කන්‍යා
විවිධ අභියෝග බාධක හමුවේ වුවත් බොහෝ කටයුතු ඉටුකර ගැනීමට හැකිවේ. අනවශ්‍ය කලබලකාරී බව නිසා වැඩකටයුතු අවුල් වන සහ වෙනත් ගැටලු නිර්මාණය වන තත්වයක් පෙනේ.ආදායම් වැඩි වී මිල මුදල් අතින් යහපත් වුවද වියදම් පක්ෂය බොහෝ සෙයින් ඉහළ යනු ඇත. ගෙදරදොර අලංකාරය සහ භාණ්ඩ මිලදී ගැනිම සඳහා වියදම් වේ. අලුතින් ණය වීම සහ පැවතියා වූ පැරණි ණය ගනු දෙනු විසඳා ගැනීමට අවස්ථාවක් ද සැළසේ. මූල්‍ය ආයතන සමග කරන ගණුදෙනු මගින් සහන හෝ ලාභ ලැබෙන මාසයකි.
රැකීරක්ෂා ක්ෂේත්‍රෙය් නව මුහුණුවරක් ගනී උනන්දුව උත්සාහය වැඩි වෙයි. ප්‍රධානීන්ගේ අවධානයට පාත්‍ර වේ. සතුරු කරදර රහසේ වර්ධනය වෙයි. ව්‍යාපාර හිමියන්ගේ උනන්දුව සහ කැප කිරීම නිසාම ඉන් ලබන ආදායම වැඩි වේ. ඉන් උදම් වුවහොත් අත්‍යාවශ්‍ය නොවන සුඛෝපභොගී දෑ සදහා වියදම් වැඩි වේ.
අධ්‍යාපනයේ නිරත වෙන්නන්ගේ උනන්දුව සහ උත්සාහය වැඩි වේ. විභාග සහ සම්මුඛ පරික්ෂණවලින් ජය ලැබේ. සන්සුන්කම සහ බුද්ධිමත්කම නොවුනහොත් කටයුතු අවුල් විය හැක. බාහිර කටයුතුවලින් ඈත් වීම නුවණට හුරුය.
නිවසේ පවතින අඩු ලුහුඩුකම් විසදා ගැනීමෙන් සතුටට පත් වේ. පවුලේ කටයුතු සඳහා වැඩි කාලයක් මිඩංගු වේ. මත ගැටුම් මතු වුවත් ඒවා දුරදිග නොගොස් පවුලේ සාමාජිකයන් හා සමගිය සමාදානය පවතී. මංගල යෝග ඇත. විවාහ උත්සව කඩිනම් වීම හෝ ස්ථිර වීමක් පෙනේ.
වාත සහ රත් පිත් රෝග ඇති අය නිසි බේත් හේත් කල යුතුය. සාමාන්‍යයෙන් බරපතල රෝගී තත්වයන් අලුතෙන් ඇති නොවේ.
ජය වර්ණය කොළ
ජය අංක 1, 2, 9
0 comments :
Post a Comment