ගුරු මාරුව ඔබේ ලග්නයට - ධනු ලග්නය

ධනු - Sagittarius

මෙම ග්‍රහ මාරුව සමගින් ඔබගේ ලග්නාධිපති වූ ගුරු නවවැන්න වූ භාග්‍යස්ථානයට පැමිණ ගමන් ඇරඹිම ධනු ලග්න හිමි ඔබට ඉතාමත් සුබදායකයි. ධනු ලග්න හිමියන්ට ගෝචර වන ගුරු පැමිණිය යුතු හොඳම තැනට මෙවර පැමිණ ඇත. ඒ අනුව පැවති පීඩාකාරී බව, අසහන, බාධා තුනී වී ඔබගේ සෘණ සිතුවිලි ධන සිතුවිලි බවට පරිවර්ථනය වේ.

ධනකාරක ගුරු භාග්‍යස්ථාන ගත හේතුවෙන් විවිධ ධන සම්පත් පෑදෙනු ඇත. අමතර ආදායම්, හදිසි ධන ලාභ, ගේ දොර ඉඩකඩම්, යාන වාහන ලැබීමේ භාග්‍ය හිමිය. මෙතෙක් නැවතී තිබූ ආදායම් මාර්ග සක්‍රීය වේ.

රැකියාවේ හෝ ව්‍යාපාරයේ උසස් වීම්, දියුණුව, ආදායම් සහ වෘත්තීය තෘප්තිය, විදේශීය හිතවතෙකුගෙන් උදව් උපකාර හිමිය.

උසස් අධ්‍යාපනය නියෝජනය කරන නවවැන්නට පැමිණි ප්‍රඥාකාරක ගුරු පසුබැස තිබූ ඔබගේ අධ්‍යාපන කටයුතු නැවත උද්දීපනය කරයි. උසස් අධ්‍යාපනය හදාරන ධනු ලග්න හිමියන්ගේ ජය තහවුරු කරයි.

යහපත් මංගල යෝග යෙදේ. විවාහක අයගේ පවුලේ දියුණුව වර්ධනය වේ. දරුවන් අපේක්ෂාවෙන් සිටින අයට යහපත් සහ වාසනාවන්ත දරුවන් ලැබේ. පුතුන් ලැබීමේ වැඩි ඉඩක් ඇත. දරුවන්ට සහ පියාට යහපත් කාලයක් වේ. ආගමික කටයුතුවල හා වන්දනා ගමන්වල නිරත වේ.

යාවත්කාලීන (අප්ඩේට්) වීමට නියමිතයි. සියලු විස්තර බලා ගැනීමට නැවත පැමිණෙන්න. යතුරු පුවරුවේ Bookmark සඳහා Ctrl + D ඔබා Enter කරන්න.

යාවත්කාලීන කරන ලදී - Updated 16-12-2015

රවි - ගුරු පරිවර්ථනය

දෙසැම්බර් 16 වෙනි දින සවස 2.42 ට රාජ්‍යකාරක රවි තම මිත්‍ර රාශියක් වූ ධනු රාශියට පිවිසෙයි. ඒ 

අනුව වසර දොළහකට පසු රවි - ගුරු පරිවර්ථන යෝගයක් උදා වේ.

2015 දෙසැම්බර් 22 වෙනි රාත්‍රී 10.6 ට ධනු ලග්න හිමි ඔබගේ ග්‍රහ සටහන මෙහි දැක්වේ.

ධනු ලග්න හිමි ඔබගේ බලවත් යෝගකාරකයන් වන රවි - බුධ ඔබගේ කේන්ද්‍රෙය් නවවැන්නාධිපතිගේ සහ දහවැන්නාධිපතිගේ සංයෝගයකි. නවවැන්නාධිපති සහ දසවැන්නාධිපති එක්වීම බලවත් රාජයෝගයක් වූ ධර්ම කර්මාධිපති යෝගයයි. එහිදී ලබන සුභඵල දෙගුණ තෙගුණ කිරීමට යෝගකාරකයන් වීම හේතුවෙන් සිදු වේ.

