ංāļœāļŊ āļšාāļģāļąා ⎃āļŗāˇ„ා āļ­āˇ€āļ¯ුāļģāļ§āļ­් āļ‹āļ¯ා⎃ීāļą āļˇා⎀āļēāļš් āļ¯āļš්⎀āļąු āļ´ෙāļąේ. āļ‘āļē āļģා⎄ු āļšේāļ­ුāļœෙු āļœෝāļ āļģāļē āļąි⎃ාāļē.

āļģැāļšිāļēා ⎃්āļŽාāļąāļē āˇƒāˇ„ āļģැāļšිāļēා āļšāļ§āļēුāļ­ු ⎃āļ­ුāļ§ුāļ¯ාāļēāļš āˇ€āļą āļ…āļ­āļģ āļ´ැ⎀āļ­ිāļēා ⎀ූ āļēāļ¸් āļēāļ¸් āļœැāļ§āļŊුāļšාāļģී āļ­āļ­්⎀āļēāļą් āļ´āˇ„⎀ āļēāļąු āļ‡āļ­. āļąāˇ€ āļģැāļšිāļēා āļœැāļą āļ‹āļąāļą්āļ¯ු⎀āļą āļ…āļēāļ§ āļąāˇ€ āļģැāļšිāļēාāļ­්, āļ¯ැāļąāļ§āļ¸āļ­් āļģැāļšිāļēා āļšāļģāļą āļ…āļēāļ§ āˇ€ි⎀ිāļ° āˇ€āļģāļ´්‍āļģ⎃ාāļ¯ āļ‹āļģුāļ¸ āļ…āļ­āļģ, ⎀්‍āļēාāļ´ාāļģිāļšāļēāļą්āļœේ āļšāļ§āļēුāļ­ු ⎀ි⎀ිāļ° āļ¯ු⎂්āļšāļģāļ­ා āļ¸āļ°්‍āļēāļēේ ⎀ු⎀āļ¯ āļĸāļēāļœ්‍āļģ⎄āļĢ āļšāļģා āļœෙāļąāļēාāļ¸āļ§ āļ…⎀⎁්‍āļē ⎀ාāļ­ා⎀āļģāļĢāļēāļ­් āļ‡āļ­. āļ‹āļąāļą්āļ¯ු⎀ āˇƒāˇ„ āļšැāļ´āˇ€ීāļ¸ āļ¸āļ­ āļ­āļ­්⎀āļē āļ‰āˇ„āļŊ āļ¯ා āļœāļ­ āˇ„ැāļšිāļē. ⎀ිāļ¯ෙ⎃් āļģැāļšිāļēා ⎄ෝ ⎀ිāļ¯ෙ⎃් āļ†āļ¯ාāļēāļ¸් ⎀ැāļŠිāļšāļģ āļœැāļąීāļ¸āļ§ āļ‰āļŠ āļŊැāļļෙāļą āļšාāļŊāļēāļš් āļļැ⎀ිāļą් āļ’ āˇƒāļŗāˇ„ා āļ‹āļąāļą්āļ¯ු ⎀āļą්āļą.

āļ…āļ°්‍āļēාāļ´āļąāļē āļšāļ§āļēුāļ­ු⎀āļŊāļ§ āˇ€ි⎀ිāļ° āļ…⎀⎄ිāļģāļ­ා āļļාāļ°āļš āļ‡āļ­āļ­් āļ°ෛāļģ්āļē ⎃āļ¸්āļ´āļą්āļąāˇ€ āļ‹āļąāļą්āļ¯ු⎀ෙāļą් āļšැāļ´āˇ€ීāļ¸ේāļą් āļ‰āļœෙāļąුāļ¸ āļŊāļļāļą āˇƒි⎃ු ⎃ි⎃ු⎀ිāļēāļą්āļ§ āļ‰āˇ„āļ­ āļļාāļ°āļš āļĸāļē āļœැāļąීāļ¸āļ§ āˇ„ැāļšිāļē. āļ´ා⎃āļŊ් āļ…āļ°්‍āļēාāļ´āļąāļē, āļ‹āˇƒāˇƒ් āļ…āļ°්‍āļēාāļ´āļąāļē āˇƒāˇ„ ⎀ෘāļ­්āļ­ීāļē āļ…āļ°්‍āļēාāļ´āļąāļē āļēāļą āļš්⎂ේāļ­්‍āļģ āļ­ුāļąāļ§āļ¸ āļ¸ෙāļē āļ´ොāļ¯ුāļē.

āļ āļģ්āļ¸ āļģෝāļœ, āļ´ිāļ­්āļ­ ‍āļģෝāļœāˇ€āļŊāļ§ āļ¸ු⎄ුāļĢ āļ¯ීāļ¸āļ§ āļ‰āļŠ āļ­ිāļļෙāļą āļļැ⎀ිāļą් āļ‰āļą් āļ¸ිāļ¯ීāļ¸āļ§ āļšāļ§āļēුāļ­ු āļšිāļģීāļ¸ āˇƒුāļ¯ු⎃ුāļē.

āļĸāļē āļ…ංāļš - 4, 7
⎁ුāļˇ āļ¯ිāļą -  āļļāļ¯ාāļ¯ා, ⎃ිāļšුāļģාāļ¯ා
⎁ුāļˇ āˇ€āļģ්āļĢ - āļąිāļŊ්, āļ¯ුāļšුāļģු

⎃ිං⎄ āļŊāļœ්āļą āļ´āļŊාāļ´āļŊ - āļ”āļš්āļ­ෝāļļāļģ් 2015

⎃ිං⎄

āļļāļŊාāļ´ොāļģොāļ­්āļ­ු āļģැ⎃āļš් āļ‰āļ§ුāļšāļģ āļœැāļąීāļ¸āļ§ āļˇාāļœ්‍āļē āļŊැāļļේ. āļ†āļģ්āļŽිāļš āˇ€ා⎃ි āļģැ⎃āļš් āļ…āļ­්āļ´āļ­් āļšāļģ āļœāļąී. āļ…āļ°āļēාāļ´āļą āļšāļ§āļēුāļ­ු ⎀ෙāļąු⎀ෙāļą් ⎀ෙ⎄ෙ⎃ේ. āļģැāļ­ිāļēා⎀ේ ⎀āļģāļ´්‍āļģ⎃ාāļ¯ āˇ„ිāļ¸ිāļšāļģ āļœāļąී. ⎀්‍āļēාāļ´ාāļģ ⎃ාāļģ්āļŽāļš āļŊෙ⎃ āļ´āļ¯ිāļģිāļēāļ§ āļ”āˇƒāˇ€ා āļ­ැāļļීāļ¸āļ§ āļ¯āļš්⎂ ⎀ේ. ⎀ිāļ¯ේ⎁ ⎄ිāļ­āˇ€āļ­ුāļą්āļœෙāļą් āļŊාāļˇ āļ´්‍āļģෙāļēා්āļĸāļą āļ‹āļģුāļ¸āļē. āļ´ෙāļĢ⎄āļŊු āļ†āˇ්‍āļģිāļ­ āļģෝāļœ āļ¸āļ­ු ⎀ේ.  


