ගුරු මාරුව ඔබේ ලග්නයට කෙසේද?

බ්‍රහස්පති හෙවත් ගුරු ග්‍රහයා 2015 ජූලි මස 14 ‍වෙනිදා සිට 2016 අගෝස්තු මස 12 වැනිදා දක්වා වසරකට අධික කාලයක් රවිට අයිති සිංහ රැසෙහි ගෝචරය වනු ඇත. රවි හිමි සිංහ රාශිය  ගුරුට මිත්‍ර රාශියකි. එබැවින් මෙම ග්‍රහ මාරුව බොහෝ දෙනෙකුට සුබඵල ගෙන දීමට සමත්ය.

ගුරු ග්‍රහයා කිසියම් ජන්ම කේන්ද්‍රයක 1, 2, 4, 5, 7, 9, 10, 11 යන භාවයක සිටීම සුබදායකය. එවිට අශුභ වන්නේ ගුරු 3, 6, 8, 12 සිටින විටදීය. ඉන් ධනු ලග්නයට පමණක් ගුරු 8 වැනි භාවයේ සිටීම අශුභ නොවේ. එයට හේතුව වන්නේ ධනු ලග්න හිමියාගේ 8 වෙනි භාවය කටක රාශිය වීමෙන් ගුරු එහිදී උච්ච වන බැවිනි. එසේම මකර ලග්න හිමියන්ටද ගුරු 8 වැන්නේ සිටීමේ දෝෂය අඩු වීමට හේතුවක් ඇත. එනම් මකර ලග්න හිමියාගේ 12 වෙනි භාවය ධනු ලග්නයයි. 12 වැන්නාධිපති 8 වැන්නේ සිටීමෙන් විමල යෝගය උදාවීම ඊට හේතුවයි. එසේම පරිවර්ථන යෝග මගින් ගුරු 8 වෙනි භාවයේ සිටීමේ දෝෂය අහෝසි වේ. එනම් කිසියම් කේන්ද්‍රය ගුරු 8 වැන්නේ සිටියදී එම අටවැන්න අයිති රාශ්‍යාධිපතියා ගුරුට අයිති භාවයක සිටීමයි. එසේම නීචභංග රාජ යෝගය මගින්ද 8 වෙනි භාවයේ ගුරු සිටීමේ දෝෂය කිසියම් සමනයකට පත් වේ.

කාරක අයිතීන් කිහිපයක් ගුරුට ඇත. ඒවා නම් ධර්මකාරක, ඥාණකාරක, ධනකාරක, පුත්‍රකාරක ආදී වශයෙනුයි. රාශි චක්‍ර යේ ගුරුට අයිති රාශි දෙකකි. ඒ ධනුව හා මීනයයි. මේ රාශි දෙකේදී ගුරු ස්වක්ෂේත්‍ර වේ. කටකය ගුරුගේ උච්ච රාශියයි. මකර රාශිය ගුරුට නීචය.

.ගුරු ග්‍රහයා පිළිබඳව මෙවන් කරුණු රැසකි. අපඅ ඒවා ඉදිරියේදී ජ්‍යෝතිෂ පාඩම් මගින් විමසා බලමු. මෙම ග්‍රහ මාරුව එක් එක් ලග්නවලට බලපාන අයුරු දැන් අපි බලමු.

ගුරු මාරුව ඔබේ ලග්නයට - මේෂ ලග්නය
මේෂ - Ariesමේෂ ලග්නය හිමි ඔබගේ ලග්නයෙන් පස්වැන්නට...

ගුරු මාරුව ඔබේ ලග්නයට - වෘෂභ ලග්න
වෘෂභ - Taurusවෘෂභ ලග්න හිමි ඔබගේ හතරවැනි භාවයට...

ගුරු මාරුව ඔබේ ලග්නයට - මිථුන ලග්නය
මිථුන - Geminiමිථුන ලග්න හිමියන්ගේ ලග්නයෙන්...

ගුරු මාරුව ඔබේ ලග්නයට - කටක ලග්නය
කටක - Cancerකටක ලග්නයෙන් උපන් ඔබට මෙම ග්‍රහ මාරුව...

