.

ඔබට අවශ්‍ය වේලාවක සේවාවන් සක්‍රීය කර ගැනීම සඳහා ඔබේ පලාපල ගිණුමට ටොප් අප් කරන මුදලට දෙගුණයක වටිනාකමක්! මෙම දීමනාව සීමිත කාලයකට පමණයි.

...

2015 ඔක්තෝබර් ඔබේ ලග්නයට කොහොමද?

පවතින ග්‍රහචාරය අනුව 2015 ඔක්තෝබර් මාසය ලග්න රැසකට වාසි රැසක් උදාකර දෙයි. විශේෂයෙන්ම ජීවිතයේ අමතක නොවන සිහිවටන එක් කිරීමට සමත් වෙයි. ඒ අනුව මෙම වසරේ ඔක්තෝම්බරය එක් එක් ලග්නයට බලපාන්නේ කෙසේද යන්න බලමු.

ගුරු මාරුව ඔබේ ලග්නයට කෙසේද?

රවි හිමි සිංහ රාශිය ගුරුට මිත්‍ර රාශියකි. එබැවින් මෙම ග්‍රහ මාරුව බොහෝ දෙනෙකුට සුබඵල ගෙන දීමට සමත්ය.

නිවැරදි ජ්‍යොතිෂය වෙනුවෙන් ඔබේ දායකත්වය

මෙම ලිපිය කියවන ඔබ ‍‍ ජ්‍යොතිෂ පළිබඳ විශ්වාස කරන, නොකරන ‍හෝ මධ්‍යස්ථ මත දරන්නනෙක් විය හැක. තවත් සමහර විටක ඔබේ ජන්ම පත්‍රය ජ්‍යොතිෂඥයෙකු ලවා විග්‍රහ කර නොගත් අයෙක් විය හැක. ...

මේ වසරේ සිදු වෙන සුවිශේෂී ග්‍රහ මාරුව

ග්‍රහ මණ්ඩලයේ බලවත්ම සුභ ග්‍රහයා වන බ්‍රහස්පති හෙවත් ගුරු රවි හිමි සිංහ රාශිගත වීම මේ වසරේ සිදු වෙන සුවිශේෂී ග්‍රහ මාරුවයි.

Saturday, October 3, 2015

වෘෂභ ලග්න පලාපල - ඔක්තෝබර් 2015

වෘෂභ

බුද්ධිමත් වබ සහ උත්සාහය සමගින් තම කටයුතු සාර්ථකව පවත්වා ගෙන යා හැකි ග්‍රහ තත්වයක් නිර්මාණය වේ. මංගල යෝජනා ඉදිරිපත් වුවුත් ස්ථිරත්වයට පත් නොවේ. අබියෝග ජය ගැනීමට සමත් වෙයි. විදේශ රැකියා හෝ නව රැකියා. හිසේ සහ ඇස් රෝග අවදානමක්.


වෘෂභ ලග්න හිමියන්ගේ ඔක්තෝබර් මස ග්‍රහචාරය අනුව බලාපොරොත්තු රැසක් සාර්ථක ලෙස ඉටුවන බව කිව හැකිය. යෝගකාරක ශනි සතුරු රාශිගත වුවත් දික්බලව හත්වැන්නේ සිටී. ලග්නාධිපති සිකුරු ඔබට ශුභ ග්‍රහයෙකු වූ කුජ සමග හතරවැන්නේ සිටිමින් එකොළොස්වැන්න වූ අයස්ථානාධිපති ගුරු සමග සංයෝගයෙන් ගෝචරය වන මේ කාලය ඔබගේ ගෙදරදොර කටයුතු ඔබ සිතනවාටත් වඩා හොඳින් සිදුවන බව කිවහැකිය. කුටුම්භස්ථනය වු දෙවැන්න සහ පුත්‍රස්ථානය හිමි පස්වැන්නේ එහි අධිපති බුධ ස්වක්ෂේත්‍ර නිසා නිවස තුල සාමය සමාදානය සහ සතුට රජයනු ඇත. උනන්දුව උත්සාහය වැඩිවෙන අතර බුද්ධිමත් බවද තිරිහන් වනු ඇත. සැහැල්ලුවෙන් විසිය හැකි කාල සීමාවකි. තරුණ අයට දෙමාපිය සහෝදර සහෝදරියන්ගේ නොමද සහයෝගය ද විවාහ අපේක්ෂකයන්ට මංගල යෝගද පවතින කාලයකි. එහෙත් විවාහ ස්ථිර කර ගැනීමට කල්ගත වනු ඇත. විවාහක අයට යහපත් දරුවන්ද, දරු මුනුඹුරන් සිටින අයට චිත්තප්ප්‍රීතියද නොඅඩු ලැබෙනු ඇත.  