⎃ිං⎄ āļŊāļœ්āļą āˇ„ිāļ¸ිāļēāļą්āļœේ āļ”āļš්āļ­ෝāļļāļģ් āļ¸āˇƒ āļœ්‍āļģ⎄āļ ාāļģāļē āļ…āļąු⎀ ⎁ුāļˇ āļĩāļŊ āļŊැāļļෙāļą āļļ⎀ āļšි⎀ ⎄ැāļšිāļē.  āļ´්‍āļģāļ°ාāļą āˇුāļˇāļēෙāļšු āˇƒāˇ„ āļēෝāļœāļšාāļģāļš āļšුāļĸ āļŊāļœ්āļąāļēේāļē. āļ‘āļŠිāļ­āļģ ⎃ාāļĸු āļš්‍āļģිāļēාāļ¸ාāļģ්āļœ āļœāļąිāļ¸ිāļą් āļ­āļ¸ āˇƒ්āļŽා⎀āļģāļ­්⎀āļē āļģāļŗāļ¯ා āļœැāļąීāļ¸āļ§ āˇƒāļ¸āļ­් ⎀ේ. āļŊāļœ්āļąාāļ¯ිāļ´āļ­ි āļģ⎀ි āļ¯ෙ⎀ැāļą්āļąේ āļļැ⎀ිāļą් āļ¯āļš්⎂ āļšāļŽා⎀ āļ…āļą්‍āļēāļēāļą් āļ‰āļ¯ිāļģිāļēේ āļšැāļ´ී āļ´ෙāļąේ. āļ…āļąුāļą්āļœේ ⎃ිāļ­් āļģිāļ¯āˇ€āļą āļšāļŽා⎀āļ§ āļ‰āļŠ āļ‡āļ­ි āļļැ⎀ිāļą් āļ‘āļē āļ´ාāļŊāļąāļē āļšāļģ āļœැāļąීāļ¸āļ§ āļ…⎀⎁්‍āļēෙ⎀්. āˇƒිāļšුāļģු āļŊāļœ්āļąāļēේ ⎃ිāļ§ීāļ¸āļ­් āļšේāļ­ු āļ…āļ§āˇ€ැāļą්āļąේ ⎃ිāļ§ීāļ¸āļ­් āļģāˇ„āˇƒිāļą් āļ´ෙāļ¸් āļšිāļģීāļ¸āļ§ āˇ„ේāļ­ු ⎀ේ. āļĨාāļĢāļšාāļģāļšāļēෙāļšු ⎀ූ āļšේāļ­ු āļ…āļ§ āˇ€ැāļą්āļąේ ⎃ිāļ§ීāļ¸ āˇƒāˇ„ āļ¸ාāļģāļš āˇƒිāļšුāļģු āļŊāļœ්āļąāļēේ ⎃ිāļ§ීāļ¸ āļ…āļ°්‍āļēාāļ´āļą āļšāļ§āļēුāļ­ු⎀āļŊ āļąිāļģāļ­ āļ…āļēāļ§ āļ´්‍āļģāļˇāļŊ āļļාāļ°ා⎀āļšි.

āļģැāļšිāļēා ⎃්āļŽාāļąāļē ⎀ූ āļ¯āˇƒāˇ€ැāļą්āļąේ āļ¯ො⎅ො⎃් ⎀ැāļą්āļą āļ…āļ°ිāļ´āļ­ි ⎃āļŗු āļ­ැāļą්āļ´āļ­්⎀ āļ‡āļ­ි āļļැ⎀ිāļą් ⎀ිāļ¯ෙ⎃් ⎄ෝ āļ¯ුāļģāļļැ⎄ැāļģ āļģැāļšිāļēා āļ¸ෙāļą්āļ¸ āˇƒංāļ ාāļģāļš āļģැāļšිāļēා āļ¯ිāļēුāļĢු⎀āļ§ āļ¸āļœ āļ´ෑāļ¯ේ. āļąāˇ€ āļģැāļšිāļēා āˇƒāˇ„ ⎀ිāļ¯ෙ⎃් āļģැāļšිāļēා āļļāļŊාāļ´ො‍ෙāļģොāļ­්āļ­ු ⎀ූ⎀āļą්āļœේ āļ‘āļ¸ āļ…āļ¯āˇ„āˇƒ් āˇƒāˇ„ āļšāļ§āļēුāļ­ු ⎃āļĩāļŊ ⎀āļą āļļ⎀ āļ´ෙāļąේ. āļ‘āˇƒේāļ¸ āļģැāļšිāļēා ⎃්āļŽාāļąාāļ°ිāļ´āļ­ි ⎃ිāļšුāļģු āļŊāļœ්āļąāļēේ ⎃ිāļ§ිāļ¸ිāļą් āļģැāļšිāļēා āˇƒāˇ„ ⎀්‍āļēාāļ´ාāļģ āļš්⎂ේāļ­්‍āļģෙāļē් āļēāļ¸් āļ´්‍āļģāļœāļ­ිāļēāļš් āļ´ෙāļą්āļąුāļ¸් āļšāļģāļēි.  āļąāˇ€ āļ…āļēෝāļĸāļą āļ¸ෙāļą්āļ¸ āļ´āˇ€āļ­ිāļą āˇ€්‍āļēාāļ´ාāļģ⎀āļŊ āļąāˇ€ āļ…ං⎁⎀āļŊāļ§ āļ´ුāļŊුāļŊ් āļ´්‍āļģāļ ාāļģāļēāļš් āļŊāļļාāļ¯ීāļ¸āļ§ āˇƒිāļ­ා ⎃ිāļ§ිāļą āļ…āļēāļ§ āļ¸ෙāļē ⎃ුāļ¯ු⎃ු āļšාāļŊāļēāļšි. āļ‘āˇƒේāļ¸ āļģැāļšිāļēා⎀ෙāļą් āļ‹āļ´āļēāļą āļ¯ෑ āļ­ැāļą්āļ´āļ­් āļ°āļąāļēāļš් āļŊෙ⎃ āļ´āˇ€āļ­්⎀ාāļœෙāļą āļēෑāļ¸āļ§āļ­් āļ°āļąāˇƒ්āļŽාāļąāļēේ ⎃්⎀ āļ‹āļ ්āļ  āļļුāļ° āļ‹āļ´āļšාāļģී ⎀āļąු āļ‡āļ­.

āļ…āļ°්‍āļēාāļ´āļąāļē āˇƒāˇ„ āļ‹āˇƒāˇƒ් āļ…āļ°්‍āļēාāļ´āļąāļē āļąිāļēෝāļĸāļąāļē āļšāļģāļą āļœුāļģු āˇƒāˇ„ āļšුāļĸ āļŊāļœ්āļąāļēේ ⎃ිāļ§ිāļ¸ිāļą් āļ‘āļ¸ āļšāļŊාāļ´ āļ´ෝ⎂āļĢāļē āļšāļģāļą āļļැ⎀ිāļą් āļ…āļ°්‍āļēාāļ´āļąāļē āļŊāļļāļą āˇƒිං⎄ āļŊāļœ්āļą āˇ„ිāļ¸ිāļēāļą්āļœේ āļ…āļ°්‍āļēාāļ´āļąāļē ⎃ාāļģ්āļŽāļšāļ­්⎀āļē āˇƒāˇ„ āļ­āļģāļŸ āˇ€ිāļļාāļœාāļ¯ී āļĸāļē āļ­āˇ„⎀ුāļģු āļšāļģāļąු āļ‡āļ­. āļ¯ැāļąුāļ¸ āļļුāļ¯්āļ°ිāļē ⎀āļģ්āļ°āļąāļē ⎀āļą āļ´ොāļ­ āļ´āļ­ āļ´āļģි⎁ීāļŊāļąāļē āļ‹āˇƒāˇƒ් āļļුāļ¯්āļ°ිāļ¸āļ­් āļ…āļēāļœේ āļ‡āˇƒුāļģ āˇƒāˇ„ āļ”⎀ුāļą් āļ…āļąු⎀ āļēāļ¸ිāļą් āļšāļģāļą āļšāļ§āļēුāļ­ු āļĸී⎀ිāļ­āļēේ āļąොāļ¸ැāļšෙāļą āļĸāļēāļœ්‍āļģ⎄āļĢ āļšāļģා āļ…āļąාāļœāļ­āļē āļ”āˇƒāˇ€ා āļ­ැāļļීāļ¸āļ§ āˇƒāļ¸āļ­් ⎀ේ.

⎃ෙāļ¸් āļģෝāļœ āļ´ෙāļĢ⎄āļŊු āļ…ා⎁්‍āļģිāļ­ ‍āļģෝāļœāˇ€āļŊāļ§ āļ¸ු⎄ුāļĢ āļ¯ීāļ¸āļ§ āļ‰āļŠ āļ­ිāļļෙāļą āļļැ⎀ිāļą් āļ‰āļą් āļ¸ිāļ¯ීāļ¸āļ§ āļšāļ§āļēුāļ­ු āļšිāļģීāļ¸ āˇƒුāļ¯ු⎃ුāļē.