ගුරු මාරුව ඔබේ ලග්නයට - සිංහ ලග්න
සිංහ - Leo මෙවර ගුරු ග්‍රහයා සංහ ලග්නයෙන් ...

ගුරු මාරුව ඔබේ ලග්නයට - කන්‍යා ලග්නය
කන්‍යා - Virgoමෙවර ගුරු ග්‍රහයා කන්‍යා ලග්න...

ගුරු මාරුව ඔබේ ලග්නයට - තුලා ලග්නය
තුලා - Libraලග්නයෙන් එකොළොස්වැන්නේ ගුරු ගෝචරය වන ..

ගුරු මාරුව ඔබේ ලග්නයට - වෘශ්චික ලග්නය
වෘශ්චික - Scorpioදෙවැන්න වූ ධනස්ථානය අධිපති...

ගුරු මාරුව ඔබේ ලග්නයට - ධනු ලග්නය
ධනු -Sagittariusමෙම ග්‍රහ මාරුව සමගින් ඔබගේ...

ගුරු මාරුව ඔබේ ලග්නයට - මකර ලග්නය
මකර - Capricornමකර ලග්නය හිමි ඔබේ අටවැන්නේ ගුරු...

ගුරු මාරුව ඔබේ ලග්නයට - කුම්භ ලග්නය

කුම්භ - Aquariusකුම්භ ලග්න හිමියන්ගේ දෙවැන්න වූ...

ගුරු මාරුව ඔබේ ලග්නයට - මීන ලග්නය
මීන - Piscesමීන ලග්නය හිමි ඔබගේ රෝගස්ථානය වන...

තව කියවන්න

ගුරු මාරුව ඔබේ ලග්නයට - කුම්භ ලග්නය

කුම්භ - Aquarius

කුම්භ ලග්න හිමියන්ගේ දෙවැන්න වූ ධනස්ථානය සහ එකොළොස්වැන්න වූ අයස්ථානය යන භාවයන් දෙකේම අධිපති ග්‍රහයා ගුරු මෙවර ග්‍රහ මාරුවක් සමග විවාහස්ථානය වන සත්වැන්නට සැපත්වීම සුබයි. මෙතෙක් පැවතියා වූ බොහොමයක් දොස් සමනය වන අතර ආර්ථික සංවර්ධනය සුබවාදී ලෙස වර්ධනය වේ.

ධනය සම්බන්ධයෙන් සුබයි. පසු ගිය කාලය පුරාවට ඔබව වෙලා ගත් ආර්ථික ගැටළු ක්‍රමයෙන් මග හැරී ආර්ථිකය ස්ථාවර වෙනු ඇත. රැකියා ව්‍යාපාරවලින් ආදායම් මෙන්ම අමතර ආදියම් සහ අනපේක්ෂිත හදිසි ධන ලාභ ද හිමි වේ.

රැකියා සහ ව්‍යාපාර දිනෙන් දින වර්ධනය වේ. රැකියා සහ ව්‍යාපාරික ස්ථානයන්හි පරිසරය ඔබගේ වෙහෙස නිවා දමා තෘප්තිය දනවන්නකි. හවුල් ව්‍යාපාරවල නියැළෙන අයගේ ව්‍යාපාරවල විශේෂ දියුණුවක් දැකිය හැකි අතර හවුල්කරුවන් අතර සුහදත්වයද වර්ධනය වේ.

තරුණ තරුණියන්ට මංගල යෝග විවාහ අපේක්ෂකයන්ගේ විවාහයන් තීරණය වීම හෝ විවාහ ගිවිස ගැනීම් යුගදිවි ගෙවන්නන්ගේ පවුලේ සතුට මෙන්ම දූ දරුවන්ගේ දියුණුවද ලැබෙන වාසනාවන්ත කාලයකි.

සෞඛ්‍ය තත්වයට තරමක් හොඳ මදි නිසා ඒ ගැන කල්පනාවෙන් සිටිම වැදගත්ය.