රැකියා ස්ථානය වූ දසවැන්න අධිපති සෙනසුරු හත්වැන්නේ තවදුරටත් සතුරු රාශියේම ගමන් කිරීම හේතුවෙන් රැකියා ස්ථානයේ යම් යම් අයගේ බලපෑම් නිසා කටයුතු අවුල් වුවත්, ඔබගේ යෝගකාරක වු ශනි අයස්ථානයට, ලග්නයට සහ හතරවැන්නට දෘෂ්ඨි හෙළීම හේතුවෙන් රැකියාව, ආදායම, ඔබගේ තත්වය සහ ගෙදරදොර පරිසරය ඔබට හිතකාමී වනු ඇත.  නව රැකියා බලාපොරාත්තු වන අයට සුදුසු රැකියාත් කැපවීමෙන් රැකියා කරන අයට විවිධ වරප්‍රසාදත් රැකියාවට සරිලන ආදායමත් ලැබෙන බව සහතිකය.

අධ්‍යාපනය නියෝජනය කරන හතරවැන්න සහ පස්වැන්න ශක්තිමත් බැවින් රාජ්‍ය අංශයේ රැකියා අභිමුඛ අධ්‍යාපන කටයුතු්වල සාර්ථක වීමත්, වෘත්තීය අධ්‍යාපනයට අවතිර්ණ වීමත්, පරිගණක ඉංජිනේරු කළමණාකර ආදී අධ්‍යාපනවල නියැලෙන්නන්ට උසස් ප්‍රෙව්ශයත්, කලාව සම්බන්ධ අධ්‍යාපන කටයුතුවල වර්ධනයත් දක්කට හැකිය. තීරණ ගැනීමේදී යම් දුර්වලතා මගහරවා ගැනීමට බුද්ධිමත් අයගේ උපදෙස් ලබා ගන්න. බාධක අවහිරතා ඇතත් ඒවා මැඩ අනාගතය අධ්‍යාපනය තුලින් ජය ගැනීමට සහ ඔබගේ ඉලක්කයන් සපුරා ගැනීමට මෙම ග්‍රහචාරය මගින් අවස්ථාව ඇත.

පීනස, හිසේ වේදනා සහ ඇස් රෝග ආදියට මුහුණ දීමට ඉඩ තිබෙන බැවින් ඉන් මිදීමට කටයුතු කිරීම සුදුසුය.

ජය අංක - 1, 3, 5
ශුභ දින -  සඳුදා, බදාදා, සිකුරාදා
ශුභ වර්ණ - ලා නිල්, කහ


මේෂ ලග්න පලාපල - ඔක්තෝබර් 2015

මේෂ

ගෙදරදොර කටයුතු ක්‍රමවත්ව පවත්වාගෙන යෑමට කැප වෙයි. රැකියාවේ වැඩකටයුතු බහුල තත්වයක් ඇති වේ. සුදුසුකම් මත උසස් හෝ වරප්‍රසාද සහිත රැකියාවනට සිත යොමු වේ. සාර්ථක අධ්‍යාපනයක් කරා යොමු වේ. උදරාබාධ සහ අම්ල පිත්ත ‍රෝග අවදානමක්.

මේෂ ලග්න හිමියන්ගේ ඔක්තෝබර් මස ග්‍රහචාරය අනුව මිශ්‍ර ඵල ලැබෙන බව කිව හැකිය.  ප්‍රධාන යෝගකාරක රවි බාධක ස්ථානය වූ හය වැන්නේ සිට තුලාව වූ හත්වැන්නට මේ මස 18 වෙනිදා සම්ප්‍රාප්ත වී ලග්නය සහ දෙවැන්න පෝෂණය කරන තෙක් ගෙදරදොර කටයුතු ක්‍රමවත්ව පවත්වා ගෙන යෑමට අපොහොසත් වීමත්, පවුලේ ඥාතීන් සමග සුහදතා පළුදු වීමට ඉඩ ඇති නිසා කල්පනාකාරී විය යුතුය. බලවත් මංගල යෝග නොවන නිසා විවාහ වීමට බලාපොරොත්තු වන අය තම අදහස් මදක් කල් දැමිය යුතුය. විවාහකයන් තම පවුලේ සමගිය ආරක්ෂා කර ගැනීමට සිතට ගත යුතුය. යෝග කාරක ගුරු සහ ලග්නාධිපති කුජ පස්වැන්නේ සිටිමින් ලග්නය සහ පුණ්‍ය ස්ථානය වු නවවැන්න දැකීම මහත් අස්වැසිල්ලක් සහිත ශුභ ගෝචරයකි. ඉන් ඔබට බාධක මැඩ කටයුතු සාර්ථක කර ගැනීමේ අවස්ථාවද ඇති අතර, දරුවන්ගේ කටයුතු වෙනුවෙන් කැප වීමෙන් ඔබට ඒවායින් සාර්ථක ප්‍රථිපල ලැබෙනු ඇත.