ඊට අමතරය රැකියාස්ථානයේ රාහුගේ ගෝචරය රැකියාවෙන් ලබන දියුණුවත් අයස්ථානගත ස්වක්ෂේත්‍ර සිකුරුගෙන් යහපත් ආදායම් සහ යාන වාහන හිමි සුවපහසු ජීවිතයද ඔබගේ චිත්තප්‍රීතිය නොඅඩුව ලැබෙන ග්‍රහයෝගයක් බව තහවුරු කල හැකිය.

උසස් අධාපනය නියෝජනය වන සහ පෙර පිංබලය නියෝජනය වන නවවැන්නත් තම පෞරෂත්වය ශක්තිය උනන්දුව උත්සාහය ගෙනෙන ලග්න භාවවේ ආත්මකාරක ග්‍රහයා ලග්නයේ බලවත්වීම සහ පරිවර්ථනය වීම රවි- බුධ සංයෝගයේ බුධ ආධිත්‍ය යෝගය හෙවත් නිපුන යෝගය ඇතුළු ග්‍රහ බලය අනුව උසස් අධ්‍යාපන ක්ෂේත්‍රයට යොමුවීම තුලින් එහි දියුණුවත් එය රැකියාවේ මතු දියුණුවටත් අනාගත ඉහළ ආදායම්වල දියුණුව ඇතුළු ඔබට සුභඵල රැසක් ගෙනදීමට හේතු වේ. මෙම ග්‍රහ බලය අනාගතයේ ලැබීමට නියමිත උසස් ආදායමත් දෙගුණ තෙගුණ වන නිසා ඒ ගැන උනන්දු වන ධනු ලග්න හිමියන්ට අනාගත ජීවිතය සතුටුදායක ලෙස ගොඩ නංවා ගැනීමට මහෝපකාරී වෙයි.

රවි, බුධ, ගුරු දශා අනු දශා ගෙවන අයට මෙය හොඳ කාලයකි. මෙම ග්‍රහයන් 22 වෙනි දෙර්කාණාධපති හෝ 64 වෙනි නවාංශකාධිපති නොවේනම් ශුභඵල නියතය. ඔබගේ ජන්ම පතුයට අදාළ මෙවන් විස්තර බලා ගැනීමට අවශ්‍යනම් සහ කැමතිනම් අපගේ ජන්මපත්‍රය නිවැරදිද සහ පලාපල විස්තරාත්මකව යන සේවා ලබා ගන්න.

තව කියවන්න

ගුරු මාරුව ඔබේ ලග්නයට - කටක ලග්නය

කටක - Cancer

කටක ලග්නයෙන් උපන් ඔබට මෙම ග්‍රහ මාරුව බොහෝ අංශවලින් සුබදායකය. භාග්‍යස්ථානය අධිපති ගුරු ඔබගේ ලග්නයෙන් දෙවැන්න වූ ධනභාවයේ ගෝචරය ආරම්භ කිරීම මෙයට හේතුවයි. ධනය ලැබීම අතින් ඉතාමත් යහපත් වන අතර අමතර ආදායම් මාර්ග ලොතරැයි ජය ආදී හදිසි ධන ලාබ හිමි වන කාලයකි.

රැකියාවේ උසස් වීම් පිට පිට ලබන රැකියා ස්ථානයේ ප්‍රධානීන්ගෙන් මෙන්ම සෙසු අයගෙන් කීර්ති ප්‍රශංසා හිමිව සතුටින් කලු ගෙවිමට හැකිය. ව්‍යාපාර කරන්නන්ගේ ව්‍යාපාර හවුල් ව්‍යාපාරාදිය දිනෙන් දින දියුණුවට පත් වේ.

යහපත් මංගල යෝග ප්‍රේම සම්බන්ධතා යුගදිවි සැපත නොමදව ලැබෙන අතර දූ දරුවන්ගේ ආදරය සහ සැළකිල්ල වැඩි වන කාලයකි. නිවසේ උත්සව මානසික සුවය වන්දනා ගමන් ඇති වෙන සුබ කාලයකි.

සෙම් ආශ්‍රිත හා උදරාශ්‍රිත සුළු රෝග ඇති විය හැකි අතර සෞඛ්‍ය තත්වය යහපත්ය.