යාවත්කාලීන (අප්ඩේට්) වීමට නියමිතයි. සියලු විස්තර බලා ගැනීමට නැවත පැමිණෙන්න. යතුරු පුවරුවේ Bookmark සඳහා Ctrl + D ඔබා Enter කරන්න.

යාවත්කාලීන කරන ලදී - Updated 16-12-2015

රවි - ගුරු පරිවර්ථනය

දෙසැම්බර් 16 වෙනි දින සවස 2.42 ට රාජ්‍යකාරක රවි තම මිත්‍ර රාශියක් වූ ධනු රාශියට පිවිසෙයි. ඒ අනුව වසර දොළහකට පසු රවි - ගුරු පරිවර්ථන යෝගයක් උදා වේ.

2015 දෙසැම්බර් 22 වෙනි රාත්‍රී 10.6 ට කුම්භ ලග්න හිමි ඔබගේ ග්‍රහ සටහන මෙහි දැක්වේ. රවි - ගුරු පරිවර්ථනය සහ චන්ද්‍රයා උච්ච වීම ඇතුළු ග්‍රහ බලය අනුව පලාපල මෙසේය.

කුම්භ ලග්න හිමි ඔබගේ යෝගකාරක සිකුරු දසවැන්න වූ රැකියාස්ථානයේය. ධනකාරක සහ ධනස්ථානාධිපති ගුරු කලත්‍රස්ථානය හෙවත් විවාහ ස්ථානයේය. ගුරුත්, විවාහ ස්ථානය හිමි රවි බුධ සමග අයස්ථානයේය. සඳු ගේ දොර ගැන කියන හතරවැන්නේ උච්ච වීමත් හේතුවෙන් ඔබට සුභඵල රැසක් ගෙනදීමට මෙම ග්‍රහචාරය හේතු වේ.

ඔබගේ ගෘහ ජීවිතය සහ ගෙදර දොර පරිසරය සාමකාමීව හැමෝගෙන්ම උදව් උපකාර ඇතිව ගත කිරීමට ලැබෙන වාසනාවන්ත කාලයක් ලෙස මෙම ග්‍රහචාරය පරිවර්ථනය වී ඇත. දේපල සම්බන්ධව ගැටලු මෙතෙක් පැවතියා නම් ඒවා විසඳෙන නඩු හබවලින් ජය ගෙන අනාගතය ගැන මහත් බලාපොරොත්තු රැසක් ඇති වන කාලයකි. නව නිවාස තැනීම අලුත්වැඩියාවට මූල්‍ය ආයතනවලින් ණය ලැබෙන කාලයකි.

රැකියාවේ තත්වය උසස් වී ප්‍රධානීන්ගේ ගෞරවාදරයට පත් වෙන වැඩි වැටුල් අතිකාල ලැබේ. නව රැකියා බලාපොරොත්තු වූ අයගේ අදහස් සපල වේ. ස්වයං රැකියා සහ හවුල් වයාපාරාදියෙන් ආදායම් ලැබේ. ඔබගේ ජනප්‍රියතාවය ඉහළ යන නිසා වයාපාරාදියේ ප්‍රචාරණ කටයුතුවලට නොමියව මුදල් වැය කරන්න. අනාගත ආයෝජනවලින් වාසි අත්වෙන ග්‍රහ බලයකි.

හිතවතුන්ගෙන් ගරු බුහුමන් තෑගි භෝග සැප පහසු ගෘහ උපකරණ යාන වාහන සිහින සැබෑ කර ගත හැකිය.

කුජ, සිකුරු දශා අනු දශා ගෙවන අයට මෙය හොඳ කාලයකි. මෙම ග්‍රහයන් 22 වෙනි දෙර්කාණාධපති හෝ 64 වෙනි නවාංශකාධිපති නොවේනම් ශුභඵල නියතය. ඔබගේ ජන්ම පතුයට අදාළ මෙවන් විස්තර බලා ගැනීමට අවශ්‍යනම් සහ කැමතිනම් අපගේ ජන්මපත්‍රය නිවැරදිද සහ පලාපල විස්තරාත්මකව යන සේවා ලබා ගන්න.