රැකියා ස්ථානය වූ දසවැන්න අධිපති සෙනසුරු අටවැන්නේ තවදුරටත් ගමන් කිරීම හේතුවෙන් සහ දසවැන්නට සහ චන්ද්‍රයාට දෘෂ්ඨි හෙළීම හේතුවෙන් මෙතෙක් පැවති වෘත්තීමය ගැටලු තවදුරටත් බලපානු ඇත.  වෘත්තීමය කටයුතු අධික වීම වැඩකටයුතු අවුල් වීම සහ මානසික නොසන්සුන්තාවය පැවතියත් බුද්ධිමත් ඔබට ශනිගේ එම දෘෂ්ඨියෙන්ම ලැබෙන වාසිද අත්පත් කර ගත හැකිය. නව රැකියා සහ විදෙස් රැකියා සම්බන්ධ කටයුතු සඵල වන බව ඉන් ඉඟි කෙරේ.

අධ්‍යාපනය නියෝජනය කරන පස්වැන්නාධිපති රවි හය වැන්න වූ බාධක ස්ථානයේ සිටිමින් රාජ්‍ය අංශයේ අධ්‍යාපන කටයුතු්වල නියැලෙන්නන්ට යම් බාධක අවහිරතා ඇතත් ඒවා ප්‍රභල නොවනු ඇත. හයවැන්නාධිපති බුධ එහිම ස්වක්ෂේත්‍රව සිටීම සහ අධ්‍යාපනයට කාරක වූ ගුරු විද්‍යස්ථානය වූ පස්වැන්නේ සිටිමින් අධ්‍යාපනය තුලින් ඔබගේ ඉලක්කයන් සපුරා ගැනීමේ අවස්ථාවද ඉන් උදාකර ඇත. ධෛර්ය සම්පන්නව උනන්දුවෙන් කැපවීමේන් ඉගෙනුම ලබන සිසු සිසුවියන්ට ඉහත බාධක ජය ගැනීමට මෙමගින් අවස්ථාව ඇත.

උදරාබාධ සහ අම්ල පිත්ත ‍රෝගවලට මුහුණ දීමට ඉඩ තිබෙන බැවින් ඉන් මිදීමට කටයුතු කිරීම සුදුසුය.

ජය අංක - 4, 5
ශුභ දින -  සඳුදා, බ්‍රහස්පතින්දා
ශුභ වර්ණ - ලා දුඹුරු, අලු









Friday, July 17, 2015

ගුරු මාරුව ඔබේ ලග්නයට කෙසේද?


බ්‍රහස්පති හෙවත් ගුරු ග්‍රහයා 2015 ජූලි මස 14 ‍වෙනිදා සිට 2016 අගෝස්තු මස 12 වැනිදා දක්වා වසරකට අධික කාලයක් රවිට අයිති සිංහ රැසෙහි ගෝචරය වනු ඇත. රවි හිමි සිංහ රාශිය  ගුරුට මිත්‍ර රාශියකි. එබැවින් මෙම ග්‍රහ මාරුව බොහෝ දෙනෙකුට සුබඵල ගෙන දීමට සමත්ය.

ගුරු ග්‍රහයා කිසියම් ජන්ම කේන්ද්‍රයක 1, 2, 4, 5, 7, 9, 10, 11 යන භාවයක සිටීම සුබදායකය. එවිට අශුභ වන්නේ ගුරු 3, 6, 8, 12 සිටින විටදීය. ඉන් ධනු ලග්නයට පමණක් ගුරු 8 වැනි භාවයේ සිටීම අශුභ නොවේ. එයට හේතුව වන්නේ ධනු ලග්න හිමියාගේ 8 වෙනි භාවය කටක රාශිය වීමෙන් ගුරු එහිදී උච්ච වන බැවිනි. එසේම මකර ලග්න හිමියන්ටද ගුරු 8 වැන්නේ සිටීමේ දෝෂය අඩු වීමට හේතුවක් ඇත. එනම් මකර ලග්න හිමියාගේ 12 වෙනි භාවය ධනු ලග්නයයි. 12 වැන්නාධිපති 8 වැන්නේ සිටීමෙන් විමල යෝගය උදාවීම ඊට හේතුවයි. එසේම පරිවර්ථන යෝග මගින් ගුරු 8 වෙනි භාවයේ සිටීමේ දෝෂය අහෝසි වේ. එනම් කිසියම් කේන්ද්‍රය ගුරු 8 වැන්නේ සිටියදී එම අටවැන්න අයිති රාශ්‍යාධිපතියා ගුරුට අයිති භාවයක සිටීමයි. එසේම නීචභංග රාජ යෝගය මගින්ද 8 වෙනි භාවයේ ගුරු සිටීමේ දෝෂය කිසියම් සමනයකට පත් වේ.