යාවත්කාලීන (අප්ඩේට්) වීමට නියමිතයි. සියලු විස්තර බලා ගැනීමට නැවත පැමිණෙන්න. යතුරු පුවරුවේ Bookmark සඳහා Ctrl + D ඔබා Enter කරන්න.

යාවත්කාලීන කරන ලදී - Updated 16-12-2015

රවි - ගුරු පරිවර්ථනය

දෙසැම්බර් 16 වෙනි දින සවස 2.42 ට රාජ්‍යකාරක රවි තම මිත්‍ර රාශියක් වූ ධනු රාශියට පිවිසෙයි. ඒ අනුව වසර දොළහකට පසු රවි - ගුරු පරිවර්ථන යෝගයක් උදා වේ.

2015 දෙසැම්බර් 22 වෙනි රාත්‍රී 10.6 ට කටක ලග්න හිමි ඔබගේ ග්‍රහ සටහන මෙහි දැක්වේ. රවි - ගුරු පරිවර්ථනය සහ චන්ද්‍රයා උච්ච වීම ඇතුළු ග්‍රහ බලය අනුව පලාපල මෙසේය.

ධනකාරකයෙකු වන ගුරුත්, ධනස්ථානය හිමි රවිත් පරිවර්ථනය සහ ලග්නාධිපති සඳු අයස්ථානයේ උච්ච වීමත් හේතුවෙන් ඔබට ධනය අතින් සුභඵල රැසක් ගෙනදීමට හේතු වේ.

වාසනාව ඔබ සොයා එන ග්‍රහ බලයක් පවතින අතර විශාල ධන ලාභ, ඔට්ටු, සූදු, ලොතරැයි දිනුම් ආකාරයේ ධනයකට හේතු වේ. කටක ලග්නය හිමි ඔබගේ යෝගකාරක කුජ වික්‍රමස්ථානයේ සිටින බැවින් කරන කියන කටයුතුවලට දැඩි උත්සාහය සහ කැප කිරීම් නොඅඩුව ඇත. හතරවැන්න වූ නිවාසස්ථානයේ සිකුරුගේ ස්වක්ෂේත්‍ර වීම සහ රවි -ගුරු පරිවර්ථනය නිවාස මිලදී ගැනීමට, නිවාස ඉදිකිරීමට සහ අලුත්වැඩියාවට හෝ නිවසට අවශ්‍ය භාන්ඩ මිලදී ගැනීමට අවශ්‍ය ග්‍රහ බලය විශ්වය විසින් සම්පාදනය කර ඇත. සුඛෝපභෝගී වාහනවල අයිතියද තමන් සතු කර ගැනීමට මෙම අවස්ථාවේ භාග්‍යය ලැබේ,

තරඟ විභාග සහ සම්මුඛ පරීක්ෂණවලින් ඉහළ ජයග්‍රහණ හිමි වේ. රැකියාවේ නිලතල උසස් වීම් සහ වැඩි වැටුප් ලැබීමේ හැකියාව සහ ව්‍යාපාරවල නියුතු අයගේ ව්‍යාපාර ජනප්‍රිය වී, දියුණු වී ආදායම් වැඩි දියුණු වනු ඇත. කටක හිමියන්ගේ අයස්ථානයේ ලග්නාධිපති සඳු උච්ච වීමෙන් ලැබෙන ධන කුවේර යෝගයේ නියමාකාර ප්‍රථිඵල භුකුති විඳීමට හැකි වනු ඇත.  

රවි, සඳු, කුජ, ගුරු දශා අනු දශා ගෙවන අයට මෙය හොඳ කාලයකි. මෙම ග්‍රහයන් 22 වෙනි දෙර්කාණාධපති හෝ 64 වෙනි නවාංශකාධිපති නොවේනම් ශුභඵල නියතය. ඔබගේ ජන්ම පතුයට අදාළ මෙවන් විස්තර බලා ගැනීමට අවශ්‍යනම් සහ කැමතිනම් අපගේ ජන්මපත්‍රය නිවැරදිද සහ පලාපල විස්තරාත්මකව යන සේවා ලබා ගන්න.

තව කියවන්න