වෘෂභ පොදු ගෝචර ලග්න පලාපල - 2021 ජූලි

 

ග්‍රහස්ථුඨ බැලීම සඳහා ඉහත පිංතූරය මත ක්ලික් කරන්න.

ග්‍රහ මාරු 2021 ජූලි

• සඳු ග්‍රහයා දින 2යි 1/4කින් රාශියෙන් රාශියට ගෝචරය වෙයි. 
• බුධ ග්‍රහයා 2021 ජූලි 7 වෙනිදා පෙ.ව. 11:12 ට මිථුන රාශි ගත වෙයි. 
• රවි ග්‍රහයා 2021 ජූලි 16 වෙනිදා ප.ව. 4:53 ට කටක රාශි ගත වෙයි. 
• සිකුරු ග්‍රහයා 2021 ජූලි 17 වෙනිදා පෙ.ව. 9:26 ට සිංහ රාශි ගත වෙයි. 
• කුජ ග්‍රහයා 2021 ජූලි 20 වෙනිදා ප.ව. 5:55 ට සිංහ රාශි ගත වෙයි. 

වෘෂභ ලග්න පලාපල

(තර්ක: ලග්නාධිපති සිකුරු සමග කුජ 3 වැන්නේ. කුජ නීචයි, සිකුරු සතුරුයි. සුභයි. බුධ රාහු ලග්නයේ - හොඳයි. ගුරු 10 කේන්ද්‍රගතයි ආදායම් දියුණුව. රවි 2 තැන්පත් ධනය. ශනි 9 ස්වක්ෂේත්‍රයි. තිර රාශි 9 බාධකයි.)

පොදු

මාසය ආරම්භයේ සිටම සිතට යම් සහනයක් දැනේවි. වැඩ රාජකාරි බහුල වුවත් විඩාවක් නොමැතිව ඒ්වායෙහි නිරත වීමට හැකියාව ඇති වේ.  පළමු සති දෙකෙන් පසුව තත්වය තව තවත් යහපත් අතට හැරී ශක්තිමත් බවක් හා උනන්දුව උත්සාහය වැඩි වී ඇසුරු කරන්නන් අතරත් කැපී පෙනෙයි. මේ තත්වය තේරුම් ගෙන තම කටයුතුවල නිරත වූවොත් ඔබට සතුටින් කල් ගෙවීමට හැකියාව ලැබේ. දේශපාලන සහ සමාජ කටයුතුවල නිරත අයට සහ රජයේ උසස් තනතුරු හොබවන අයගේ කීම් සමාජය පිළි ගන්නා කාළයකි. ඒහෙත් චරිතය හා පෞර්ශත්වය පිරිසිදුව තබා ගැනීමට නිබඳව උනන්දු විය යුතුය.

ධනය

රැකියාවලින් සහ ව්‍යාපාරවලින් ලැබෙන අදායම් තත්වය හොඳයි. තැන්පත් ධනයක් ඇති කර ගැනීමටත් පුලුවන් කාලයකි.  කතාවෙහි දක්ෂකම මෙන්ම යහපත් චරිතයක් හා පෞර්ශත්වයක් ගොඩ නගා ගෙන තිබෙන ගුරුවරුන්ට මෙය ආදායම් ගලා එන කාලයකි. හවුල් ව්‍යාපාරවලින් ආදායම් සහ ලාභ ලැබේ. 

රැකියාව

රැකියාවල නියුතු අයට උසස් වීම් හා වගකීම් පැවරෙනවා. ව්‍යාපාර හා ස්වයං රැකියාවන්හි නියුතු අයටද ප්‍රථිපල සහ ආදායම් ලැබේ. හවුල් ව්‍යාපාර කරන අයට කටයුතු සාර්ථකව දියුණුව කරා ලෙන යා හැකිය. ප්‍රකාශන අංශයේ ව්‍යාපාර කරන අය ජනප්‍රිය වීමට සහ දියුණුවට පත් වෙන සුභ ග්‍රහචාරයකි. ඒහෙත් වගා කටයුතුවල නියැලෙන අයට විවිධ බාහිර ගැටලු නිසා ඒ්වා නිසියාකාරව කිරීමට නොහැකි වීමෙන් අලාභ හා වගා පාලු වීමට ඉඩ තිබෙන නිසා ඒ්වා පිළිබඳව වැඩි උනන්දුවක් දැක්විය යුතුයි. ගුරු රාහු මහ දසා අතුරු දසා ගත කරන අයට රැකියාවේ අපහසුතා අස්ථාන ‌චෝදනා රැකියා වෙනස් වීම් ආදී ගැටලු ඇති වීමට පුලුවන් නිසා ඒ්වාට හේතු වන දේවලින් වැළකීම යහපත්.  