කාරක අයිතීන් කිහිපයක් ගුරුට ඇත. ඒවා නම් ධර්මකාරක, ඥාණකාරක, ධනකාරක, පුත්‍රකාරක ආදී වශයෙනුයි. රාශි චක්‍ර යේ ගුරුට අයිති රාශි දෙකකි. ඒ ධනුව හා මීනයයි. මේ රාශි දෙකේදී ගුරු ස්වක්ෂේත්‍ර වේ. කටකය ගුරුගේ උච්ච රාශියයි. මකර රාශිය ගුරුට නීචය.

.ගුරු ග්‍රහයා පිළිබඳව මෙවන් කරුණු රැසකි. අපඅ ඒවා ඉදිරියේදී ජ්‍යෝතිෂ පාඩම් මගින් විමසා බලමු. මෙම ග්‍රහ මාරුව එක් එක් ලග්නවලට බලපාන අයුරු දැන් අපි බලමු.

ගුරු මාරුව ඔබේ ලග්නයට - මේෂ ලග්නය
මේෂ - Ariesමේෂ ලග්නය හිමි ඔබගේ ලග්නයෙන් පස්වැන්නට...

ගුරු මාරුව ඔබේ ලග්නයට - වෘෂභ ලග්න
වෘෂභ - Taurusවෘෂභ ලග්න හිමි ඔබගේ හතරවැනි භාවයට...

ගුරු මාරුව ඔබේ ලග්නයට - මිථුන ලග්නය
මිථුන - Geminiමිථුන ලග්න හිමියන්ගේ ලග්නයෙන්...

ගුරු මාරුව ඔබේ ලග්නයට - කටක ලග්නය
කටක - Cancerකටක ලග්නයෙන් උපන් ඔබට මෙම ග්‍රහ මාරුව...

ගුරු මාරුව ඔබේ ලග්නයට - සිංහ ලග්න
සිංහ - Leo මෙවර ගුරු ග්‍රහයා සංහ ලග්නයෙන් ...

ගුරු මාරුව ඔබේ ලග්නයට - කන්‍යා ලග්නය
කන්‍යා - Virgoමෙවර ගුරු ග්‍රහයා කන්‍යා ලග්න...

ගුරු මාරුව ඔබේ ලග්නයට - තුලා ලග්නය
තුලා - Libraලග්නයෙන් එකොළොස්වැන්නේ ගුරු ගෝචරය වන ..

ගුරු මාරුව ඔබේ ලග්නයට - වෘශ්චික ලග්නය
වෘශ්චික - Scorpioදෙවැන්න වූ ධනස්ථානය අධිපති...

ගුරු මාරුව ඔබේ ලග්නයට - ධනු ලග්නය
ධනු -Sagittariusමෙම ග්‍රහ මාරුව සමගින් ඔබගේ...

ගුරු මාරුව ඔබේ ලග්නයට - මකර ලග්නය
මකර - Capricornමකර ලග්නය හිමි ඔබේ අටවැන්නේ ගුරු...

ගුරු මාරුව ඔබේ ලග්නයට - කුම්භ ලග්නය

කුම්භ - Aquariusකුම්භ ලග්න හිමියන්ගේ දෙවැන්න වූ...

ගුරු මාරුව ඔබේ ලග්නයට - මීන ලග්නය
මීන - Piscesමීන ලග්නය හිමි ඔබගේ රෝගස්ථානය වන...

ගුරු මාරුව ඔබේ ලග්නයට - මීන ලග්නය

මීන - Pisces

මීන ලග්නය හිමි ඔබගේ රෝගස්ථානය වන හයවැන්නට ගුරු පැමිණීම යහපත් නොවේ. සතුරු කරදර සහ සෞඛ්‍ය ගැටලු ඇති වීමට මෙය හේතුවක් විය හැකි අතර ඒවාට බුද්ධිමත්ව මුහුණ දීමට ඇති හැකියාවද ඇත.

ධනකාරක ගුරු ත්‍රිකෝණ දෘෂ්ඨියෙන් යුතුව ඔබගේ රැකියාස්ථානය දැකීම මගින් විවිධ බාධා ගැටලු මධ්‍යයේ වුවද ඔබගේ වෘත්තීය මට්ටම ආරක්ෂා වේ. එබැවින් සැළකිය යුතු ධෛර්යය සම්පන්න බවකින් රැකියාවෙන් සහ ව්‍යාපාරවලින් ආදායම් ලබා ගත හැකි වේ. එහෙත් මුදල් අඟහිඟතාවයන්ට මේ කාලයේ මුහුණ දීමටද සිදු වේ. විදෙස් ගමන් බලාපොරොත්තු අයගේ අදහස් සඵල වීමද උසස් මිතුරන්ගෙන් උදව් උපකාරද බලාපොරොත්තු විය හැකිය.