āļĸāļē āļ…ංāļš - 1, 5
⎁ුāļˇ āļ¯ිāļą -  āļļ්‍āļģāˇ„āˇƒ්āļ´āļ­ිāļą්āļ¯ා, ⎃ිāļšුāļģාāļ¯ා
⎁ුāļˇ āˇ€āļģ්āļĢ - āļģāļ­ු, āļģෝ⎃, āļ­ැāļšිāļŊි

āļšāļ§āļš āļŊāļœ්āļą āļ´āļŊාāļ´āļŊ - āļ”āļš්āļ­ෝāļļāļģ් 2015

āļšāļ§āļš

āļ†āļģ්āļŽිāļš āˇ€ා⎃ි ⎃ු⎀ි⎁ේ⎂ී āļĸāļēāļœ්‍āļģ⎄āļĢ. āļ‹āļ­්⎃ා⎄āļē āļšැāļ´āļšිāļģීāļ¸ āļąොāļ…āļŠු⎀ āļ‡āļ­ි ⎀ී āļ†āļģ්āļŽිāļšāļē ⎁āļš්āļ­ිāļ¸āļ­්⎀ āļ­ැāļą්āļ´āļ­් āļ°āļąāļē ⎀āļģ්āļ°āļąāļēāļ§ āˇ„ිāļ­āļšāļģ āļ­āļ­්⎀āļēāļš්. āļģැāļšිāļēා⎀ ⎃ැ⎄ැāļŊ්āļŊු⎀ෙāļą් āˇƒāˇ„ āļ´්‍āļģāļļෝāļ°āļēෙāļą්. āļļාāļ°āļš āļ¸ැāļ¯ āļ…āļ°්‍āļēාāļ´āļąāļē ⎃ාāļģ්āļŽāļšāļ­්⎀āļēāļ§.


āļšāļ§āļš āļŊāļœ්āļą āˇ„ිāļ¸ිāļēāļą්āļ§ āļ¸ෙāļ¸ āļœ්‍āļģ⎄āļ ාāļģāļē āļ…āļąු⎀ āļ”āļš්āļ­ෝāļļāļģ් āļ¸āˇƒ āˇƒු⎀ි⎁ේ⎂ී āļĸāļēāļœ්‍āļģ⎄āļĢ āļģැ⎃āļš් āļˇුāļš්āļ­ි ⎀ිāļŗීāļ¸āļ§ āļŊැāļļෙāļą āļļ⎀ āļšි⎀ ⎄ැāļšිāļē. āļēෝāļœāļšාāļģāļš āļšුāļĸ āļ°āļąāˇƒ්āļŽාāļąāļē ⎀ූ āļ¯ෙ⎀ැāļą්āļąේ āļ°āļąāļšාāļģāļš āļœුāļģු ⎃āļ¸āļœāļ­්, āļ¯ෙ⎀ැāļą්āļąාāļ°ිāļ´āļ­ි ⎄ෙ⎀āļ­් āļ°āļąāˇƒ්āļŽාāļąාāļ°ිāļ´āļ­ි āļģ⎀ි, ⎀ිāļš්‍āļģāļ¸āˇƒ්āļŽාāļąāļē ⎀ූ āļ­ුāļą්⎀ැāļą්āļąේ ⎃ිāļ§ āˇ€ිāļšුāļ¸් āļ´ාāļą āļ…āļ­āļģ, āļŊāļœ්āļąාāļ°ිāļ´āļ­ි ⎃āļŗු āļ…āļē⎃්āļŽාāļąāļēේ āļ‹āļ ්āļ āˇ€ ⎃ිāļ§ිāļ¸ිāļą් āļ…āļē āļ¸ාāļģ්āļœāļē ⎃āļģු āļšāļģāļēි. āļ‘āļļැ⎀ිāļą් āļ¸ෙāļ¸ āļ¸ා⎃āļē āļšāļ§āļš āļŊāļœ්āļą āˇ„ිāļ¸ිāļēāļą්āļœේ āļ…ාāļ¯ාāļēāļ¸් āˇƒāˇ„ āļ­ැāļą්āļ´āļ­් āļ°āļąāļē āļ­āļģ āļšāļģāļēි. āļ‘āˇƒේāļ¸ āļšāļ§āļš āļŊāļœ්āļą āˇ„ිāļ¸ිāļēāļą් āļ¸ෙāļ¸ āļ†āļģ්āļŽිāļšāļē āļ­ුāļŊිāļą්āļ¸ āļ­āļ¸ āļ…āļąාāļœāļ­āļē ⎃āļ¸ෘāļ¯්āļ°ිāļ¸āļ­් āļšිāļģීāļ¸āļ§ āļ…⎀⎁්‍āļē āˇ€ැāļ¯āļœāļ­් āļąි⎀ැāļģāļ¯ි āļ­ීāļą්āļ¯ු āļ­ීāļģāļĢ āļœāļ­āˇ„ොāļ­් āļ´āˇƒුāļœිāļē āļšාāļŊ⎀āļŊ ⎀ූ āļ…āļŸāˇ„ිāļŸ āˇƒāˇ„ිāļ­ āļšාāļŊāļē āļēāļŊි āļšි⎃ිāļ¯ා āļ‡āļ­ි āļąො⎀āļą āļ´āļģිāļ¯ි āļ†āļģ්āļŽිāļš āˇƒං⎀āļģ්āļ°āļąāļēāļš් āļšāļģා āļēා ⎄ැāļšි āļļ⎀ āļąිāļēāļ­āļē. āļ‘āˇƒේāļ¸ āļšāļ§āļš āļŊāļœ්āļą āˇ„ිāļ¸ි āļ”āļļāļœේ āļšේāļą්āļ¯āļģāļēේ ⎃ිāļēāļŊුāļ¸ āļœ්‍āļģ⎄āļēāļą් āļ­්‍āļģිāļšෝ⎃්āļŽාāļąāļēāļą්⎄ි āļļāļŊ⎀āļ­්⎀ āļœෝāļ āļģāļē ⎀ීāļ¸ āļ‰āļ­ාāļ¸āļ­් ⎃ු⎀ි⎁ේ⎂ී āļĸāļēāļœ්‍āļģ⎄āļĢ āˇƒāˇ„ ⎀ි⎀ිāļ° āˇ€ා⎃ි āļģැ⎃āļš් āļ…āļ­්āļ´āļ­් āļšāļģ āļœැāļąීāļ¸āļ§ āˇƒāˇ„ āļˇුāļš්āļ­ි ⎀ිāļŗීāļ¸āļ§ āˇ„ේāļ­ු ⎀ෙāļēි.  āļē⎄āļ´āļ­් āļ¸ංāļœāļŊ āļēෝāļœ āˇƒāˇ„ිāļ­ āļļැ⎀ිāļą් āļ¸ංāļœāļŊ āļēෝāļĸāļąා ⎃ිāļ§ āļ…āļ­ිāļąāļ­ āļœැāļąීāļ¸ āļ¯āļš්⎀ා ⎃ිāļēāļŊු āļ¸ංāļœāļŊ āļšāļ§āļēුāļ­ු⎀āļŊāļ§ āļē⎄āļ´āļ­්āļē.

āļģැāļšිāļēා āļšāļ§āļēුāļ­ු ⎃āļ¸්āļļāļą්āļ¯āļēෙāļą් ⎃ෑ⎄ීāļ¸āļšāļ§ āļ´āļ­්⎀ෙāļą āļ…āļ­āļģ āļģැāļšිāļēා āļš්⎂ේāļ­්‍āļģෙāļē් ⎃ිāļēāļŊු āļ¯ෑ āļ­āļ¸ාāļ§ āļ…āļąු⎀ ⎃ිāļ¯ු⎀āļąු āļ‡āļ­. āļąāˇ€ āļģැāļšිāļēා āˇƒāˇ„ ⎀ිāļ¯ෙ⎃් āļģැāļšිāļēා ⎃āļ¸්āļļāļą්āļ° āļšāļ§āļēුāļ­ු ⎃āļĩāļŊ ⎀āļą āļļ⎀ āļ´ැ⎄ැāļ¯ිāļŊිāļē. ⎀්‍āļēාāļ´ාāļģ āļš්⎂ේāļ­්‍āļģෙāļē් ⎃ිāļ§ිāļą āļ”āļļāļœේ ⎀්‍āļēාāļ´ාāļģ āˇƒāˇ„ āļĸී⎀ිāļ­āļēේ āļąොāļ¸ැāļšෙāļą āˇ€ා⎃ි āˇƒāˇ„ āļĸāļēāļœ්‍āļģ⎄āļĢ āļģැ⎃āļš් ⎅āļŸා āļšāļģ āļ¯ීāļ¸āļ§ āļ¸ෙāļ¸ āļœ්‍āļģ⎄āļ ාāļģāļē ⎃āļ¸āļ­් ⎀ේ.