තව කියවන්න

ගුරු මාරුව ඔබේ ලග්නයට - සිංහ ලග්නය

සිංහ - Leo

සිංහ ලග්නය හිමි ඔබගේ ලග්න භාවයට එනම් කේන්දරයේ පළමුවෙනි කොටුවට ගුරුගේ සම්ප්‍රාප්තිය සිදු විය. එය ඔබට සුබදායකයි. සාමාන්‍යෙයන් ගුරු ගෝචරයෙන් පළමු භාවයට පැමිණීම එතරම් අගය නොකරතත් ලග්නයේදී දික්බල වන ගුරු ඔබගේ පස්වැන්නාධිපති හෙවත් ත්‍රිකෝණාධිපති වීමේ ගුණය ඉස්මතු වීම නිසා ඔබට මෙම ගුරු ගෝචරය බොහෝ අඩු පාඩු සපිරෙන බලාපොරොත්තු ඉටුවෙන සුබදායක වසරකි. මෙම ගුරු ගෝචරය හේතුවෙන් ඔබ‍ෙගේ තිගුණ පෙනුම ශරීර ශක්තිය තත්වය මෙන්ම උසස් අයගේ ඇසුරට පත්වීම වාසනාවකි.

ධනය අතින් යහපත් වන අතර තැන්පත් ධනයේ වර්ධනයක් ලැබිය හැකි කාලයකි. හදිසි ධන ලාබ ද උරුමය. හවුල් ව්‍යාපාර සඳහා සිත යොමු වෙන අතර ඊට සුදුසු යහපත් ව්‍යාපාර සහ හවුල්කරුවන් ඉබේම මෙන් හමුවන බව පෙනේ. නමුත් ව්‍යාපාර සහ හවුල්කරුවන් තෝරාගැනීමේදී සහ ආයෝජනය කරන ආකාරය ගැන පුළුල්ව කල්පනා කර ක්‍රියා කළහොත් අනාගතයේදී එය ලාභ පිට ලාභ උපයන ධනෝපායන මාර්ගයක් වේ.

ගෘහාශ්‍රිත පරිසරය යහපත් වීමෙන් පවුලේ අය සමග සතුටින් සමගියෙන් කල් ගෙවිය හැක. අවිවාහකයන්ට මංගල යෝගද විවාහකයන්ගේ යුගසැපතද සරු හෙයින් ජීවිතය සාර්ථක ලෙස ගෙවිය හැකිය. දරුවන්ගේ දියුණුවද ඇසුරු කරන්නන් අතර අන්‍යෝන්‍ය සබඳතා වර්ධනයද සිදු වේ.

ලෙඩ දුක් පීඩා සමනය වන නිසා සුළු අසනීප හැරුනු කොට සෞඛ්‍ය තත්වයද ඉතා යහපත්ය.

යාවත්කාලීන (අප්ඩේට්) වීමට නියමිතයි. සියලු විස්තර බලා ගැනීමට නැවත පැමිණෙන්න. යතුරු පුවරුවේ Bookmark සඳහා Ctrl + D ඔබා Enter කරන්න.

යාවත්කාලීන කරන ලදී - Updated 16-12-2015

රවි - ගුරු පරිවර්ථනය

දෙසැම්බර් 16 වෙනි දින සවස 2.42 ට රාජ්‍යකාරක රවි තම මිත්‍ර රාශියක් වූ ධනු රාශියට පිවිසෙයි. ඒ අනුව වසර දොළහකට පසු රවි - ගුරු පරිවර්ථන යෝගයක් උදා වේ.

2015 දෙසැම්බර් 22 වෙනි රාත්‍රී 10.6 ට සිංහ ලග්න හිමි ඔබගේ ග්‍රහ සටහන මෙහි දැක්වේ. රවි - ගුරු පරිවර්ථනය සහ චන්ද්‍රයා උච්ච වීම ඇතුළු ග්‍රහ බලය අනුව පලාපල මෙසේය.

සිංහ ලග්නය හිමි ඔබගේ යෝගකාරක කුජ ධන භාවයේ වීමත්, රවි සහ ගුරු ලග්නයේ සහ පස්වැන්නේ පරිවර්ථනය වීමත් ශුභ ග්‍රහයෙකු වන සඳු දහවැන්නේ උච්ච වීමත් හේතුවෙන් ඔබට සුභඵල රැසක භාග්‍යය ඇත.