ප්‍රේම සම්බන්ධතා සහ විවාහ ගිවිස ගැනීම් ඉතා කල්පනාවෙන් කල යුතුය. යුගදිවි ගෙවන්නන් අතර සුළු සුළු ප්‍රශ්න ඇති වීමට ඉඩ ඇත. දරුවන් ලැබීමට සිටින මව්වරුන් පැමිණෙන ගැටලු ගැන සිහිනුවණින් සිටිය යුතුය. ඉදිරි අනාගතය සුබ වන නිසා ඒ ගැන සිතා උපේක්ෂාවෙන් යුතුව සහ ධර්මානුකූලව කල් ගෙවිය යුතුය. නැතහොත් අධික රුධිර පීඩනය ආදී අනවශ්‍ය රෝගාබාදයන්ට ලක්විය හැකිය.

සෞඛ්‍ය තත්වය පිරිහීම මගින් ශාරීරික දුබලතාවයන් අැති වීමට ඉඩ ඇති කලයකි. එබැවින් හොඳ මානසිකත්වයකින් සහ අපේක්ෂාවෙන් යුතුව මෙම කෙටි කාලයට මුහුණ දීම සුදුසුය.

යාවත්කාලීන (අප්ඩේට්) වීමට නියමිතයි. සියලු විස්තර බලා ගැනීමට නැවත පැමිණෙන්න. යතුරු පුවරුවේ Bookmark සඳහා Ctrl + D ඔබා Enter කරන්න.

යාවත්කාලීන කරන ලදී - Updated 16-12-2015


රවි - ගුරු පරිවර්ථනය

දෙසැම්බර් 16 වෙනි දින සවස 2.42 ට රාජ්‍යකාරක රවි තම මිත්‍ර රාශියක් වූ ධනු රාශියට පිවිසෙයි. ඒ අනුව වසර දොළහකට පසු රවි - ගුරු පරිවර්ථන යෝගයක් උදා වේ.

2015 දෙසැම්බර් 22 වෙනි රාත්‍රී 10.6 ට මීන ලග්න හිමි ඔබගේ ග්‍රහ සටහන මෙහි දැක්වේ. රවි - ගුරු පරිවර්ථනය සහ චන්ද්‍රයා උච්ච වීම ඇතුළු ග්‍රහ බලය අනුව පලාපල මෙසේය.

යෝගකාරක කුජ හත්වැන්නේය ගුරු බාධක ස්ථනයේය. රවි රැකියා ස්ථානයේය.  සඳු වික්‍රමස්ථානයේ උච්ච වීමත් හේතුවෙන් ඔබට කිසියම් ලෙසක සුභඵල ගෙනදීමට හේතුවකි.

මෙම කාලය ඉතාමක් කාර්යය බහුල ලෙස ගෙවී යයි. ගෙදර දොර තත්වය හිත මිතුරන් නෑදෑයන් ගැන සිතීමට කාලයක් නැත. උත්සාහය උනන්දුව කැපකිරීම නොඅඩුව ඇති වන බැවින් රැකියාවේ කටයුතු කලට වේලාවට කරමින් උසස් අයගේන් කීර්ති ප්‍රසශංසා නිබදව ලැබේ. රැකියාවේ උසස් වීම් සහ වගකීම් බහුල වන බවක් පෙනේ. විදේශ සංචාර හිමි වේ. සතුරන් පරාජයට පත් වේ. ව්‍යාපාරාදියෙන් ලාභ මෙන්ම දියුණුවද ඇති වේ. වයාපාර සම්බන්ධව මූල්‍ය ආයතනවලින් ණය පහසුකම් ලැබේ. අනාගත ව්‍යාපාර ඉලක්ක වෙනුවෙන් දැන්ම සිට ප්‍රචාරණ කටයුතු කිරීමට සුදුසු කාලයකි.

පියාගෙන් හෝ පිය පක්ෂයේ දේපල උරුම වන කාලයකි. පියාට සුබය. පියාගේ පැවති රෝගාබාධ සමනය වේ.  සහෝදරයන්ට අසුබයි. කෙටි ගමන් වැඩිවන අතර අමතර වැය පක්ෂයද ඉහළ යයි. හදිසි අනතුරු සම්බන්ධව ගැටලුකාරී තත්වයක් ඇති හෙයින් ඉතාමත් කල්පනාවෙන් ගමන් බිමන් යෑම අනිවාර්යයි.