āļ…āļ°්‍āļēාāļ´āļą āļšāļ§āļēුāļ­ු්⎀āļŊ āļąිāļēැāļŊෙāļą්āļąāļą්āļ§ āļēāļ¸් āļļාāļ°āļš āļ…⎀⎄ිāļģāļ­ා āļ‡āļ­. āļ’⎀ා āļ´්‍āļģāļˇāļŊ āļąො⎀āļąු āļ‡āļ­. āļ°ෛāļģ්āļē ⎃āļ¸්āļ´āļą්āļąāˇ€ āļ‹āļąāļą්āļ¯ු⎀ෙāļą් āļšැāļ´āˇ€ීāļ¸ේāļą් āļ‰āļœෙāļąුāļ¸ āļŊāļļāļą āˇƒි⎃ු ⎃ි⎃ු⎀ිāļēāļą්āļ§ āļļාāļ°āļš āļĸāļē āļœැāļąීāļ¸āļ§ āˇƒāˇ„ āļ…āļ°්‍āļēාāļ´āļąāļē āļ­ුāļŊිāļą් āļ”āļļāļœේ āļ‰āļŊāļš්āļšāļēāļą් ⎃āļ´ුāļģා āļœැāļąීāļ¸ේ āļ…āˇ€āˇƒ්āļŽා⎀ āļ‡āļ­. ⎀ි⎁ේ⎂āļēෙāļą්āļ¸ āļœුāļ´්āļ­ āˇ€ිāļ¯්‍āļēා ⎄ෝ āļœැāļšුāļģු ⎁්‍āļģා⎃්āļ­්‍āļģ ⎄āļ¯ාāļģāļĢ āļ…āļē āļąි⎀ැāļģāļ¯ි⎀ āļ’⎀ා ⎄ැāļ¯ෑāļģීāļ¸āļ§āļ­්, āļ‹āļœāļ­් āļ¯ේ āļ­ā⎃ැāļŸāˇ€ුāļąු āļšුāˇƒāˇ…āļ­ා  ⎃āļ¸āļœ āļšැāļ§ිāļšොāļ§ āļ‹āˇƒāˇƒ් āļ´්‍āļģāļ­ිāļĩāļŊ ⎀⎁āļēෙāļą් āˇ€ි⎃්āļ¸ිāļ­ āļŊෙ⎃ āļ…āļą්‍āļēāļēāļą්ā易⎀ිāļ¯්‍āļēාāļ¸ාāļą āļšāļģ⎀ීāļ¸āļ§ āļ…⎀⎁්‍āļē āļœ්‍āļģ⎄ āļļāļŊāļē ⎀ිāļ¯්‍āļēා⎃්āļŽාāļąāļēේ āļœෝāļ āļģāļē ⎀āļą āˇāļąිāļ­් āļąāˇ€ ⎀ැāļą්āļąේ ⎃āļģāļĢ āļšේāļ­ුāļ­් āļŊāļļා āļ¯ෙāļēි.

āļ‹āļ¯āļģාāļļාāļ° āˇƒāˇ„ ⎃ෙāļ¸් ‍āļģෝāļœāˇ€āļŊāļ§ āļ¸ු⎄ුāļĢ āļ¯ීāļ¸āļ§ āļ‰āļŠ āļ­ිāļļෙāļą āļļැ⎀ිāļą් āļ‰āļą් āļ¸ිāļ¯ීāļ¸āļ§ āļšāļ§āļēුāļ­ු āļšිāļģීāļ¸ āˇƒුāļ¯ු⎃ුāļē.

āļĸāļē āļ…ංāļš - 2, 9
⎁ුāļˇ āļ¯ිāļą -  āˇƒāļŗුāļ¯ා, āļļ්‍āļģāˇ„āˇƒ්āļ´āļ­ිāļą්āļ¯ා
⎁ුāļˇ āˇ€āļģ්āļĢ - ⎃ුāļ¯ු, āļš්‍āļģීāļ¸්, āļģෝ⎃

āļ¸ිāļŽුāļą āļŊāļœ්āļą āļ´āļŊාāļ´āļŊ - āļ”āļš්āļ­ෝāļļāļģ් 2015

āļ¸ිāļŽුāļą

āļ†āļģāļ¸්āļˇ āļšāļģāļą āļŊāļ¯ āļšāļ§āļēුāļ­්āļ­āļš් āļ…āļ­āļģāļ¸āļœ āļąāˇ€āļ­ා āļ¯ැāļ¸ේ. ⎀ිāļ¯ේ⎁āļœāļ­ āļ¸ිāļ­ුāļģෙāļšුāļœේ ⎄ෝ āļĨාāļ­ිāļēෙāļšුāļœේ āļ‹āļ´āļšාāļģ āļŊැāļļේ. āļģැāļšිāļēා⎀ේ āļ‹āļ¯ා⎃ීāļą āļļ⎀ āˇƒāˇ„ āļ¸ාāļąāˇƒිāļš āļąො⎃āļą්⎃ුāļą්āļ­ා⎀āļē. āļģāļš්āļ­āˇ€ාāļ­ āļģෝāļœ āļ‹āļ­්⎃āļą්āļą āˇ€ේ.

āļ¸ිāļŽුāļą āļŊāļœ්āļą āˇ„ිāļ¸ිāļēāļą්āļœේ āļŊāļœ්āļąාāļ°ිāļ´āļ­ි āļļුāļ° āˇ„āļ­āļģ⎀ැāļą්āļąේ ⎃්⎀āļš්⎂ේāļ­්‍āļģ⎀ āļ¸ෙāļą්āļ¸ āˇ€āļš්‍āļģ⎀ āļœāļ¸āļą් āļœāļąී. āļēෝāļœāļšාāļģāļš āˇƒිāļšුāļģු ⎀ිāļš්‍āļģāļ¸āˇƒ්āļŽාāļąāļē ⎄ෙ⎀āļ­් āļ­ුāļą්⎀ැāļą්āļąේāļ¯ āļļāļŊ⎀āļ­් ⎁ුāļˇāļēෙāļšු ⎀ූ ⎁āļąි ⎄āļē⎀ැāļą්āļą āˇ€ූ āļļාāļ°āļš āˇƒ්āļŽාāļąāļēේāļ¯ āļœෝāļ āļģāļē ⎀ේ. āļ¸ෙāāļœ්‍āļģ⎄āļ ාāļģāļē āļ…āļąු⎀ āļœෙāļ¯āļģāļ¯ොāļģ āļ´āļģි⎃āļģāļē āļļāļŊාāļ´ොāļģොāļ­්āļ­ු ⎀āļą āļ´āļģිāļ¯ි ⎄ැ⎃ිāļģ⎀ීāļ¸āļ§ āļļāļŊ⎀āļ­් ⎀ෙ⎄ෙ⎃āļš් āļœැāļąීāļ¸āļ§ āˇƒāļ…āļ¯ු ⎀āļąු āļ‡āļ­. āļ†āļģāļ¸්āļļ āļšāļģ āļ­ිāļļූ āļšāļ§āļēුāļ­්āļ­āļš් āļ…āļšāļģāļ¸āļœ āļąāˇ€āļ­ා āļ¯ැāļ¸ීāļ¸āļ§ āˇƒිāļ¯ු⎀āļąු āļ‡āļ­. ⎀ිāļ¯ේ⎁āļœāļ­ āˇ€ීāļ¸් āļ…āļ´ේāļš්⎂ා āļšāļģāļą āļ…āļēāļ§ āļ’ āˇƒāļŗāˇ„ා āļ…āˇ€āˇƒ්āļ­ා⎀ āļ‹āļ¯ා⎀ෙāļą āļ…āļ­āļģ ⎀ිāļ¯ේ⎁āļēāļš āˇ„ෝ āļ¯ුāļģ āļļැ⎄ැāļģ ⎃ිāļ§ිāļą āļ…āļēāļœෙāļą් ⎀ි⎁ේ⎂ āļ‹āļ¯āˇ€් āļ‹āļ´āļšාāļģāļ¯ āļ…āļ´ේāļš්⎂ා āļšāļŊ ⎄ැāļšිāļē.  āˇ€ි⎀ා⎄ ⎀ීāļ¸āļ§ āļļāļŊාāļ´ොāļģොāļ­්āļ­ු ⎀āļą āļ¸ිāļŽුāļą āļŊāļœ්āļą āˇ„ිāļ¸ිāļēāļą්āļ§ āˇ€ි⎀ා⎄ āļœි⎀ි⎃ āļœැāļąීāļ¸ේ āļ…āˇ€āˇƒ්āļŽා⎀ āļ‹āļ¯ා⎀āļą āļ…āļ­āļģ, āļ­āļģුāļĢ āļ­āļģුāļĢිāļēāļą්āļ§ āļ¸ංāļœāļŊ āļēෝāļĸāļąා āļ‰āļ¯ිāļģිāļ´āļ­් ⎀āļąු āļ‡āļ­. āļ¸ංāļœāļŊ āļēෝāļĸāļąා āˇƒāˇ„ ⎀ි⎀ා⎄ āļšāļ§āļēුāļ­ු āļ…āļąාāļœāļ­āļēāļ§ āˇුāļˇāļ¯ාāļēāļš āˇ€āļą āˇƒාāļģ්āļŽāļš āˇ„ා ⎃්āļŽිāļģ ⎃āļ¸්āļļāļą්āļ°āļ­ා āļœොāļŠāļąැāļœීāļ¸āļ§ āˇƒāļ¸āļ­් ⎀ේ.