සිංහ ලග්න හිමියන්ගේ ගුරු ලග්නයට දික්බලය. ලග්නාධිපති පරිවර්ථන යෝගයකි. ප්‍රසිද්ධිය සහ කීර්තිය ඉහළ යන අතර ඕනෑම දුෂ්කර කටයුත්තක් නිසියාකාරව කිරීමට සමත් වේ. එම නිසා රැකියා ස්ථානයේ ප්‍රධානින්ගේ ඇගයීමට ලක් වේ ඇසුරු කරන්නන් අතර ජනප්‍රියත්වයට පත් වේ. ශනිගේ සත්වැනි දෘෂ්ඨිය රැකියාගේ දුෂ්කර තත්වයන්ට සහ නිතර ඇවිදිලිවලට භාජනය වේ. හදිසි අනතුරු මගහැර ගැනීමට සිත තබා ගත යුතුය. උච්ච සඳු වෙළඳාම, ඉඩකඩම් සම්බන්ධ සහ ප්‍රචාරක සේවා කරන අයගේ ව්‍යාපාර දියුණු වේ.

අධ්‍යාපනය, උසස් අධ්‍යාපනය, වෘත්තීය අධ්‍යාපන ක්ෂේත්‍රෙය් නියුතු අයට ශුභදායක වන අතර, තරඟ විභාගාදියෙන් උසස් ලෙස ජය ලැබීමට මෙම ග්‍රහ ගෝචරය මහෝපකාරී වේ. විද්‍යාස්ථානය වන පස්වැන්නත් ලග්නයත් අතර රවි - ගුරු පරිවර්ථනය ඊට අවශ්‍ය ග්‍රහ තත්වය සපයයි. ඊට අමතරය රවි - බුධ සංයෝගයෙන් බුධ ආධිත්‍ය යෝගය හෙවත් නිපුන යෝගය උදා වී ඇත.

ගේ දොර පිළිබඳ ප්‍රශ්න ඇති වේ. දෙමාපිය නෑදෑයන්ගෙන් වෙන් වී සිටීමට සිදු වේ. ඥාතීන්ට කොතරම් උදව් උපකාර කළත් එයින් කිසිදු ලාබ ප්‍රෙයා්ජනයක් නොලැබෙන තත්වයක් ඇත.

රවි, කුජ දශා අනු දශා ගෙවන අයට මෙය හොඳ කාලයකි. මෙම ග්‍රහයන් 22 වෙනි දෙර්කාණාධපති හෝ 64 වෙනි නවාංශකාධිපති නොවේනම් ශුභඵල නියතය. ඔබගේ ජන්ම පතුයට අදාළ මෙවන් විස්තර බලා ගැනීමට අවශ්‍යනම් සහ කැමතිනම් අපගේ ජන්මපත්‍රය නිවැරදිද සහ පලාපල විස්තරාත්මකව යන සේවා ලබා ගන්න.

තව කියවන්න

ගුරු මාරුව ඔබේ ලග්නයට - කටක ලග්නය

කටක - Cancer

කටක ලග්නයෙන් උපන් ඔබට මෙම ග්‍රහ මාරුව බොහෝ අංශවලින් සුබදායකය. භාග්‍යස්ථානය අධිපති ගුරු ඔබගේ ලග්නයෙන් දෙවැන්න වූ ධනභාවයේ ගෝචරය ආරම්භ කිරීම මෙයට හේතුවයි. ධනය ලැබීම අතින් ඉතාමත් යහපත් වන අතර අමතර ආදායම් මාර්ග ලොතරැයි ජය ආදී හදිසි ධන ලාබ හිමි වන කාලයකි.

රැකියාවේ උසස් වීම් පිට පිට ලබන රැකියා ස්ථානයේ ප්‍රධානීන්ගෙන් මෙන්ම සෙසු අයගෙන් කීර්ති ප්‍රශංසා හිමිව සතුටින් කලු ගෙවිමට හැකිය. ව්‍යාපාර කරන්නන්ගේ ව්‍යාපාර හවුල් ව්‍යාපාරාදිය දිනෙන් දින දියුණුවට පත් වේ.

