Saturday, July 4, 2015

සිංහ ලග්න පලාපල - ජූලි 2015

සිංහ

අභියෝග භාධක සියල්ල මැඩ ඉදිරියට යෑමට අවශ්‍ය ශක්තිය හා ධෛර්යය ලැබෙන මාසයකි. නිවැරදි යහපත් තීරණ ගැනීම ද, බුද්ධිමත්ව අන් අයගේ දුක්ගැනවිලිවලට ඇහුම්කම් දීම සහ පිහිට වීම දැකිය හැකිය. වැඩිහිටියන්ගෙන් සහ ආගමික නායකයන්ගෙන් පැසසුම් ලැබේ. යන එන තැන කැපී පෙනීම, සතුරන් මෙල්ල වීම තම අරමුණු ඉටු වීම යන කරුණු යෙදෙන ඉතා සුභ මාසයකි.

අතමිට සරු වන ලාභ සහ හදිසි ධන ලාභ ද ඇති කරන මෙම මාසයේදී සිංහ ලග්න හිමියන්ට යාන වාහන විකිණීමට මිලදී ගැනීමට යහපත්ය. තැන්පත් ධනය වර්ධනය කර ගැනීමට හැකියාව හෝ ගෘහාශ්‍රිත සංවර්ධනය දේපල මිලදී ගැනීම් ද ඒ අතර වේ.

රැකියා සරුය. ප්‍රධානීන්ගේ සිත් දිනා ගනියි. උසස්වීම් වරප්‍රසාද සහිතයි. ව්‍යාපාර සාර්ථක මගකට යොමු කර වීම, ආයෝජනවලින් අමතර ලාභ, විදේශ රැකියා සම්න්ධ ව්‍යාපාර දියුණුව දැකිය හැකි මාසයකි. විශේෂයෙන්ම විදේශයට අදාළ අන්තර්ජාල ආශ්‍රිත රැකියා සහ ස්වයං ව්‍යාපාර කරන අය ඒ සඳහා උනන්දු වීමෙන් බලාපොරොත්තු වූ ප්‍රතිඵල ලබා ගත හැකි කාලයකි.

අධ්‍යාපනයේදී තරමක උදාසීන බවක් දක්වන නමුත් පසුබෑමක් නැත. උසස් අධ්‍යාපනයේ දියුණුව විදෙස් අධ්‍යාපන යොමු වීම් තරඟ විභාග ජය අපේක්ෂා කළ හැකි මාසයකි.

ගෙදර පරිසරය සතුටුදායි වන අතර හැම කෙනාගෙන්ම උදව් ද, පවුලේ අයගේ සිත් දිනා ගැනීම් සහ ප්‍රධානත්වය ද, විදේශයක හෝ දුර බැහැර අයෙකුගෙන් උදව් ලැබෙන මාසයකි. මංගල යෝග සතුට දනවන ගමන් බිමන් වෙනදාට වඩායෙදිය හැකිය.

දන්ත රෝග, මුඛ රෝග, සම ආශ්‍රිත ඌෂ්න රෝග සෑදීමට ඉඩ ඇත.

ජය වර්ණය රතු
ජය අංක 2, 4

Leo monthly horoscope for July 2015

0 comments :

Post a Comment