āļ¯āˇ„⎀ැāļą්āļąේ āļšේāļ­ු ⎀ි⎃ිāļą් āļģැāļšිāļēා ⎃්āļŽාāļąāļēේ āļ´ැ⎀āļ­ිāļēා ⎀ූ āļ‹āļ¯ා⎃ීāļąāļ­්⎀āļē āļ­āˇ€āļ¯ුāļģāļ§āļ­් āļ‘āļŊෙ⎃āļ¸ āļ´āˇ€āļ­ිāļą āļ…āļ­āļģ āļ´්‍āļģāļ°ාāļąීāļą්āļœේ āˇƒāˇ„āļēෝāļœāļē āļŊāļļා āļœැāļąීāļ¸āļ§ āļ‹āļąāļą්āļ¯ු ⎀ිāļē āļēුāļ­ුāļē. āˇƒāˇ„āˇ€ැāļą්āļąාāļ°ිāļ´āļ­ි ⎃ිāļšුāļģු ⎀ිāļœ්‍āļģāļ¸āˇƒ්āļŽාāļąāļēේ āļąි⎃ා āļ­āļ¸ āļšු⎃āļŊāļ­ා āļ¸āļœිāļą් āˇƒāˇ„ āļ¸āļąා āļšැāļ´āļšිāļģීāļ¸් āļ­ුāļŊිāļą් ⎀්‍āļēාāļ´ාāļģ āļš්⎂ේāļ­්‍āļģෙāļē් āļēෙāļ¯ී ⎃ිāļ§ිāļą āļ”āļļāļ§ āļ­āļ¸ āˇ€්‍āļēාāļ´ාāļģ āļ´ු⎅ුāļŊ් āļšāļģ āļœැāļąීāļ¸āļ§ āļļාāļ°ා⎀āļš් āļąොāļ¸ැāļ­. āļąāˇ€ āļģැāļšිāļēා āļ…āļ´ේāļš්⎂ා āļšāļģāļą āļ…āļēāļ§ āļ’ āˇƒāļŗāˇ„ා ⎃āļ¸්āļ¸ුāļ› āļ´āļģීāļš්⎂āļĢ āˇƒāļŗāˇ„ා āˇƒāˇ„āļˇාāļœි⎀ීāļ¸āļ§ āļ…āˇ€āˇƒ්āļŽා⎀ āļŊැāļļෙāļą āļšාāļŊāļēāļšි.

āļļාāļ°āļš āļ…⎀⎄ිāļģāļ­ා āļ‡āļ­āļ­් āļ’⎀ා āļ¸ැāļŠ āļ…āļąාāļœāļ­āļē āļ…āļ°්‍āļēාāļ´āļąāļē āļ­ුāļŊිāļą් āļĸāļē āļœැāļąීāļ¸āļ§ āˇƒāˇ„ āļ”āļļāļœේ āļ‰āļŊāļš්āļšāļēāļą් ⎃āļ´ුāļģා āļœැāļąීāļ¸āļ§ āļ¸ෙāļ¸ āļœ්‍āļģ⎄āļ ාāļģāļē āļ¸āļœිāļą් āļ…āˇ€āˇƒ්āļŽා⎀ āļ‡āļ­. āļ­āļģāļŸ āˇ€ිāļˇාāļœාāļ¯ිāļēෙāļą් ⎃ාāļģ්āļŽāļš āļ´්‍āļģāļŽිāļĩāļŊ  āļŊāļļා āļœැāļąීāļ¸āļ§ āļˇාāļœ්‍āļē āļ‡āļ­ි āļļැ⎀ිāļą් āļ‹āļąāļą්āļ¯ු⎀ෙāļą් āˇƒāˇ„ āļąි⎀ැāļģāļ¯ි āļ¸ාāļģ්āļœāļē āļ­ෝāļģා āļœැāļąිāļ¸ෙāļą් āļ‰āˇ„⎅āļ§ āļēා ⎄ැāļšිāļē. āļ‹āˇƒāˇƒ් āļ…āļ°්‍āļēාāļ´āļąāļēේ āļąිāļēුāļ­ු ⎀ූ⎀āļą් ⎄āļ§ āļ’ āˇƒāļŗāˇ„ා ⎃ුāļ¯ු⎃ු ⎀ූ āļŊෙ⎃ āļ´āļģි⎃āļģāļē ⎃āļšāˇƒ් ⎀ේ. ⎀ි⎀ිāļ° āļš්⎂ේāļ­්‍āļģāļēāļą් āļ­ුāļŊිāļą් āļ­āļ¸ āļ¯āļš්⎂āļ­ා āļ¸āļ­ු āļšāļģ āļœැāļąීāļ¸āļ§ āļ…āļ°්‍āļēාāļ´āļąāļē āļœැāļą āļ‹āļąāļą්āļ¯ු ⎀āļą āļ¸ිāļŽුāļą āļŊāļœ්āļą āˇ„ිāļ¸ි āļšා⎄āļ§āļ­් āļ¸ෙāļē āļ¸āˇ„āļœු āļ…āˇ€āˇƒ්āļŽා⎀āļšි.

āļģāļš්āļ­ා⎀ාāļ­ āˇƒāˇ„ āļ´ෙāļĢ⎄āļŊු āļ†āˇ්‍āļģිāļ­ āļģෝāļœ āļ†āļ¯ිāļēāļ§ āļ¸ු⎄ුāļĢ āļ¯ීāļ¸āļ§ āļ‰āļŠ āļ­ිāļļෙāļą āļļැ⎀ිāļą් āļ‰āļą් āļ¸ිāļ¯ීāļ¸āļ§ āļšāļ§āļēුāļ­ු āļšිāļģීāļ¸ āˇƒුāļ¯ු⎃ුāļē.

āļĸāļē āļ…ංāļš - 1, 2
⎁ුāļˇ āļ¯ිāļą -  āˇƒāļŗුāļ¯ා, āļļāļ¯ාāļ¯ා
⎁ුāļˇ āˇ€āļģ්āļĢ - āļąිāļŊ්, āļšāˇ„, āļ­ැāļšිāļŊි

⎀ෘ⎂āļˇ āļŊāļœ්āļą āļ´āļŊාāļ´āļŊ - āļ”āļš්āļ­ෝāļļāļģ් 2015

⎀ෘ⎂āļˇ

āļļුāļ¯්āļ°ිāļ¸āļ­් ⎀āļļ āˇƒāˇ„ āļ‹āļ­්⎃ා⎄āļē ⎃āļ¸āļœිāļą් āļ­āļ¸ āļšāļ§āļēුāļ­ු ⎃ාāļģ්āļŽāļšāˇ€ āļ´āˇ€āļ­්⎀ා āļœෙāļą āļēා ⎄ැāļšි āļœ්‍āļģ⎄ āļ­āļ­්⎀āļēāļš් āļąිāļģ්āļ¸ාāļĢāļē ⎀ේ. āļ¸ංāļœāļŊ āļēෝāļĸāļąා āļ‰āļ¯ිāļģිāļ´āļ­් ⎀ු⎀ුāļ­් ⎃්āļŽිāļģāļ­්⎀āļēāļ§ āļ´āļ­් āļąො⎀ේ. āļ…āļļිāļēෝāļœ āļĸāļē āļœැāļąීāļ¸āļ§ āˇƒāļ¸āļ­් ⎀ෙāļēි. ⎀ිāļ¯ේ⎁ āļģැāļšිāļēා ⎄ෝ āļąāˇ€ āļģැāļšිāļēා. ⎄ි⎃ේ āˇƒāˇ„ āļ‡āˇƒ් āļģෝāļœ āļ…⎀āļ¯ාāļąāļ¸āļš්.