සඳු, කුජ, ගුරු දශා අනු දශා ගෙවන අයට මෙය හොඳ කාලයකි. මෙම ග්‍රහයන් 22 වෙනි දෙර්කාණාධපති හෝ 64 වෙනි නවාංශකාධිපති නොවේනම් ශුභඵල නියතය. ඔබගේ ජන්ම පතුයට අදාළ මෙවන් විස්තර බලා ගැනීමට අවශ්‍යනම් සහ කැමතිනම් අපගේ ජන්මපත්‍රය නිවැරදිද සහ පලාපල විස්තරාත්මකව යන සේවා ලබා ගන්න.

ගුරු මාරුව ඔබේ ලග්නයට - කුම්භ ලග්නය

කුම්භ - Aquarius

කුම්භ ලග්න හිමියන්ගේ දෙවැන්න වූ ධනස්ථානය සහ එකොළොස්වැන්න වූ අයස්ථානය යන භාවයන් දෙකේම අධිපති ග්‍රහයා ගුරු මෙවර ග්‍රහ මාරුවක් සමග විවාහස්ථානය වන සත්වැන්නට සැපත්වීම සුබයි. මෙතෙක් පැවතියා වූ බොහොමයක් දොස් සමනය වන අතර ආර්ථික සංවර්ධනය සුබවාදී ලෙස වර්ධනය වේ.

ධනය සම්බන්ධයෙන් සුබයි. පසු ගිය කාලය පුරාවට ඔබව වෙලා ගත් ආර්ථික ගැටළු ක්‍රමයෙන් මග හැරී ආර්ථිකය ස්ථාවර වෙනු ඇත. රැකියා ව්‍යාපාරවලින් ආදායම් මෙන්ම අමතර ආදියම් සහ අනපේක්ෂිත හදිසි ධන ලාභ ද හිමි වේ.

රැකියා සහ ව්‍යාපාර දිනෙන් දින වර්ධනය වේ. රැකියා සහ ව්‍යාපාරික ස්ථානයන්හි පරිසරය ඔබගේ වෙහෙස නිවා දමා තෘප්තිය දනවන්නකි. හවුල් ව්‍යාපාරවල නියැළෙන අයගේ ව්‍යාපාරවල විශේෂ දියුණුවක් දැකිය හැකි අතර හවුල්කරුවන් අතර සුහදත්වයද වර්ධනය වේ.

තරුණ තරුණියන්ට මංගල යෝග විවාහ අපේක්ෂකයන්ගේ විවාහයන් තීරණය වීම හෝ විවාහ ගිවිස ගැනීම් යුගදිවි ගෙවන්නන්ගේ පවුලේ සතුට මෙන්ම දූ දරුවන්ගේ දියුණුවද ලැබෙන වාසනාවන්ත කාලයකි.

සෞඛ්‍ය තත්වයට තරමක් හොඳ මදි නිසා ඒ ගැන කල්පනාවෙන් සිටිම වැදගත්ය.

යාවත්කාලීන (අප්ඩේට්) වීමට නියමිතයි. සියලු විස්තර බලා ගැනීමට නැවත පැමිණෙන්න. යතුරු පුවරුවේ Bookmark සඳහා Ctrl + D ඔබා Enter කරන්න.

යාවත්කාලීන කරන ලදී - Updated 16-12-2015


රවි - ගුරු පරිවර්ථනය

දෙසැම්බර් 16 වෙනි දින සවස 2.42 ට රාජ්‍යකාරක රවි තම මිත්‍ර රාශියක් වූ ධනු රාශියට පිවිසෙයි. ඒ අනුව වසර දොළහකට පසු රවි - ගුරු පරිවර්ථන යෝගයක් උදා වේ.

2015 දෙසැම්බර් 22 වෙනි රාත්‍රී 10.6 ට කුම්භ ලග්න හිමි ඔබගේ ග්‍රහ සටහන මෙහි දැක්වේ. රවි - ගුරු පරිවර්ථනය සහ චන්ද්‍රයා උච්ච වීම ඇතුළු ග්‍රහ බලය අනුව පලාපල මෙසේය.

කුම්භ ලග්න හිමි ඔබගේ යෝගකාරක සිකුරු දසවැන්න වූ රැකියාස්ථානයේය. ධනකාරක සහ ධනස්ථානාධිපති ගුරු කලත්‍රස්ථානය හෙවත් විවාහ ස්ථානයේය. ගුරුත්, විවාහ ස්ථානය හිමි රවි බුධ සමග අයස්ථානයේය. සඳු ගේ දොර ගැන කියන හතරවැන්නේ උච්ච වීමත් හේතුවෙන් ඔබට සුභඵල රැසක් ගෙනදීමට මෙම ග්‍රහචාරය හේතු වේ.