අධ්‍යාපනය

අධ්‍යාපනය ලබන වයසේ පසුවන අයට හොඳයි. ඉගෙන ගන්නා වයසේ දරුවන් සිටින දෙමාපියන්ගේගේද අරමුණු ඉටුවේ. විශේෂයෙන්ම ග්‍රථ කටයුතුවල නිරතවන අයට මෙතෙක් අත පසු වෙමින් තිබූ අත් පිටපත් ප්‍රකාශනය කිරීමට උනන්දු වුවහොත් ඒ කටයුතු සාර්ථක කර ගැනීමට පුලුවන් කම ලැබෙනවා.

ගෘහ ජීවිතය

විරුද්ධ පාර්ශවයන් කෙරෙහි වැඩි අවධානයක් යොමු වෙන කාලයකි. තරුණ තරුණියන්ට යහපත් ප්‍රේම සම්බන්ධතා ගොඩ නැගෙන, ප්‍රේම සම්බන්ධතා සහ විවාහ අපේක්ෂකයන්ට ඒ්වා ස්ථිර වීමට සුභ කාලයකි. විවාහක අයගේ අතර ආදරය සමගිය වර්ධනය වෙන හා ගෘහ ජීවිතය යහපත්. දරුවන් බලාපොරොත්තුව  සිටින විවාහකයන්ට මෙය හොඳ කාලයකි. ගේ දොර නවීකරණයට හා අලංකරණයට වැඩි කාලයක් ගත කරමින් සතුටු වීමටද හැකියාව ඇත.

සෞඛ්‍යය

පීනස හා සෙම් රෝගවලට පහසුවෙන් ගොදුරු විය හැකිය. ඇදුම හතිය පපුව ආශ්‍රිත රෝග තිබෙන අය අනිවාර්යයෙන්ම වෛද්‍ය ප්‍රතිකාර ගත යුතුය.

තව කියවන්න

ගුරු මාරුව ඔබේ ලග්නයට - වෘෂභ ලග්නය

වෘෂභ - Taurus

වෘෂභ ලග්න හිමි ඔබගේ හතරවැනි භාවයට ගුරුගේ සම්ප්‍රාප්තිය සුබදායකයි. මාතෘස්ථානය සහ ගෘහස්ථානය නියෝජනය කරන හතරවැන්නට ගුරු පැමීණීමෙන් ඊට අදාළ කටයුතුවල දියුණුවක් දැකිය හැකිය. දෙමව්පිය උරුමයෙන් යම් දේපලක් ලැබීමට කටයුතු සැළසෙන හෝ මව් පාර්ශවය සම්බන්ධ දේපල ගැටළුවක් තමන්ට වාසිදායක ලෙස විසඳා ගැනීමට අවශ්‍ය පරිසරය සකස් වෙන කාලයකි. නිවාස මිලදී ගැනීමක්, වැඩිදියුණු කිරීමක්, මෙතෙක් ප්‍රමාද වූ හෝ තාවකාලිකව වැඩ නැවතුන නිවාස සම්බන්ධ කටයුතු නැවතත් ආරම්භ කිරීමට ඔබට සිතෙන සහ ඊට අනුබල ලැබෙන කාලයකි.

එසේම වාහන මිලදී ගැනීම විකිණීම ආදී කටයුතු සාර්ථකත්වයට පත් වෙන අතර, විකුණා ගැනීමට ප්‍රමාද වූ අළුත්වැඩියා කරන ලද වාහන විකුණා ගැනීමටද අවස්ථාව ලැබේ.

රැකියා අපේක්ෂකයන්ගේ අරමුණු ඉටුවී නව රැකියාවන් ලැබීමේ වැඩි ඉඩක් පවතී. මෙම ගුරු මාරුවත් සමග වෘෂභ ලග්න හිමියන්ගේ රැකියා සහ වෘත්තීය ක්ෂේත්‍රයේ දියුණුවට මග පෑදේ. ව්‍යාපාරිකයන් නව ව්‍යාපාර කෙරෙහි උනන්දු වන අතර ඒවා පාරිභෝගිකයන්ගේ දැන ගැනීම පිණිස ප්‍රවර්ධනය කිරීමට ද උනන්දුවන කාලයකි. එවන් ආයෝජන අනාගත ලාභ ලැබීමට හේතු වේ.