⎀ෘ⎂āļˇ āļŊāļœ්āļą āˇ„ිāļ¸ිāļēāļą්āļœේ āļ”āļš්āļ­ෝāļļāļģ් āļ¸āˇƒ āļœ්‍āļģ⎄āļ ාāļģāļē āļ…āļąු⎀ āļļāļŊාāļ´ොāļģොāļ­්āļ­ු āļģැ⎃āļš් ⎃ාāļģ්āļŽāļš āļŊෙ⎃ āļ‰āļ§ු⎀āļą āļļ⎀ āļšි⎀ ⎄ැāļšිāļē. āļēෝāļœāļšාāļģāļš āˇāļąි ⎃āļ­ුāļģු āļģා⎁ිāļœāļ­ āˇ€ු⎀āļ­් āļ¯ිāļš්āļļāļŊ⎀ ⎄āļ­්⎀ැāļą්āļąේ ⎃ිāļ§ී. āļŊāļœ්āļąාāļ°ිāļ´āļ­ි ⎃ිāļšුāļģු āļ”āļļāļ§ āˇුāļˇ āļœ්‍āļģ⎄āļēෙāļšු ⎀ූ āļšුāļĸ ⎃āļ¸āļœ āˇ„āļ­āļģ⎀ැāļą්āļąේ ⎃ිāļ§ිāļ¸ිāļą් āļ‘āļšො⎅ො⎃්⎀ැāļą්āļą āˇ€ූ āļ…āļē⎃්āļŽාāļąාāļ°ිāļ´āļ­ි āļœුāļģු ⎃āļ¸āļœ āˇƒංāļēෝāļœāļēෙāļą් āļœෝāļ āļģāļē ⎀āļą āļ¸ේ āļšාāļŊāļē āļ”āļļāļœේ āļœෙāļ¯āļģāļ¯ොāļģ āļšāļ§āļēුāļ­ු āļ”āļļ ⎃ිāļ­āļąāˇ€ාāļ§āļ­් ⎀āļŠා ⎄ොāļŗිāļą් ⎃ිāļ¯ු⎀āļą āļļ⎀ āļšි⎀⎄ැāļšිāļē. āļšුāļ§ුāļ¸්āļˇāˇƒ්āļŽāļąāļē ⎀ු āļ¯ෙ⎀ැāļą්āļą āˇƒāˇ„ āļ´ුāļ­්‍āļģ⎃්āļŽාāļąāļē ⎄ිāļ¸ි āļ´āˇƒ්⎀ැāļą්āļąේ āļ‘⎄ි āļ…āļ°ිāļ´āļ­ි āļļුāļ° āˇƒ්⎀āļš්⎂ේāļ­්‍āļģ āļąි⎃ා āļąිāˇ€āˇƒ āļ­ුāļŊ ⎃ාāļ¸āļē ⎃āļ¸ාāļ¯ාāļąāļē āˇƒāˇ„ ⎃āļ­ුāļ§ āļģāļĸāļēāļąු āļ‡āļ­. āļ‹āļąāļą්āļ¯ු⎀ āļ‹āļ­්⎃ා⎄āļē ⎀ැāļŠි⎀ෙāļą āļ…āļ­āļģ āļļුāļ¯්āļ°ිāļ¸āļ­් āļļ⎀āļ¯ āļ­ිāļģි⎄āļą් ⎀āļąු āļ‡āļ­. āˇƒැ⎄ැāļŊ්āļŊු⎀ෙāļą් ⎀ි⎃ිāļē ⎄ැāļšි āļšාāļŊ ⎃ීāļ¸ා⎀āļšි. āļ­āļģුāļĢ āļ…āļēāļ§ āļ¯ෙāļ¸ාāļ´ිāļē āˇƒāˇ„ෝāļ¯āļģ āˇƒāˇ„ෝāļ¯āļģිāļēāļą්āļœේ āļąොāļ¸āļ¯ āˇƒāˇ„āļēෝāļœāļē āļ¯ āˇ€ි⎀ා⎄ āļ…āļ´ේāļš්⎂āļšāļēāļą්āļ§ āļ¸ංāļœāļŊ āļēෝāļœāļ¯ āļ´āˇ€āļ­ිāļą āļšාāļŊāļēāļšි. āļ‘⎄ෙāļ­් ⎀ි⎀ා⎄ ⎃්āļŽිāļģ āļšāļģ āļœැāļąීāļ¸āļ§ āļšāļŊ්āļœāļ­ āˇ€āļąු āļ‡āļ­. ⎀ි⎀ා⎄āļš āļ…āļēāļ§ āļē⎄āļ´āļ­් āļ¯āļģු⎀āļą්āļ¯, āļ¯āļģු āļ¸ුāļąුāļšුāļģāļą් ⎃ිāļ§ිāļą āļ…āļēāļ§ āļ ිāļ­්āļ­āļ´්āļ´්‍āļģීāļ­ිāļēāļ¯ āļąොāļ…āļŠු āļŊැāļļෙāļąු āļ‡āļ­.  

āļģැāļšිāļēා ⎃්āļŽාāļąāļē ⎀ූ āļ¯āˇƒāˇ€ැāļą්āļą āļ…āļ°ිāļ´āļ­ි ⎃ෙāļąāˇƒුāļģු ⎄āļ­්⎀ැāļą්āļąේ āļ­āˇ€āļ¯ුāļģāļ§āļ­් ⎃āļ­ුāļģු āļģා⎁ිāļēේāļ¸ āļœāļ¸āļą් āļšිāļģීāļ¸ āˇ„ේāļ­ු⎀ෙāļą් āļģැāļšිāļēා ⎃්āļŽාāļąāļēේ āļēāļ¸් āļēāļ¸් āļ…āļēāļœේ āļļāļŊāļ´ෑāļ¸් āļąි⎃ා āļšāļ§āļēුāļ­ු āļ…⎀ුāļŊ් ⎀ු⎀āļ­්, āļ”āļļāļœේ āļēෝāļœāļšාāļģāļš āˇ€ු ⎁āļąි āļ…āļē⎃්āļŽාāļąāļēāļ§, āļŊāļœ්āļąāļēāļ§ āˇƒāˇ„ ⎄āļ­āļģ⎀ැāļą්āļąāļ§ āļ¯ෘ⎂්āļ¨ි ⎄ෙ⎅ීāļ¸ āˇ„ේāļ­ු⎀ෙāļą් āļģැāļšිāļēා⎀, āļ†āļ¯ාāļēāļ¸, āļ”āļļāļœේ āļ­āļ­්⎀āļē āˇƒāˇ„ āļœෙāļ¯āļģāļ¯ොāļģ āļ´āļģි⎃āļģāļē āļ”āļļāļ§ āˇ„ිāļ­āļšාāļ¸ී ⎀āļąු āļ‡āļ­.  āļąāˇ€ āļģැāļšිāļēා āļļāļŊාāļ´ොāļģාāļ­්āļ­ු ⎀āļą āļ…āļēāļ§ āˇƒුāļ¯ු⎃ු āļģැāļšිāļēාāļ­් āļšැāļ´āˇ€ීāļ¸ෙāļą් āļģැāļšිāļēා āļšāļģāļą āļ…āļēāļ§ āˇ€ි⎀ිāļ° āˇ€āļģāļ´්‍āļģ⎃ාāļ¯āļ­් āļģැāļšිāļēා⎀āļ§ āˇƒāļģිāļŊāļą āļ†āļ¯ාāļēāļ¸āļ­් āļŊැāļļෙāļą āļļ⎀ āˇƒāˇ„āļ­ිāļšāļē.