ඔබගේ ගෘහ ජීවිතය සහ ගෙදර දොර පරිසරය සාමකාමීව හැමෝගෙන්ම උදව් උපකාර ඇතිව ගත කිරීමට ලැබෙන වාසනාවන්ත කාලයක් ලෙස මෙම ග්‍රහචාරය පරිවර්ථනය වී ඇත. දේපල සම්බන්ධව ගැටලු මෙතෙක් පැවතියා නම් ඒවා විසඳෙන නඩු හබවලින් ජය ගෙන අනාගතය ගැන මහත් බලාපොරොත්තු රැසක් ඇති වන කාලයකි. නව නිවාස තැනීම අලුත්වැඩියාවට මූල්‍ය ආයතනවලින් ණය ලැබෙන කාලයකි.

රැකියාවේ තත්වය උසස් වී ප්‍රධානීන්ගේ ගෞරවාදරයට පත් වෙන වැඩි වැටුල් අතිකාල ලැබේ. නව රැකියා බලාපොරොත්තු වූ අයගේ අදහස් සපල වේ. ස්වයං රැකියා සහ හවුල් වයාපාරාදියෙන් ආදායම් ලැබේ. ඔබගේ ජනප්‍රියතාවය ඉහළ යන නිසා වයාපාරාදියේ ප්‍රචාරණ කටයුතුවලට නොමියව මුදල් වැය කරන්න. අනාගත ආයෝජනවලින් වාසි අත්වෙන ග්‍රහ බලයකි.

හිතවතුන්ගෙන් ගරු බුහුමන් තෑගි භෝග සැප පහසු ගෘහ උපකරණ යාන වාහන සිහින සැබෑ කර ගත හැකිය.

කුජ, සිකුරු දශා අනු දශා ගෙවන අයට මෙය හොඳ කාලයකි. මෙම ග්‍රහයන් 22 වෙනි දෙර්කාණාධපති හෝ 64 වෙනි නවාංශකාධිපති නොවේනම් ශුභඵල නියතය. ඔබගේ ජන්ම පතුයට අදාළ මෙවන් විස්තර බලා ගැනීමට අවශ්‍යනම් සහ කැමතිනම් අපගේ ජන්මපත්‍රය නිවැරදිද සහ පලාපල විස්තරාත්මකව යන සේවා ලබා ගන්න.

ගුරු මාරුව ඔබේ ලග්නයට - මකර ලග්නය

මකර - Capricorn

මකර ලග්නය හිමි ඔබේ අටවැන්නේ ගුරු ග්‍රහයා ගෝචරය වේ. ගුරු අටවැන්නේ ගෝචරය සාමාන්‍යයෙන් සුබ නොවුනත් මකර ලග්න හිමියන්ට එය බල නොපායි. එයට හේතුව ගුරු දොළොස්වැන්නාධිපති වී අටවැන්නේ ගෝචරයෙන් විමල යෝගය උදාවීමයි. එමගින් අනපේක්ෂිත ලාභ ප්‍රයෝජන සහ වාසනාව පෑදෙයි. යම්තාක් දුරට ගුරුගේ අපල සමනය වේ.

ආදායම් තත්වය යම් ප්‍රමාණයකට වර්ධනය වන අතර හදිසි ධන ලාභ උරුමයි. පාරම්පරික දේපල ලැබීමක්, නිවාස, වාහන මිලදී ගැනීම, පවතින ගේදොර අළුත්වැඩියාවක් වැනි කිසියම් දේපළ වර්ධනයක් සඳහා සුදුසු පරිසරයක් සැකසේ. නඩු හබ තම වාසියට විසඳේ.

රැකී රක්ෂාවල කිසියම් පසු බෑමක්, රැකියා වෙනස් වීමක් හෝ දුර බැහැර ප්‍රෙද්ශයකට මාරු වීමක් ආදී රැකියාවේ විශේෂ වෙනසක් දැකිය හැකිය. ව්‍යාපාරික ස්ථානයේ විවිධ බාධක සහ අර්බුද මතුවීමට ඉඩ ඇත. ඒ පිළිබඳව කල්පනාවෙන් කටයුතු කිරීමට සිදුවේ.

ඉදිරියේදී ගැටළු ඇති විය හැකි පෙම් සබඳතා සහ විවාහ කටයුතු සිදුවීමට ඉඩ ඇති බැවින් ඉවසීමෙන් සහ බුද්ධයෙන් කටයුතු කිරීම මැනවි. යුගදිවි ගෙවන්නන් සහ පවුලේ වෙනත් අය සමග දැඩි ස්වරයෙන් වචන හුවමාරු සුදුසු නැත. දරුවන්ගේ කටයුතු යහපත් වන නිසා ඔවුන්ගේ අනාගතය ගැන වෙහෙසීම ඵලදායකය. පිටස්තර අය සමග සුහදශීලීව කටයුතු කරනු ඇත.