යාවත්කාලීන (අප්ඩේට්) වීමට නියමිතයි. සියලු විස්තර බලා ගැනීමට නැවත පැමිණෙන්න. යතුරු පුවරුවේ Bookmark සඳහා Ctrl + D ඔබා Enter කරන්න.

යාවත්කාලීන කරන ලදී - Updated 16-12-2015

රවි - ගුරු පරිවර්ථනය

දෙසැම්බර් 16 වෙනි දින සවස 2.42 ට රාජ්‍යකාරක රවි තම මිත්‍ර රාශියක් වූ ධනු රාශියට පිවිසෙයි. ඒ අනුව වසර දොළහකට පසු රවි - ගුරු පරිවර්ථන යෝගයක් උදා වේ.

2015 දෙසැම්බර් 22 වෙනි රාත්‍රී 10.6 ට වෘෂභ ලග්න හිමි ඔබගේ ග්‍රහ සටහන මෙහි දැක්වේ. රවි - ගුරු පරිවර්ථනය සහ චන්ද්‍රයා උච්ච වීම ඇතුළු ග්‍රහ බලය අනුව පලාපල මෙසේය.

වෘෂභ ලග්නය හිමි ඔබගේ ශුභ ග්‍රහයෙකු වන රවි සහ හතරවැන්නේ සිටින ගුරු සමග පරිවර්ථනය වීමත්, සඳු ලග්නයේ උච්ච වීමත් හේතුවෙන් යම් අංශවල සුභඵල ගෙනදීමට හේතු වේ.

හතරවෙනි භාවයේ සිටින ගුරු සමග අට වැන්නට ගෝචරය වුන රවි අතර පරිවර්ථනය හේතුවෙන් මෙතෙක් පැවතියා වූ නිවාස සම්බන්ධ ගැටලු, සහ විසඳා ගැනීමට අපහසු වූ ප්‍රශ්න හෝ නඩු හබ ඔබේ වාසියට පෙරළෙයි. මව හෝ මව් පාර්ශවය සමග පැති දේපල උරුම හිමිකම් සමාදානයෙන් විසඳා ගැනීමට ඉඩ ලැබෙන කාලයකි. වාහන ලැභ ඇති කෙරේ. කපටි පුද්ගලයන්ගේ කතා බහට රැවටීමට ඉඩ ඇති නිසා ඒ පිළිපඳ හොඳ සිහියෙන් සිටීම වැදගත්ය.  ඔබේ ලග්නයේ තුන්වැන්න හෙවත් වික්‍රමස්ථානයේ අධිපති වූ සඳු ලග්නයේ උච්ච වීම මත බලවත් ආත්ම ශක්තියක් ගොඩ නැගෙන අතර සහෝදර සහෝදරියන් සමග කිට්ටු සබඳතා ඇති කර ගනී. ශාස්ත්‍රීය අංශයෙන් කීර්තියත් ප්‍රසිද්ධියත් ඇති වේ.

අධ්‍යාපනය ලබන දරුවන් තම බලාපොරොත්තු මුදුන්පත් කර ගැනීමට උත්සාහයෙන් උනන්දුවෙන් සහ කැපකිරීම් මගින් ජයග්‍රහණ උදාකර ගත යුතුය. කම්මැලිකම පසුබැසීම වහාම ඉවත් කර ගතහොත් තරඟ විභාදීන්ය මුහුණ දීමට කිසිසේතු අමාරු කාරියක් නොවේ.

රැකියා ලාභ සහ රැකියාවේ තත්වය දියුණු වනු ඇත. ව්‍යාපාර ක්‍ෙෂ්ත්‍රෙය් නියැලී සිටින අයට ස්ථිර දියුණුවක් ලැබේ. පවුලේ අයෙකුට හා තමනට විවිධ රෝගයන්ට ගොදුරු වීමට ඉඩ ඇති අතර සෙම් රෝග, අධිර රුධිර පීඩනය ලේ දූෂ්‍ය විම් ආදියට ඉඩ ඇත.

රවි, කුජ, කුජ දශා අනු දශා ගෙවන අයට මෙය හොඳ කාලයක් වන අතර, ඔබගේ 22 වෙනි දෙර්කාණාධපති හෝ 64 වෙනි නවාංශකාධිපති සහ භාධක ග්‍රහයාගේ කාලයක් නොවේනම් ශුභඵල මධස්ථය. ඔබගේ ජන්ම පත්‍රයට අදාළ මෙවන් විස්තර බලා ගැනීමට අවශ්‍යනම් සහ කැමතිනම් අපගේ ජන්මපත්‍රය නිවැරදිද සහ පලාපල විස්තරාත්මකව යන සේවා ලබා ගන්න.

තව කියවන්න