āļ…āļ°්‍āļēාāļ´āļąāļē āļąිāļēෝāļĸāļąāļē āļšāļģāļą āˇ„āļ­āļģ⎀ැāļą්āļą āˇƒāˇ„ āļ´āˇƒ්⎀ැāļą්āļą āˇāļš්āļ­ිāļ¸āļ­් āļļැ⎀ිāļą් āļģාāļĸ්‍āļē āļ…ං⎁āļēේ āļģැāļšිāļēා āļ…āļˇිāļ¸ුāļ› āļ…āļ°්‍āļēාāļ´āļą āļšāļ§āļēුāļ­ු්⎀āļŊ ⎃ාāļģ්āļŽāļš āˇ€ීāļ¸āļ­්, ⎀ෘāļ­්āļ­ීāļē āļ…āļ°්‍āļēාāļ´āļąāļēāļ§ āļ…⎀āļ­ිāļģ්āļĢ āˇ€ීāļ¸āļ­්, āļ´āļģිāļœāļĢāļš āļ‰ංāļĸිāļąේāļģු āļšāˇ…āļ¸āļĢාāļšāļģ āļ†āļ¯ී āļ…āļ°්‍āļēාāļ´āļąāˇ€āļŊ āļąිāļēැāļŊෙāļą්āļąāļą්āļ§ āļ‹āˇƒāˇƒ් āļ´්‍āļģෙ⎀්⎁āļēāļ­්, āļšāļŊා⎀ ⎃āļ¸්āļļāļą්āļ° āļ…āļ°්‍āļēාāļ´āļą āļšāļ§āļēුāļ­ු⎀āļŊ ⎀āļģ්āļ°āļąāļēāļ­් āļ¯āļš්āļšāļ§ āˇ„ැāļšිāļē. āļ­ීāļģāļĢ āļœැāļąීāļ¸ේāļ¯ී āļēāļ¸් āļ¯ුāļģ්⎀āļŊāļ­ා āļ¸āļœāˇ„āļģ⎀ා āļœැāļąීāļ¸āļ§ āļļුāļ¯්āļ°ිāļ¸āļ­් āļ…āļēāļœේ āļ‹āļ´āļ¯ෙ⎃් āļŊāļļා āļœāļą්āļą. āļļාāļ°āļš āļ…⎀⎄ිāļģāļ­ා āļ‡āļ­āļ­් āļ’⎀ා āļ¸ැāļŠ āļ…āļąාāļœāļ­āļē āļ…āļ°්‍āļēාāļ´āļąāļē āļ­ුāļŊිāļą් āļĸāļē āļœැāļąීāļ¸āļ§ āˇƒāˇ„ āļ”āļļāļœේ āļ‰āļŊāļš්āļšāļēāļą් ⎃āļ´ුāļģා āļœැāļąීāļ¸āļ§ āļ¸ෙāļ¸ āļœ්‍āļģ⎄āļ ාāļģāļē āļ¸āļœිāļą් āļ…āˇ€āˇƒ්āļŽා⎀ āļ‡āļ­.

āļ´ීāļąāˇƒ, ⎄ි⎃ේ ⎀ේāļ¯āļąා āˇƒāˇ„ āļ‡āˇƒ් āļģෝāļœ āļ†āļ¯ිāļēāļ§ āļ¸ු⎄ුāļĢ āļ¯ීāļ¸āļ§ āļ‰āļŠ āļ­ිāļļෙāļą āļļැ⎀ිāļą් āļ‰āļą් āļ¸ිāļ¯ීāļ¸āļ§ āļšāļ§āļēුāļ­ු āļšිāļģීāļ¸ āˇƒුāļ¯ු⎃ුāļē.

āļĸāļē āļ…ංāļš - 1, 3, 5
⎁ුāļˇ āļ¯ිāļą -  āˇƒāļŗුāļ¯ා, āļļāļ¯ාāļ¯ා, ⎃ිāļšුāļģාāļ¯ා
⎁ුāļˇ āˇ€āļģ්āļĢ - āļŊා āļąිāļŊ්, āļšāˇ„


āļ¸ේ⎂ āļŊāļœ්āļą āļ´āļŊාāļ´āļŊ - āļ”āļš්āļ­ෝāļļāļģ් 2015

āļ¸ේ⎂

āļœෙāļ¯āļģāļ¯ොāļģ āļšāļ§āļēුāļ­ු āļš්‍āļģāļ¸āˇ€āļ­්⎀ āļ´āˇ€āļ­්⎀ාāļœෙāļą āļēෑāļ¸āļ§ āļšැāļ´ āˇ€ෙāļēි. āļģැāļšිāļēා⎀ේ ⎀ැāļŠāļšāļ§āļēුāļ­ු āļļ⎄ුāļŊ āļ­āļ­්⎀āļēāļš් āļ‡āļ­ි ⎀ේ. ⎃ුāļ¯ු⎃ුāļšāļ¸් āļ¸āļ­ āļ‹āˇƒāˇƒ් ⎄ෝ ⎀āļģāļ´්‍āļģ⎃ාāļ¯ āˇƒāˇ„ිāļ­ āļģැāļšිāļēා⎀āļąāļ§ āˇƒිāļ­ āļēොāļ¸ු ⎀ේ. ⎃ාāļģ්āļŽāļš āļ…āļ°්‍āļēාāļ´āļąāļēāļš් āļšāļģා āļēොāļ¸ු ⎀ේ. āļ‹āļ¯āļģාāļļාāļ° āˇƒāˇ„ āļ…āļ¸්āļŊ āļ´ිāļ­්āļ­ ‍āļģෝāļœ āļ…⎀āļ¯ාāļąāļ¸āļš්.

āļ¸ේ⎂ āļŊāļœ්āļą āˇ„ිāļ¸ිāļēāļą්āļœේ āļ”āļš්āļ­ෝāļļāļģ් āļ¸āˇƒ āļœ්‍āļģ⎄āļ ාāļģāļē āļ…āļąු⎀ āļ¸ි⎁්‍āļģ āļĩāļŊ āļŊැāļļෙāļą āļļ⎀ āļšි⎀ ⎄ැāļšිāļē.  āļ´්‍āļģāļ°ාāļą āļēෝāļœāļšාāļģāļš āļģ⎀ි āļļාāļ°āļš āˇƒ්āļŽාāļąāļē ⎀ූ ⎄āļē ⎀ැāļą්āļąේ ⎃ිāļ§ āļ­ුāļŊා⎀ ⎀ූ ⎄āļ­්⎀ැāļą්āļąāļ§ āļ¸ේ āļ¸āˇƒ 18 ⎀ෙāļąිāļ¯ා ⎃āļ¸්āļ´්‍āļģාāļ´්āļ­ āˇ€ී āļŊāļœ්āļąāļē āˇƒāˇ„ āļ¯ෙ⎀ැāļą්āļą āļ´ෝ⎂āļĢāļē āļšāļģāļą āļ­ෙāļš් āļœෙāļ¯āļģāļ¯ොāļģ āļšāļ§āļēුāļ­ු āļš්‍āļģāļ¸āˇ€āļ­්⎀ āļ´āˇ€āļ­්⎀ා āļœෙāļą āļēෑāļ¸āļ§ āļ…āļ´ො⎄ො⎃āļ­් ⎀ීāļ¸āļ­්, āļ´āˇ€ුāļŊේ āļĨාāļ­ීāļą් ⎃āļ¸āļœ āˇƒු⎄āļ¯āļ­ා āļ´āˇ…ුāļ¯ු ⎀ීāļ¸āļ§ āļ‰āļŠ āļ‡āļ­ි āļąි⎃ා āļšāļŊ්āļ´āļąාāļšාāļģී ⎀ිāļē āļēුāļ­ුāļē. āļļāļŊ⎀āļ­් āļ¸ංāļœāļŊ āļēෝāļœ āļąො⎀āļą āļąි⎃ා ⎀ි⎀ා⎄ ⎀ීāļ¸āļ§ āļļāļŊාāļ´ොāļģොāļ­්āļ­ු ⎀āļą āļ…āļē āļ­āļ¸ āļ…āļ¯āˇ„āˇƒ් āļ¸āļ¯āļš් āļšāļŊ් āļ¯ැāļ¸ිāļē āļēුāļ­ුāļē. ⎀ි⎀ා⎄āļšāļēāļą් āļ­āļ¸ āļ´āˇ€ුāļŊේ ⎃āļ¸āļœිāļē āļ†āļģāļš්⎂ා āļšāļģ āļœැāļąීāļ¸āļ§ āˇƒිāļ­āļ§ āļœāļ­ āļēුāļ­ුāļē. āļēෝāļœ āļšාāļģāļš āļœුāļģු āˇƒāˇ„ āļŊāļœ්āļąාāļ°ිāļ´āļ­ි āļšුāļĸ āļ´āˇƒ්⎀ැāļą්āļąේ ⎃ිāļ§ිāļ¸ිāļą් āļŊāļœ්āļąāļē āˇƒāˇ„ āļ´ුāļĢ්‍āļē ⎃්āļŽාāļąāļē ⎀ු āļąāˇ€āˇ€ැāļą්āļą āļ¯ැāļšීāļ¸ āļ¸āˇ„āļ­් āļ…āˇƒ්⎀ැ⎃ිāļŊ්āļŊāļš් āˇƒāˇ„ිāļ­ āˇුāļˇ āļœෝāļ āļģāļēāļšි. āļ‰āļą් āļ”āļļāļ§ āļļාāļ°āļš āļ¸ැāļŠ āļšāļ§āļēුāļ­ු ⎃ාāļģ්āļŽāļš āļšāļģ āļœැāļąීāļ¸ේ āļ…āˇ€āˇƒ්āļŽා⎀āļ¯ āļ‡āļ­ි āļ…āļ­āļģ, āļ¯āļģු⎀āļą්āļœේ āļšāļ§āļēුāļ­ු ⎀ෙāļąු⎀ෙāļą් āļšැāļ´ āˇ€ීāļ¸ෙāļą් āļ”āļļāļ§ āļ’⎀ාāļēිāļą් ⎃ාāļģ්āļŽāļš āļ´්‍āļģāļŽිāļ´āļŊ āļŊැāļļෙāļąු āļ‡āļ­.