යහපත් මංගල යෝග ප්‍රේම සම්බන්ධතා යුගදිවි සැපත නොමදව ලැබෙන අතර දූ දරුවන්ගේ ආදරය සහ සැළකිල්ල වැඩි වන කාලයකි. නිවසේ උත්සව මානසික සුවය වන්දනා ගමන් ඇති වෙන සුබ කාලයකි.

සෙම් ආශ්‍රිත හා උදරාශ්‍රිත සුළු රෝග ඇති විය හැකි අතර සෞඛ්‍ය තත්වය යහපත්ය.


යාවත්කාලීන (අප්ඩේට්) වීමට නියමිතයි. සියලු විස්තර බලා ගැනීමට නැවත පැමිණෙන්න. යතුරු පුවරුවේ Bookmark සඳහා Ctrl + D ඔබා Enter කරන්න.

යාවත්කාලීන කරන ලදී - Updated 16-12-2015

රවි - ගුරු පරිවර්ථනය

දෙසැම්බර් 16 වෙනි දින සවස 2.42 ට රාජ්‍යකාරක රවි තම මිත්‍ර රාශියක් වූ ධනු රාශියට පිවිසෙයි. ඒ අනුව වසර දොළහකට පසු රවි - ගුරු පරිවර්ථන යෝගයක් උදා වේ.

2015 දෙසැම්බර් 22 වෙනි රාත්‍රී 10.6 ට කටක ලග්න හිමි ඔබගේ ග්‍රහ සටහන මෙහි දැක්වේ. රවි - ගුරු පරිවර්ථනය සහ චන්ද්‍රයා උච්ච වීම ඇතුළු ග්‍රහ බලය අනුව පලාපල මෙසේය.

ධනකාරකයෙකු වන ගුරුත්, ධනස්ථානය හිමි රවිත් පරිවර්ථනය සහ ලග්නාධිපති සඳු අයස්ථානයේ උච්ච වීමත් හේතුවෙන් ඔබට ධනය අතින් සුභඵල රැසක් ගෙනදීමට හේතු වේ.

වාසනාව ඔබ සොයා එන ග්‍රහ බලයක් පවතින අතර විශාල ධන ලාභ, ඔට්ටු, සූදු, ලොතරැයි දිනුම් ආකාරයේ ධනයකට හේතු වේ. කටක ලග්නය හිමි ඔබගේ යෝගකාරක කුජ වික්‍රමස්ථානයේ සිටින බැවින් කරන කියන කටයුතුවලට දැඩි උත්සාහය සහ කැප කිරීම් නොඅඩුව ඇත. හතරවැන්න වූ නිවාසස්ථානයේ සිකුරුගේ ස්වක්ෂේත්‍ර වීම සහ රවි -ගුරු පරිවර්ථනය නිවාස මිලදී ගැනීමට, නිවාස ඉදිකිරීමට සහ අලුත්වැඩියාවට හෝ නිවසට අවශ්‍ය භාන්ඩ මිලදී ගැනීමට අවශ්‍ය ග්‍රහ බලය විශ්වය විසින් සම්පාදනය කර ඇත. සුඛෝපභෝගී වාහනවල අයිතියද තමන් සතු කර ගැනීමට මෙම අවස්ථාවේ භාග්‍යය ලැබේ,

තරඟ විභාග සහ සම්මුඛ පරීක්ෂණවලින් ඉහළ ජයග්‍රහණ හිමි වේ. රැකියාවේ නිලතල උසස් වීම් සහ වැඩි වැටුප් ලැබීමේ හැකියාව සහ ව්‍යාපාරවල නියුතු අයගේ ව්‍යාපාර ජනප්‍රිය වී, දියුණු වී ආදායම් වැඩි දියුණු වනු ඇත. කටක හිමියන්ගේ අයස්ථානයේ ලග්නාධිපති සඳු උච්ච වීමෙන් ලැබෙන ධන කුවේර යෝගයේ නියමාකාර ප්‍රථිඵල භුකුති විඳීමට හැකි වනු ඇත.  