සෞඛ්‍ය තත්වය පිරීහීමට ඉඩ ඇති නිසා පරිස්සම වැදගත්ය.

යාවත්කාලීන (අප්ඩේට්) වීමට නියමිතයි. සියලු විස්තර බලා ගැනීමට නැවත පැමිණෙන්න. යතුරු පුවරුවේ Bookmark සඳහා Ctrl + D ඔබා Enter කරන්න.

යාවත්කාලීන කරන ලදී - Updated 16-12-2015


රවි - ගුරු පරිවර්ථනය

දෙසැම්බර් 16 වෙනි දින සවස 2.42 ට රාජ්‍යකාරක රවි තම මිත්‍ර රාශියක් වූ ධනු රාශියට පිවිසෙයි. ඒ අනුව වසර දොළහකට පසු රවි - ගුරු පරිවර්ථන යෝගයක් උදා වේ.

2015 දෙසැම්බර් 22 වෙනි රාත්‍රී 10.6 ට මකර ලග්න හිමි ඔබගේ ග්‍රහ සටහන මෙහි දැක්වේ. රවි - ගුරු පරිවර්ථනය සහ චන්ද්‍රයා උච්ච වීම ඇතුළු ග්‍රහ බලය අනුව පලාපල මෙසේය.

මකර ලග්නය හිමි ඔබගේ යෝගකාරක වන සිකුරු දස වැන්නේ කේන්ද්‍රස්ථාන ගත වීමත්, රවි - ගුරු වැයස්ථානයේ සහ මෘත්‍යථානයේ / මාරකස්ථානයේ පරිවර්ථනය වෙද්දී සඳු පස්වැන්නේ උච්ච වීමත් ඔබට මධ්‍යම ඵල ගෙනදීමට හේතු වේ.

තම එදිනෙදා කටයුතු උනන්දුවෙන් යුතුව තම අභිමතය පරිදි කරගෙන යෑමට යම් වෙහෙසක් උනන්දුවක් කැපකිරීමක් කිරීමට සිදු වෙයි. හිතට කරදර ගෙනදෙන සිදු වීම් ඇති වුවත් වෙනදා පැවති යම් අසනීප තත්වයක් සමනය වීමෙන් සිතට සහනයක් ඇති වේ.

බලාපොරාත්තු කඩවීම්, කරන කියන කටයුතුවලින් එතරම් යහපතක් නොවන කාලයක් ගෙවී යවනාත් සමගම ඉගෙනීමට සහ උසස් අධ්‍යාපනයට ඇති හැකියාව සහ ග්‍රහ බලය නිසා අනාගතයේ සතුට සැනසුම පිණිස දිරිමත්ව වැඩ කිරීමට සිතට ගන්න. තම ගෞරවයට හානි සිදු වීමට ඉඩ ඇති බැවින් ඉතාම කල්පනාවෙන් තම එදිනෙදා කටයුතු කිරීමට සහ පැන නගින ගැටළුවලට මුහුණ දෙන්න.

රැකියාවේ ස්ථාවරය සහ රැකියා කරන ස්ථානයේ පරිසරය ඔබට සුවදායක පරිසරයක් කර ගැනීමට සිතට ගන්න. අනවශ්‍ය වගකීම් බැහැර කර තම යුතුකම් කොටස පමණක් ඉටු කරන්න. ආදායම් තත්වය පහළ ගියද ආත්මාර්ථයෙන් තොරව කටයුතු කිරීමෙන් යම් ස්තාවර තත්වයක් ගොඩනගා ගැවනීමට ඉඩක් ඇත. හවුල් ව්‍යාපාරවලින් ප්‍රෙයා්ජන ලැබීම අසීරුය. නව ව්‍යාපාර ආරම්භ කිරීම ගල් දමන්න.

පපුවේ දුර්වලතා බලවත්වීමට ඉඩ ඇති නිසා තෙල් සහිත ආහාරවලින් වැළකී, නිසි ව්‍යායාමාදියේ යෙදී සෞඛ්‍යය තත්වය යහපත්ව තබා ගැනීමට සිහියට ගන්න.

බුධ, සිකුරු දශා අනු දශා ගෙවන අයට මෙය හොඳ කාලයකි. මෙම ග්‍රහයන් 22 වෙනි දෙර්කාණාධපති හෝ 64 වෙනි නවාංශකාධිපති නොවේනම් ශුභඵල නියතය. ඔබගේ ජන්ම පතුයට අදාළ මෙවන් විස්තර බලා ගැනීමට අවශ්‍යනම් සහ කැමතිනම් අපගේ ජන්මපත්‍රය නිවැරදිද සහ පලාපල විස්තරාත්මකව යන සේවා ලබා ගන්න.