āļģැāļšිāļēා ⎃්āļŽාāļąāļē ⎀ූ āļ¯āˇƒāˇ€ැāļą්āļą āļ…āļ°ිāļ´āļ­ි ⎃ෙāļąāˇƒුāļģු āļ…āļ§āˇ€ැāļą්āļąේ āļ­āˇ€āļ¯ුāļģāļ§āļ­් āļœāļ¸āļą් āļšිāļģීāļ¸ āˇ„ේāļ­ු⎀ෙāļą් āˇƒāˇ„ āļ¯āˇƒāˇ€ැāļą්āļąāļ§ āˇƒāˇ„ āļ āļą්āļ¯්‍āļģāļēාāļ§ āļ¯ෘ⎂්āļ¨ි ⎄ෙ⎅ීāļ¸ āˇ„ේāļ­ු⎀ෙāļą් āļ¸ෙāļ­ෙāļš් āļ´ැ⎀āļ­ි ⎀ෘāļ­්āļ­ීāļ¸āļē āļœැāļ§āļŊු āļ­āˇ€āļ¯ුāļģāļ§āļ­් āļļāļŊāļ´ාāļąු āļ‡āļ­.  āˇ€ෘāļ­්āļ­ීāļ¸āļē āļšāļ§āļēුāļ­ු āļ…āļ°ිāļš āˇ€ීāļ¸ āˇ€ැāļŠāļšāļ§āļēුāļ­ු āļ…⎀ුāļŊ් ⎀ීāļ¸ āˇƒāˇ„ āļ¸ාāļąāˇƒිāļš āļąො⎃āļą්⎃ුāļą්āļ­ා⎀āļē āļ´ැ⎀āļ­ිāļēāļ­් āļļුāļ¯්āļ°ිāļ¸āļ­් āļ”āļļāļ§ āˇāļąිāļœේ āļ‘āļ¸ āļ¯ෘ⎂්āļ¨ිāļēෙāļą්āļ¸ āļŊැāļļෙāļą āˇ€ා⎃ිāļ¯ āļ…āļ­්āļ´āļ­් āļšāļģ āļœāļ­ āˇ„ැāļšිāļē. āļąāˇ€ āļģැāļšිāļēා āˇƒāˇ„ ⎀ිāļ¯ෙ⎃් āļģැāļšිāļēා ⎃āļ¸්āļļāļą්āļ° āļšāļ§āļēුāļ­ු ⎃āļĩāļŊ ⎀āļą āļļ⎀ āļ‰āļą් āļ‰āļŸි āļšෙāļģේ.

āļ…āļ°්‍āļēාāļ´āļąāļē āļąිāļēෝāļĸāļąāļē āļšāļģāļą āļ´āˇƒ්⎀ැāļą්āļąාāļ°ිāļ´āļ­ි āļģ⎀ි ⎄āļē ⎀ැāļą්āļą āˇ€ූ āļļාāļ°āļš āˇƒ්āļŽාāļąāļēේ ⎃ිāļ§ිāļ¸ිāļą් āļģාāļĸ්‍āļē āļ…ං⎁āļēේ āļ…āļ°්‍āļēාāļ´āļą āļšāļ§āļēුāļ­ු්⎀āļŊ āļąිāļēැāļŊෙāļą්āļąāļą්āļ§ āļēāļ¸් āļļාāļ°āļš āļ…⎀⎄ිāļģāļ­ා āļ‡āļ­āļ­් āļ’⎀ා āļ´්‍āļģāļˇāļŊ āļąො⎀āļąු āļ‡āļ­. ⎄āļē⎀ැāļą්āļąාāļ°ිāļ´āļ­ි āļļුāļ° āļ‘⎄ිāļ¸ āˇƒ්⎀āļš්⎂ේāļ­්‍āļģ⎀ ⎃ිāļ§ීāļ¸ āˇƒāˇ„ āļ…āļ°්‍āļēාāļ´āļąāļēāļ§ āļšාāļģāļš āˇ€ූ āļœුāļģු ⎀ිāļ¯්‍āļē⎃්āļŽාāļąāļē ⎀ූ āļ´āˇƒ්⎀ැāļą්āļąේ ⎃ිāļ§ිāļ¸ිāļą් āļ…āļ°්‍āļēාāļ´āļąāļē āļ­ුāļŊිāļą් āļ”āļļāļœේ āļ‰āļŊāļš්āļšāļēāļą් ⎃āļ´ුāļģා āļœැāļąීāļ¸ේ āļ…āˇ€āˇƒ්āļŽා⎀āļ¯ āļ‰āļą් āļ‹āļ¯ාāļšāļģ āļ‡āļ­. āļ°ෛāļģ්āļē ⎃āļ¸්āļ´āļą්āļąāˇ€ āļ‹āļąāļą්āļ¯ු⎀ෙāļą් āļšැāļ´āˇ€ීāļ¸ේāļą් āļ‰āļœෙāļąුāļ¸ āļŊāļļāļą āˇƒි⎃ු ⎃ි⎃ු⎀ිāļēāļą්āļ§ āļ‰āˇ„āļ­ āļļාāļ°āļš āļĸāļē āļœැāļąීāļ¸āļ§ āļ¸ෙāļ¸āļœිāļą් āļ…āˇ€āˇƒ්āļŽා⎀ āļ‡āļ­.

āļ‹āļ¯āļģාāļļාāļ° āˇƒāˇ„ āļ…āļ¸්āļŊ āļ´ිāļ­්āļ­ ‍āļģෝāļœāˇ€āļŊāļ§ āļ¸ු⎄ුāļĢ āļ¯ීāļ¸āļ§ āļ‰āļŠ āļ­ිāļļෙāļą āļļැ⎀ිāļą් āļ‰āļą් āļ¸ිāļ¯ීāļ¸āļ§ āļšāļ§āļēුāļ­ු āļšිāļģීāļ¸ āˇƒුāļ¯ු⎃ුāļē.

āļĸāļē āļ…ංāļš - 4, 5
⎁ුāļˇ āļ¯ිāļą -  āˇƒāļŗුāļ¯ා, āļļ්‍āļģāˇ„āˇƒ්āļ´āļ­ිāļą්āļ¯ා
⎁ුāļˇ āˇ€āļģ්āļĢ - āļŊා āļ¯ුāļšුāļģු, āļ…āļŊු