රවි, සඳු, කුජ, ගුරු දශා අනු දශා ගෙවන අයට මෙය හොඳ කාලයකි. මෙම ග්‍රහයන් 22 වෙනි දෙර්කාණාධපති හෝ 64 වෙනි නවාංශකාධිපති නොවේනම් ශුභඵල නියතය. ඔබගේ ජන්ම පතුයට අදාළ මෙවන් විස්තර බලා ගැනීමට අවශ්‍යනම් සහ කැමතිනම් අපගේ ජන්මපත්‍රය නිවැරදිද සහ පලාපල විස්තරාත්මකව යන සේවා ලබා ගන්න.

තව කියවන්න

ගුරු මාරුව ඔබේ ලග්නයට - මිථුන ලග්නය

මිථුන - Gemini

මිථුන ලග්න හිමියන්ගේ ලග්නයෙන් තුන්වැන්නේ ගුරු ගමන් අරඹයි. සුබ අසුබ ඵල මිශ්‍රව බුක්ති විඳීමට මෙය හේතුවක් වේ. තුන්වෙනි භාවය වික්‍රමස්ථානය ලෙස සහ සහෝදරස්ථානය වේ. වැඩිහිටි සහෝදර සහෝදරියන්ගෙන් උදව් උපකාර හිමි කාලයකි. දුරස්ව සිටි සහෝදරාදීන් මෙන්ම මිතුරු මිතුරියන්ද වෙනදාට වඩා ළඟින් ඇසුරු කිරීමට පෙළඹේ.

උනන්දුව උත්සාහය වර්ධනය වීමෙන් තම එදිනෙදා කටයුතු කලට වේලාවට ඉටු කර ගනී. රැකියා ස්ථානයේ මෙතෙක් තිබූ පහසුකම් හා වරප්‍රසාද ක්‍රමයෙන් ගිලීහී යාමට එරෙහිව ඉහත කී උද්ද්‍යෝගය තුල සහ කල්පනාකාරී හා දූරදර්ශී ක්‍රියාවන් මගින් කිසියම් සාර්ථකත්වයක් දැකිය හැක. රැකියා මාරුවීම් අපේක්ෂා කරන අයට ඒවා ඉටුවන බව පෙනේ.

විවිධ ආර්ථික දුෂ්කරතා මතු විය හැකි අතර අත්‍යාවශ්‍ය දේ සඳහා බොහෝ විට ණය විමටද ඉඩ ඇති කාලයකි.

පවුලේ සාමාජිකයන් සමග පැවති සුළු මත භේද පවා දුරු වීමෙන් ඇති වන සමගිය මානසික තෘත්තිය වර්ධනය කරනු ඇත. තරුණ තරුණියන් අතර යහපත් ප්‍රේම සමබන්ධතා ඇති වෙන අතර විවාහයට සුදුසු සහකරු හෝ සහකාරිය තීරණය කිරීමටද පුලුවන් වේ. ගෙදර දොර පරිසරය සහ යුගදිවි ගෙවන්නන් අතර සුහදතාවය වර්ධනය වන කාලයකි. දරුවන් සිටින අය වැඩි කාලයක් ඔවුන් වෙනුවෙන් යොදවන අතර අනාගතයේදී එමගින් සතුටු විය හැකිය.

සතුරු කරදර ඇතිවිය හැකි වුවද බරපතල සෞඛ්‍ය ගැටලු පැන නොනඟින යහපත් කාලයකි.

යාවත්කාලීන (අප්ඩේට්) වීමට නියමිතයි. සියලු විස්තර බලා ගැනීමට නැවත පැමිණෙන්න. Bookmark සඳහා යතුරු පුවරුවේ  Ctrl + D ඔබා Enter කරන්න.

යාවත්කාලීන කරන ලදී - Updated 16-12-2015

රවි - ගුරු පරිවර්ථනය

දෙසැම්බර් 16 වෙනි දින සවස 2.42 ට රාජ්‍යකාරක රවි තම මිත්‍ර රාශියක් වූ ධනු රාශියට පිවිසෙයි. ඒ අනුව වසර දොළහකට පසු රවි - ගුරු පරිවර්ථන යෝගයක් උදා වේ.

2015 දෙසැම්බර් 22 වෙනි රාත්‍රී 10.6 ට මිථුන ලග්න හිමි ඔබගේ ග්‍රහ සටහන මෙහි දැක්වේ. රවි - ගුරු පරිවර්ථනය සහ චන්ද්‍රයා උච්ච වීම ඇතුළු ග්‍රහ බලය අනුව පලාපල මෙසේය.

මිථුන ලග්න හිමි ඔබට සමස්ථ ගුරු මාරුවම තරමක් අර්බුධකාරී තත්වයත ඇතත් ඉදිරියේදී නොසිතූ වාසි රැසක් අත්කර ගැනීමට හැකි වන ඔබතුල සැඟවුනු දක්ෂතා හෝ කලක් ඔබ විසින් වැඩගත් නමුත් දැනට අත්හැර දමා ඇති කටයුතු කෙරේ උනන්දු වීමට මෙය හොඳ කාලයකි.

ඥාණ ශක්තිය සහ ධාරණ ශක්තිය ඉහළ නිසා අධ්‍යාපනයේ නියෙලෙන අයට බලවත් අපහසුතාවයන් නොමැත. කෙසේ නමුත් බාහිර පරිසරයෙවන් ඈත්ව තම අධ්‍යාපන කටයුතු කෙරේ අවධානය යොමු කරන දරුවන්ට හා නව කාක්ෂණික විෂය ධාරාවන් හදාරණ අයට සුබයි. ආගම ධර්මයට සිත යොමු කිරීමත් කලබලකාරී ගතිය මගහැර ගැනීමත් සුදුසුය.

ඇසුරු කරන්නන්, විහාහකනම් බිරිඳ හෝ ස්වාමි පුරුෂයා සමග නොතේරුම්කමින් හෝ දුරදිග සිතා බැලීමකින් තොරව කරන කටයුතු අවුල් සහගත වීමේ තත්වයක් ඇති හැකි බැවින් ප්‍රෙව්ශමෙන් කටයුතු කරන්න. සිතේ සතුටට බාධා ගෙන දිමත්, ඔවුන් සමග අසමගිකම් වර්ධනය වීමටත් ඉඩ ඇත. විශේෂයෙන්ම ස්ත්‍රීන් සමග ආරවුල්, බොරු චෝදනාවන්ට ලක්වීමේ සහ නොයෙක් ආකාරයේ පාඩු සිදු වීමට ඉඩ තිබෙන කාලයකි.

රැකියා ස්ථානයේ සහ ප්‍රධානීන් අතර හොඳ හිත වර්ධනය කර ගැනීමට අවශ්‍ය හා සුදුසු දෑ පමණක් තෝරා බේරා ගෙන කිරීමට උත්සාහ ගන්න. වෙහෙස නොබලා වැඩ කිරීම ලැබෙන හොඳ නරක එකසේ විඳ දරා ගැනීම හෙට දිනයේ ජය ගෙන එන මාවත බව සිතට ගන්න.

බරපතල සෞඛ්‍ය ගැටලු නැතත් නිතර රෝග පීඩාදියෙන් කරදර ඇති වීමට ඉඩ තිබේ. බුධ, සිකුරු, ශනි දසා අතුරු දසා ගෙවන අයට පවතින ගැටලු බොහොමයක් දුරු වීමට හේතු වේ. අශුභ ග්‍රහයන් 22 වෙනි දෙර්කාණාධපති හෝ 64 වෙනි නවාංශකාධිපති නොවේනම් මධ්‍යම ඵල නියතය. ඔබගේ ජන්ම පතුයට අදාළ මෙවන් විස්තර බලා ගැනීමට අවශ්‍යනම් සහ කැමතිනම් අපගේ ජන්මපත්‍රය නිවැරදිද සහ පලාපල විස්තරාත්මකව යන සේවා ලබා ගන්න.  

තව කියවන්න